കേരളത്തിലെ ബിജെപിയുടെ ചുമതലയുള്ള പ്രഭാരിയെ സിപിഎം നേതാക്കളും മുഖ്യമന്ത്രിയും കാണുന്നതിന്റെ ആവശ്യമെന്താണ്? പോയവഴിക്കു ജാവദേക്കർ വീട്ടിൽ കയറിയെന്നാണു പറഞ്ഞത്.
പോയവഴിക്ക് ഇവരാരും ഞങ്ങളുടെ വീട്ടിൽ കയറിയില്ലല്ലോ. കേരളത്തിലെ സിപിഎമ്മിനും നേതാക്കൾക്കുമെതിരേയുള്ള കേസുകളെ ദുർബലമാക്കാനാണ് ജയരാജൻ ജാവദേക്കറെ കണ്ടത്. കരുവന്നൂർ വിഷയത്തിൽ പിടിമുറുക്കിയ ഇഡി ഇന്നെവിടെപ്പോയെന്നും സതീശൻ ചോദിച്ചു.
കേരള പോലീസിനെ നിയന്ത്രിക്കുന്നതു സിപിഎമ്മാണെന്നു സതീശൻ ആരോപിച്ചു. കേരളത്തിലെ പോലീസ് ഒന്നടങ്കം തലയിൽ മുണ്ടല്ല, പുതപ്പിട്ടു നടക്കേണ്ട ഗതികേടിലാണ്.
പോലീസിലെ ഉന്നതർക്കെതിരേ ആരോപണമുന്നയിക്കുന്നതും മനഃപൂർവം അപകീർത്തിപ്പെടുത്താൻ ശ്രമിക്കുന്നതുമെല്ലാം സേനയിലുള്ളവർ തന്നെയാണ്. സിപിഎമ്മിന്റെ പൊളിറ്റിക്കൽ സെക്രട്ടറി പറയുന്നതിനപ്പുറം ഉന്നത പോലീസുകാർപോലും ഒന്നും ചെയ്യാത്ത സ്ഥിതിയാണെന്നും സതീശൻ കുറ്റപ്പെടുത്തി.