അ​ടി​മാ​ലി: വാ​ഴ​ക്കു​ല വ്യാ​പാ​രി​യു​ടെ ക​ട ജ​പ്തി ചെ​യ്ത കേ​ര​ള ബാ​ങ്ക് ന​ട​പ​ടി ഹൈ​ക്കോ​ട​തി ര​ണ്ടു ദി​വ​സ​ത്തേ​ക്ക് സ്റ്റേ ​ചെ​യ്തു. ക​ട ജ​പ്തി ചെ​യ്ത് സീ​ൽ ചെ​യ്ത​തോ​ടെ ല​ക്ഷ​ക്ക​ണ​ക്കി​ന് രൂ​പ​യു​ടെ ഏ​ത്ത​ക്കു​ല​ക​ളും പ​ഴ​ങ്ങ​ളും ഉ​ള്ളി​ലി​രു​ന്ന് അ​ഴു​കി​ന​ശി​ക്കു​ന്ന സ്ഥി​തി​യാ​യി​രു​ന്നു. ഇ​തേത്തു​ട​ർ​ന്നു ക​ട​യു​ട​മ​യ്ക്ക് ഇ​വ നീ​ക്കം ചെ​യ്യു​ന്ന​തി​നാ​ണ് ര​ണ്ടു ദി​വ​സം സാ​വ​കാ​ശം അ​നു​വ​ദി​ച്ച് ഉ​ത്ത​ര​വാ​യ​ത്.

മാ​ർ​ക്ക​റ്റിം​ഗ് സൊ​സൈ​റ്റി​യി​ൽനി​ന്ന് സ്ഥ​ലം വാ​ട​ക​യ്ക്കെ​ടു​ത്ത് ക​ട നി​ർ​മി​ച്ചാ​യി​രു​ന്നു അ​ക്ബ​ർ വ്യാ​പാ​രം ന​ട​ത്തി​വ​ന്നി​രു​ന്ന​ത്. അ​ക്ബ​റി​ന് ബാ​ങ്കു​മാ​യി നേ​രി​ട്ട് ഇ​ട​പാ​ടി​ല്ലെ​ങ്കി​ലും മാ​ർ​ക്ക​റ്റിം​ഗ് സൊ​സൈ​റ്റി​യി​ലെ കു​ടി​ശി​ക ഈ​ടാ​ക്കു​ന്ന​തി​നാ​ണ് ക​ഴി​ഞ്ഞ ദി​വ​സം ബാ​ങ്ക് ക​ട ജ​പ്തി ചെ​യ്ത​ത്. ജ​പ്തി​ സംബന്ധിച്ച് ത​നി​ക്ക് അ​റി​യി​പ്പൊ​ന്നും ല​ഭി​ച്ചി​രു​ന്നി​ല്ലെ​ന്നും ക​ട​യ്ക്കു​ള്ളി​ലെ സ്റ്റോ​ക്ക് നീ​ക്കാ​ൻ അ​വ​സ​രം ന​ൽ​കാ​തെ​യാ​ണ് ബാ​ങ്ക​ധി​കൃ​ത​ർ സ്ഥാ​പ​നം പൂ​ട്ടി​യ​തെ​ന്നും ആ​രോ​പ​ണം ഉ​യ​ർ​ന്നി​രു​ന്നു. ഇ​തി​നു പി​ന്നാ​ലെ​യാ​ണ് ക​ട​യു​ട​മ ഹൈ​ക്കോ​ട​തി​യെ സ​മീ​പി​ച്ച​ത്.