എവിടേക്കും മാറിനില്‍ക്കില്ല. ഇവിടെത്തന്നെ കാണും. വേണ്ടി വന്നാല്‍ ഇനിയും മാധ്യമങ്ങള്‍ക്കു മുന്നില്‍ കാര്യങ്ങള്‍ വിശദീകരിക്കും. ഇനിയും ഇത്തരം വ്യാജ പരാതികള്‍ ആര്‍ക്കെതിരേയും ഉണ്ടാകാതിരിക്കാന്‍ കൂടിയാണ് തന്‍റെ നിയമപോരാട്ടമെന്നും നിവിന്‍ പറഞ്ഞു.
പ്രതിപ്പട്ടികയിലുള്ള നിര്‍മാതാവിനെ അറിയാം. സിനിമയില്‍ ഫണ്ട് ചെയ്യുന്ന ആളാണ്. ആ ബന്ധം മാത്രമാണ് അദ്ദേഹവുമായി തനിക്കുള്ളത്. കേസിലെ മറ്റ് പ്രതികളെ അറിയില്ല. പരാതിക്കു പിന്നില്‍ ഗൂഢാലോചന സംശയിക്കുന്നതായും നിവിന്‍ പോളി പറഞ്ഞു.
ഒന്നരമാസം മുമ്പ് സമാനമായ ഒരു പരാതിയുമായി ബന്ധപ്പെട്ട് ഊന്നുകല്‍ പോലീസ് വിളിച്ചിരുന്നു. എന്നാല്‍ അന്വേഷണത്തില്‍ പരാതി വ്യാജമാണെന്ന് ബോധ്യപ്പെട്ടതായി പോലീസ്തന്നെ അന്ന് വ്യക്തമാക്കിയിരുന്നു. നിയമോപദേശം ലഭിച്ച ശേഷം തുടര്‍നടപടികളുമായി മുന്നോട്ടുപോകുമെന്നും നിവിന്‍ പോളി പറഞ്ഞു.