അംഗങ്ങളായ തൊഴിലാളികളില്, വിവാഹം, പ്രസവം, മരണാനന്തര സഹായം, അപകടമരണം, സാന്ത്വന ധനസഹായം, ചികിത്സ, വിദ്യാഭ്യാസം എന്നിവയ്ക്കുള്ള ആനുകൂല്യങ്ങള്ക്ക് അര്ഹരായവര് അപേക്ഷ നല്കി കാത്തിരിപ്പ് തുടങ്ങിയിട്ടു വര്ഷങ്ങളായി. 52.63 കോടി രൂപയാണു പെന്ഷനു പുറമേയുള്ള ആനുകൂല്യങ്ങള് നല്കുന്നതില് കുടിശികയുള്ളത്.
കാശില്ല, സെസ് പോരാ! ഖജനാവില് പണമില്ലെന്നതാണ് പെന്ഷന് മുടങ്ങാന് കാരണമായി അധികൃതര് ചൂണ്ടിക്കാട്ടുന്നത്. വിവിധ സര്ക്കാര് സേവനങ്ങള്ക്ക് ഈടാക്കുന്ന സെസില്നിന്നാണു പെന്ഷനു തുക കണ്ടെത്തുന്നത്.
കുടിശിക പൂര്ണമായും വിതരണം ചെയ്യാനായില്ലെങ്കിലും ഓണത്തിനു മുമ്പ് ഒരു ഗുണഭോക്താവിനു 10,000 രൂപ വീതമെങ്കിലും കിട്ടുന്ന വിധത്തിലുള്ള നടപടികള് സര്ക്കാര് സ്വീകരിക്കണമെന്നു പൊതുപ്രവര്ത്തകനായ രാജു വാഴക്കാല ആവശ്യപ്പെട്ടു.
നിലവിലെ സാഹചര്യത്തില് സെസിലൂടെ ലഭിക്കുന്ന വരുമാനം അപര്യാപ്തമാണെന്നതും പ്രതിസന്ധിയാണെന്ന് ഉദ്യോഗസ്ഥര് ചൂണ്ടിക്കാട്ടുന്നു.