കൊ​ര​ട്ടി: കൊ​ര​ട്ടി​യെ മാ​ലി​ന്യ​മു​ക്ത പ​ഞ്ചാ​യ​ത്താ​യി പ്ര​ഖ്യാ​പി​ക്കു​ന്ന​തി​ന്‍റെ ഭാ​ഗ​മാ​യി മെ​ഗാ ശു​ചീ​ക​ര​ണ​യ​ജ്ഞം ന​ട​ത്തി മ​ണി​ക്കൂ​റു​ക​ൾ​ക്കു​ള്ളി​ൽ ദേ​ശീ​യ​പാ​ത​യ്ക്ക​രി​കി​ൽ മാ​ലി​ന്യം​ത​ള്ളി സാ​മൂ​ഹ്യ​വി​രു​ദ്ധ​ർ. ത​ള്ളി​യ മാ​ലി​ന്യം പ​രി​ശോ​ധി​ച്ച​തി​ൽ​നി​ന്നു ല​ഭി​ച്ച വി​ലാ​സം കൊ​ച്ചി​യി​ലെ പ്ര​മു​ഖ ഫാ​മി​ലി സ​ലൂ​ണി​ന്‍റേ​താ​ണെ​ന്നു തെ​ളി​ഞ്ഞു. ജൂ​ണി​യ​ർ ഹെ​ൽ​ത്ത് ഇ​ൻ​സ്പെ​ക്ട​ർ ടി.​എ. മു​ര​ളീ​ധ​ര​ൻ​പി​ള്ള, മാ​ലി​ന്യ​മു​ക്തം ന​വ​കേ​ര​ളം കോ​ഓർ​ഡി​നേ​റ്റ​ർ അ​ങ്കി​ത ക​ണ്ണ​ത്ത്, ഐ​ആ​ർ​ടി​സി കോ​ർ​ഡി​നേ​റ്റ​ർ എം.​ആ​ർ. ര​മ്യ എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു പ​രി​ശോ​ധ​ന. അ​ധി​കൃ​ത​ർ സ്ഥാ​പ​ന​ത്തി​ന്‍റെ ഫോ​ണ്‍ ന​ന്പ​റി​ൽ ബ​ന്ധ​പ്പെ​ടാ​ൻ ശ്ര​മി​ച്ചെ​ങ്കി​ലും ല​ഭ്യ​മാ​യി​ല്ല.

ദേ​ശീ​യ​പാ​ത പെ​രു​ന്പി​യി​ലെ ഇ​ന്ത്യ​ൻ കോ​ഫി ഹൗ​സി​നു മു​ന്നി​ലാ​ണ് നാ​ലു ചാ​ക്കു​ക​ളി​ലാ​യി അ​ജൈ​വ​മാ​ലി​ന്യം വ​ലി​ച്ചെ​റി​ഞ്ഞ​ത്. നി​യ​മ​ന​ട​പ​ടി സ്വീ​ക​രി​ക്കു​ക​യും പി​ഴ ചു​മ​ത്തു​ക​യും ചെ​യ്യു​ന്ന​തി​നൊ​പ്പം മാ​ലി​ന്യം തി​രി​ച്ചെ​ടു​പ്പി​ക്കാ​നാ​ണ് പ​ഞ്ചാ​യ​ത്തും ആ​രോ​ഗ്യ​വ​കു​പ്പും തീ​രു​മാ​നി​ച്ചി​രി​ക്കു​ന്ന​ത്.

ഫോ​ണ്‍ ന​ന്പ​റും ഇ-​മെ​യി​ൽ ഐ​ഡി​യും സ്ഥ​പ​ന​ത്തി​ന്‍റെ പൂ​ർ​ണ​മാ​യ മേ​ൽ​വി​ലാ​സ​വും കൂ​ന്പാ​ര​ത്തി​ൽ​നി​ന്നു ല​ഭി​ച്ചി​ട്ടു​ണ്ട്. കൊ​ര​ട്ടി പ​ഞ്ചാ​യ​ത്ത് അ​തി​ർ​ത്തി​യാ​യ ദേ​ശീ​യ​പാ​ത പൊ​ങ്ങം മു​ത​ൽ മു​രി​ങ്ങൂ​ർ വ​രെ​യു​ള്ള പാ​ത​യോ​ര​ത്താ​ണ് ജ​ന​പ്ര​തി​നി​ധി​ക​ളും തൊ​ഴി​ലു​റ​പ്പു​തൊ​ഴി​ലാ​ളി​ക​ളും ഹ​രി​ത ക​ർ​മ​സേ​ന​യും ഉ​ദ്യോ​ഗ​സ്ഥ​രും കു​ടും​ബ​ശ്രീ അം​ഗ​ങ്ങ​ളും ചേ​ർ​ന്ന് ക​ഴി​ഞ്ഞ​ദി​വ​സം വൃ​ത്തി​യാ​ക്കി​യ​ത്.