ഇ​രി​ങ്ങാ​ല​ക്കു​ട: രൂ​പ​ത​യു​ടെ വി​ശ്വാ​സ​ത്തി​ന്‍റെ ച​രി​ത്ര​സാ​ക്ഷ്യ​ങ്ങ​ളു​മാ​യി പൈ​തൃ​കമ​ന്ദി​രം ഇ​ന്നു വെ​ഞ്ച​രി​ക്കും. ഇ​രി​ങ്ങാ​ല​ക്കു​ട രൂ​പ​ത​യു​ടെ പ്ര​ഥ​മ മെ​ത്രാ​സ​ന​മ​ന്ദി​ര​മാ​ണ് പൈ​തൃ​ക​മ​ന്ദി​ര​മാ​യി മാ​റ്റി​യി​രി​ക്കു​ന്ന​ത്. രൂ​പ​ത പി​ന്നി​ട്ട കാ​ല​ങ്ങ​ളെ​ക്കു​റി​ച്ച് ഒ​രു സ​മ​ഗ്ര​മാ​യ​ച​രി​ത്രം ഇ​വി​ടെ ഒ​രു​ക്കു​ന്നു​ണ്ട്. 1880ല്‍ ​സ്ഥാ​പി​ത​മാ​യ സെ​ന്‍റ്് മേ​രീ​സ് പ​ള്ളി (കി​ഴ​ക്കേ പ​ള്ളി)​യു​ടെ വൈ​ദി​ക മ​ന്ദി​ര​മാ​ണു രൂ​പ​ത സ്ഥാ​പി​ത മാ​യ​പ്പോ​ള്‍ മെ​ത്രാ​സ​ന​മ​ന്ദി​ര​മാ​യി മാ​റി​യ​ത്.

1978 സെ​പ്റ്റം​ബ​ര്‍ 10 നാ​യി​രു​ന്നു പ്ര​ഥ​മ മെ​ത്രാ​ന്‍ മാ​ര്‍ ജെ​യിം​സ് പ​ഴ​യാ​റ്റി​ലി​ന്‍റെ അ​ഭി​ഷേ​ക​വും പു​തി​യ രൂ​പ​ത​യു​ടെ ഔ​പ​ചാ​രി​ക ഉ​ദ്ഘാ​ട​ന​വും. രൂ​പ​ത നി​ല​വി​ല്‍ വ​ന്ന​തോ​ടെ സെ​ന്‍റ്് ജോ​ര്‍​ജ് ഫൊ​റോ​ന പ​ള്ളി സെ​ന്‍റ്് തോ​മ​സ് ക​ത്തീ​ഡ്ര​ലാ​യും രൂ​പ​ത​യു​ടെ ആ​സ്ഥാ​ന ദേ​വാ​ല​യ​മാ​യും ഉ​യ​ര്‍​ത്ത​പ്പെ​ട്ടു. സെ​ന്‍റ് മേ​രീ​സ് പ​ള്ളി തി​രു​ഹൃ​ദ​യ ആ​ധ്യാ​ത്മി​ക കേ​ന്ദ്ര​മാ​യും മെ​ത്രാ​സ​ന മ​ന്ദി​ര​വു​മാ​യും മാ​റ്റ​പ്പെ​ട്ടു.

പ​രി​മി​ത​മാ​യ സൗ​ക​ര്യ​ങ്ങ​ള്‍ മാ​ത്ര​മു​ണ്ടാ​യി​രു​ന്ന ഈ ​പ​ള്ളി​മേ​ട ബി​ഷ​പ് മാ​ര്‍ ജെ​യിം​സ് പ​ഴ​യാ​റ്റി​ല്‍ ത​ന്‍റെ ഭ​ര​ണ​നി​ര്‍​വ​ഹ​ണ കാ​ര്യാ​ല​യ​മാ​യും മൈ​ന​ര്‍ സെ​മി​നാ​രി​യാ​യും മാ​റ്റി. ആ​ദ്യ​ത്തെ അ​ഞ്ചു വ​ര്‍​ഷ​ക്കാ​ലം രൂ​പ​ത​യു​ടെ പ്ര​വ​ര്‍​ത്ത​ന​ങ്ങ​ള്‍ ഇ​വി​ടെ​യാ​ണു ന​ട​ന്ന​ത്.

1981 ജ​നു​വ​രി അ​ഞ്ചി​ന് എ​കെ​പി ജം​ഗ്ഷ​നു സ​മീ​പം പു​തി​യ മൈ​ന​ര്‍ സെ​മി​നാ​രി​യു​ടെ ശി​ലാ​സ്ഥാ​പ​നം പൗ​ര​സ്ത്യ സ​ഭ​ക​ള്‍​ക്കാ​യു​ള്ള തി​രു​സം​ഘ​ത്തി​ന്‍റെ അ​ധ്യ​ക്ഷ​ന്‍ ക​ര്‍​ദി​നാ​ള്‍ ഡോ. ​ല​ദ്ധി​സ്ലാ​വ് റൂ​ബി​ന്‍ നി​ര്‍​വ​ഹി​ച്ചു. 1982 ജ​നു​വ​രി ഒ​ന്നി​ന് ഠാ​ണാ ജം​ഗ്ഷ​നു​സ​മീ​പം നി​ര്‍​മി​ച്ച പു​തി​യ രൂ​പ​ത മ​ന്ദി​ര​ത്തി​ന്‍റെ വെ​ഞ്ച​രി​പ്പും ഉ​ദ്ഘാ​ട​ന​വും തൃ​ശൂ​ര്‍ രൂ​പ​ത ബി​ഷ​പ് മാ​ര്‍ ജോ​സ​ഫ് കു​ണ്ടു​കു​ളം നി​ര്‍​വ​ഹി​ച്ചു. 1983 ജൂ​ണ്‍ ര​ണ്ടി​ന് സെ​ന്‍റ് പോ​ള്‍​സ് മൈ​ന​ര്‍ സെ​മി​നാ​രി ആ​രം​ഭി​ച്ചു​വെ​ങ്കി​ലും 1985 സെ​പ്റ്റം​ബ​ര്‍ 10ന് ​രൂ​പ​താ​ദി​ന​ത്തി​ല്‍ സെ​മി​നാ​രി​യു​ടെ ഔ​ദ്യോ​ഗി​ക ഉ​ദ്ഘാ​ട​നം എ​റ​ണാ​കു​ളം ആ​ർ​ച്ച്ബി​ഷ​പ് മാ​ര്‍ ആ​ന്‍റ​ണി പ​ടി​യ​റ നി​ര്‍​വ​ഹി​ച്ചു.

ഇ​രി​ങ്ങാ​ല​ക്കു​ട​യി​ലെ കൈ​സ്ത​വ​രു​ടെ ച​രി​ത്ര​വും സം​സ്‌​കാ​ര​വും അ​നാ​വ​ര​ണം ചെ​യ്യു​ന്ന ക്രൈ​സ്ത​വ വി​ശ്വാ​സ​ത്തി​ന്‍റെ തി​രു​ശേ​ഷി​പ്പാ​യു​ള്ള ഈ ​പൈ​തൃ​ക​മ​ന്ദി​രം അ​തി​ന്‍റെ ത​നി​മ നി​ല​നി​ർ​ത്തി​യാ​ണ് പു​ന​രു​ദ്ധ​രി​ച്ചി​രി​ക്കു​ന്ന​ത്. ഇ​ന്ന​ത്തെ രൂ​പ​താ​ദി​ന ച​ട​ങ്ങു​ക​ള്‍​ക്കു​ശേ​ഷം ബി​ഷ​പ് മാ​ര്‍ പോ​ളി ക​ണ്ണൂ​ക്കാ​ട​ന്‍ ആ​ശീ​ര്‍​വാ​ദം നി​ര്‍​വ​ഹി​ക്കും.