കൊച്ചി: സംവിധായകന്‍ രഞ്ജിത്തിനെതിരായ കേസില്‍ സാമൂഹ്യപ്രവര്‍ത്തകനായ ഫാ. അഗസ്റ്റിന്‍ വട്ടോളിയുടെ മൊഴി പ്രത്യേക അന്വേഷണസംഘം രേഖപ്പെടുത്തി. കടമക്കുടിയിലെ വസതിയിലെത്തിയാണു മൊഴിയെടുത്തത്. മൊഴിയെടുപ്പ് ഒരു മണിക്കൂര്‍ നീണ്ടു.
രഞ്ജിത്ത് മോശമായി പെരുമാറിയ കാര്യം ബംഗാളി നടി സംവിധായകന്‍ ജോഷി ജോസഫിനോടു പറഞ്ഞിരുന്നു. ജോഷി ജോസഫ് ഫാ. അഗസ്റ്റിന്‍ വട്ടോളിയോടും എഴുത്തുകാരി കെ.ആര്‍. മീരയോടും ഇക്കാര്യം പറഞ്ഞിരുന്നുവെന്നും കഴിഞ്ഞ ദിവസം വെളിപ്പെടുത്തിയിരുന്നു. ഇതിന്‍റെ അടിസ്ഥാനത്തിലാണ് അന്വേഷണ സംഘം ഫാ. അഗസ്റ്റിന്‍ വട്ടോളിയുടെ മൊഴി രേഖപ്പെടുത്തിയത്. സംഭവത്തില്‍ ബംഗാളില്‍ പോയി പോലീസ് നടിയുടെ മൊഴി രേഖപ്പെടുത്തി കേസ് രജിസ്റ്റര്‍ ചെയ്യണമെന്നും ഫാ. അഗസ്റ്റിന്‍ വട്ടോളി ആവശ്യപ്പെട്ടു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.