എല്ലാറ്റിനും "അമ്മ' അല്ല ഉത്തരം നല്‍കേണ്ടത്. അഭിഭാഷകരും സിനിമയിലെ തലമുതിര്‍ന്ന ആളുകളുമായി സംസാരിച്ചതിനു ശേഷമാണ് പ്രസിഡന്‍റ് പദവിയില്‍നിന്നു രാജിവച്ചത്. ഹേമ കമ്മിറ്റിയുമായി സംസാരിച്ച ആളാണ് താന്‍.
നടനും നിര്‍മാതാവും എന്ന നിലയില്‍ തന്‍റെ സിനിമയെക്കുറിച്ച് ചോദിച്ച കാര്യങ്ങള്‍ക്ക് കമ്മിറ്റിക്ക് രണ്ടുതവണ മറുപടി നല്‍കി. അറിയാത്ത കാര്യങ്ങളെക്കുറിച്ച് പറയാന്‍ കഴിയില്ലെന്നും മോഹന്‍ലാല്‍ പറഞ്ഞു.
മലയാള സിനിമയിൽ പവർ ഗ്രൂപ്പ് ഉണ്ടോ എന്നറിയില്ല. പവര്‍ ഗ്രൂപ്പില്‍പെട്ടെ ആളല്ല താനെന്നും അദ്ദേഹം പറഞ്ഞു. മലയാള സിനിമാ വ്യവസായം തകര്‍ന്നു പോകരുത് എന്ന് ആത്മാര്‍ഥമായി ആഗ്രഹിക്കുന്നുവെന്നും മോഹൻലാൽ പറഞ്ഞു.