സ്ഥാനമൊഴിഞ്ഞ മാര്‍ ജോസഫ് പെരുന്തോട്ടം മാര്‍ തറയിലിനും, ഷംഷാബാദ് രൂപതയുടെ അഡ്മിനിസ്‌ട്രേറ്റര്‍ മാര്‍ ജോസഫ് കൊല്ലംപറമ്പില്‍, സഹായമെത്രാന്‍ മാർ തോമസ് പാടിയത്ത് എന്നിവര്‍ ചേര്‍ന്നു മാര്‍ പാണേങ്ങാടനും ബൊക്കെ നല്‍കി ആദരവറിയിച്ചു. പാലാ ബിഷപ് മാര്‍ ജോസഫ് കല്ലറങ്ങാട്ട് ആശംസകളര്‍പ്പിച്ചു സംസാരിച്ചു.
പുതുതായി ഏല്‍പിക്കപ്പെട്ടിരിക്കുന്ന നിയോഗം ദൈവഹിതപ്രകാരം നിര്‍വഹിക്കാന്‍ ഏവരും പ്രാര്‍ഥിക്കണമെന്നു മാര്‍ തറയിലും മാര്‍ പാണേങ്ങാടനും മറുപടിപ്രസംഗത്തില്‍ ആവശ്യപ്പെട്ടു. സിനഡിലെ മെത്രാന്മാരും ചടങ്ങിനെത്തിയ വൈദികരും സമര്‍പ്പിതരും അല്മായരും ഇരുവര്‍ക്കും അനുമോദനങ്ങളറിയിച്ചു. മേജര്‍ ആര്‍ച്ച്ബിഷപ്പിന്‍റെ പ്രാര്‍ഥനയോടെയാണു ചടങ്ങുകള്‍ സമാപിച്ചത്.
മാർ തോമസ് തറയിലിന്‍റെയും മാർ പ്രിൻസ് പാണേങ്ങാടന്‍റെയും സ്ഥാനാരോഹണം പിന്നീടു നടക്കും.
മാർ തറയിലിന്‍റെ സ്ഥാനാരോഹണം ഒക്ടോബര്‍-31ന് ചങ്ങനാശേരി ആര്‍ച്ച്ബിഷപായി നിയുക്തനായ മാര്‍ തോമസ് തറയിലിന്‍റെ സ്ഥാനാരോഹണം ഒക്ടോബര്‍ 31ന് ചങ്ങനാശേരി സെന്‍റ് മേരീസ് മെത്രാപ്പോലീത്തന്‍ പള്ളിയില്‍ നടക്കുമെന്ന് അതിരൂപതാ കേന്ദ്രത്തില്‍ നിന്നും അറിയിച്ചു. വിശദാംശങ്ങൾ പിന്നാലെ അറിയിക്കും.