ബസ്പുർക്കാന, ഗുഡ്ബൈ മലബാർ എന്നിവയും ബേബിയുടെ രചനകളാണ്. ഏറ്റവുമൊടുവിൽ പ്രസിദ്ധീകൃതമായതാണ് ഗുഡ് ബൈ മലബാർ എന്ന നോവൽ. പട്ടികവർഗത്തിലെ കാട്ടുനായ്ക്ക പെണ്‍കുട്ടികളുടെ തിരണ്ടുകല്യാണം പ്രമേയമാക്കി ‘ഗുഡ’ എന്ന പേരിൽ 2003ൽ സിനിമ സംവിധാനം ചെയ്തിട്ടുണ്ട്. ചീങ്ങോട് ഗ്രാമത്തിൽ ബേബിയുടെ നേതൃത്വത്തിൽ സ്ഥാപിച്ചതാണ് ‘കനവ് ’ ബദൽ വിദ്യാഭ്യാസ കേന്ദ്രം. പട്ടികവർഗ കുട്ടികളുടെ തൊഴിലധിഷ്ഠിത വിദ്യാഭ്യാസവും സാംസ്കാരിക ഉന്നമനവും ലക്ഷ്യമിട്ട് ആരംഭിച്ച കനവിന്‍റെ പേരും ചേർത്താണു ബേബി പതിറ്റാണ്ടുകളോളം അറിയപ്പെട്ടത്.