ലൈംഗികാതിക്രമം കാട്ടിയെന്ന എറണാകുളം സ്വദേശിനിയായ നടിയുടെ പരാതിയില് ജയസൂര്യക്കെതിരേ തിരുവനന്തപുരം കന്റോണ്മെന്റ് പോലീസാണ് ആദ്യം ജാമ്യമില്ലാ വകുപ്പുകള് പ്രകാരം കേസെടുത്തത്.
സെക്രട്ടേറിയറ്റിലെ സിനിമാ ചിത്രീകരണത്തിനിടെ ശുചിമുറിയുടെ സമീപത്തുവച്ച് കടന്നുപിടിച്ച് ലൈംഗികമായി അതിക്രമം നടത്തിയെന്നാണു നടിയുടെ പരാതി. തൊടുപുഴയിലെ സിനിമാസെറ്റില് വച്ച് ലൈംഗികാതിക്രമം കാണിച്ചെന്ന തിരുവനന്തപുരം സ്വദേശിനിയായ മറ്റൊരു നടിയുടെ പരാതിയില് ഇയാള്ക്കെതിരേ കരമന പോലീസും കേസെടുത്തിരുന്നു.