കൊച്ചി: അഭിനേതാക്കളുടെ സംഘടനയായ ‘അമ്മ’യുടെ ഓഫീസില് വീണ്ടും പോലീസ് പരിശോധന. ഇടവേള ബാബുവിനെതിരായ കേസ് അന്വേഷിക്കുന്ന പ്രത്യേക അന്വേഷണ സംഘമാണു പരിശോധന നടത്തിയത്.
കേസുമായി ബന്ധപ്പെട്ട രേഖകള് ശേഖരിക്കുന്നതിന്റെ ഭാഗമായാണു പരിശോധന നടത്തിയതെന്ന് ഉദ്യോഗസ്ഥര് പറഞ്ഞു. സംഘടനയിലെ അംഗത്വവുമായി ബന്ധപ്പെട്ടും ഭാരവാഹി തെരഞ്ഞെടുപ്പുമായി ബന്ധപ്പെട്ടുമുള്ള രേഖകളില് അന്വേഷണസംഘം വ്യക്തത തേടി.
ഇടവേള ബാബു ജനറല് സെക്രട്ടറിയും മുകേഷ് ഭാരവാഹിയുമായിരുന്ന കാലഘട്ടത്തിലെ രേഖകളാണു പ്രധാനമായും ഉദ്യോഗസ്ഥർ പരിശോധിച്ചത്. ഇതുമായി ബന്ധപ്പെട്ട രേഖകള് ഉദ്യോഗസ്ഥര് ശേഖരിച്ചതായും വിവരമുണ്ട്. ഉദ്യോഗസ്ഥരെത്തുമ്പോള് ഓഫീസ് ജീവനക്കാര് അല്ലാതെ ഭാരവാഹികള് ആരും ഇവിടെ ഉണ്ടായിരുന്നില്ല. ശനിയാഴ്ച അന്വേഷണസംഘം ഇവിടെ പരിശോധന നടത്തിയിരുന്നു. ആദ്യ ദിവസം ശേഖരിച്ച വിവരങ്ങളിലെ വ്യക്തതയ്ക്ക് വേണ്ടിയാണ് ഇന്നലെ വീണ്ടുമെത്തിയത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.