സാമൂഹിക ഉത്തരവാദിത്വം നിറവേറ്റുന്നതില് ഈ സംഘടനയും വിശിഷ്യാ നേതൃത്വവും പരാജയപ്പെട്ടിരിക്കുന്നുവെന്നും ഫെഫ്ക ഡയറക്ടേഴ്സ് യൂണിയന് അംഗങ്ങളെ അഭിസംബോധന ചെയ്തുകൊണ്ടുള്ള കത്തില് ആഷിഖ് പറയുന്നു.
നിര്മാതാവില്നിന്നു പണം ലഭിക്കാത്തതിനെത്തുടര്ന്ന് സംഘടനയില് പരാതിപ്പെട്ടപ്പോള് പകുതി തുക മാത്രം ലഭിച്ചതിന് ഫെഫ്ക 20 ശതമാനം കമ്മീഷന് ചോദിച്ചെന്നും ഇതേച്ചൊല്ലി സംവിധായകന് സിബി മലയിലുമായി തര്ക്കമുണ്ടായെന്നും ആഷിഖ് പറയുന്നു.
താന് നല്കിയ ചെക്ക് സിബി മലയില് തിരിച്ചയച്ചെങ്കിലും തന്നോടൊപ്പം പരാതിപ്പെട്ട മറ്റു രണ്ടുപേരോട് 20 ശതമാനം തുക ‘സര്വീസ് ചാര്ജ്’ വാങ്ങിയതായും കത്തില് ആരോപണമുണ്ട്. ഹേമ കമ്മിറ്റി റിപ്പോര്ട്ടിനു പിന്നാലെ ഫെഫ്കയില്നിന്നുള്ള ആദ്യ രാജിയാണ് ആഷിഖ് അബുവിന്റേത്.