മ​ട്ടാ​ഞ്ചേ​രി: പ്യൂ​ണ്‍ മു​ത​ല്‍ ഡെ​പ്യൂ​ട്ടി ത​ഹ​സി​ല്‍​ദാ​ര്‍ വ​രെ​യു​ള്ള​വ​ര്‍​ക്ക് പ​ണം ന​ൽ​കി പ​ട്ട​യം ത​ര​പ്പെ​ടു​ത്തി ന​ല്‍​കാ​മെ​ന്ന് പ​റ​ഞ്ഞ് താ​ലൂ​ക്ക് ജീ​വ​ന​ക്കാ​രു​ടെ പേ​രി​ല്‍ വീ​ട്ട​മ്മ​യി​ല്‍ നി​ന്ന് പ​ണം വാ​ങ്ങി​യ ആ​ളെ കൊ​ച്ചി താ​ലൂ​ക്ക് അ​ധി​കൃ​ത​ര്‍ പി​ടി​കൂ​ടി പോ​ലീ​സി​ന് കൈ​മാ​റി.

കൊ​ച്ചി താ​ലൂ​ക്ക് ഓ​ഫീ​സി​ന് മു​ന്നി​ല്‍ അ​പേ​ക്ഷ​ക​ള്‍ എ​ഴു​തി കൊ​ടു​ക്കു​വാ​നി​രി​ക്കു​ന്ന വ്യ​ക്തി​യാ​ണ് വൈ​പ്പി​ന്‍ എ​ള​ങ്കു​ന്ന​പു​ഴ സ്വ​ദേ​ശി​യാ​യ വീ​ട്ട​മ്മ​യി​ല്‍ നി​ന്ന് പ​ണം വാ​ങ്ങി​യ​ത്. ആ​ദ്യം മൂ​വാ​യി​രം രൂ​പ​യാ​ണ് വാ​ങ്ങി​യ​ത്.

പി​ന്നീ​ട് പൂ​ജ ചെ​യ്യാ​നെ​ന്ന പേ​രി​ല്‍ ര​ണ്ടാ​യി​രം വാ​ങ്ങി.​ വീ​ണ്ടും അ​യ്യാ​യി​രം രൂ​പ കൂ​ടി ആ​വ​ശ്യ​പ്പെ​ട്ട​തോ​ടെ വീ​ട്ട​മ്മ താ​ലൂ​ക്ക് ഓ​ഫീ​സി​ലെ​ത്തി പ​ട്ട​യം ല​ഭി​ക്കാ​ന്‍ എ​ത്ര രൂ​പ​യാ​കു​മെ​ന്ന് അ​ന്വേ​ഷി​ച്ച​പ്പോ​ഴാ​ണ് കാ​ര്യ​ങ്ങ​ള്‍ പു​റ​ത്ത് വ​രു​ന്ന​ത്.

തു​ട​ര്‍​ന്ന് വീ​ട്ട​മ്മ ത​ഹ​സി​ല്‍​ദാ​ര്‍ ജോ​സ​ഫ് ആ​ന്‍റ​ണി ഹെ​ര്‍​ട്ടി​സി​ന് പ​രാ​തി ന​ല്‍​കി. ത​ഹ​സി​ല്‍​ദാ​ര്‍ ഇ​യാ​ളെ വി​ളി​ച്ച് കാ​ര്യ​ങ്ങ​ള്‍ തി​ര​ക്കി​യ ശേ​ഷം ഫോ​ര്‍​ട്ട്കൊ​ച്ചി പോ​ലീ​സി​ന് കൈ​മാ​റു​ക​യാ​യി​രു​ന്നു.​ സം​ഭ​വ​ത്തി​ൽ പോ​ലീ​സ് അ​ന്വേ​ഷ​ണം ആ​രം​ഭി​ച്ചു.