നെ​ടു​മു​ടി: മാ​സ​പ്പ​ടി​ക്കേ​സി​ല്‍ മ​ക​ള്‍ വീ​ണാ വി​ജ​യ​നെ പ്ര​തി ചേ​ര്‍​ത്ത സാ​ഹ​ച​ര്യ​ത്തി​ല്‍ ഉ​ട​ന​ടി രാ​ജി​വ​യ്ക്കാ​ൻ പി​ണ​റാ​യി വി​ജ​യ​ന്‍ ത​യാ​റാ​ക​ണ​മെ​ന്ന് ആ​ല​പ്പു​ഴ ഡി​സി​സി വൈ​സ് പ്ര​സി​ഡ​ന്‍റ് സ​ജി ജോ​സ​ഫ്. മ​ധു​ര​യി​ല്‍ ന​ട​ക്കു​ന്ന സി​പി​എം പാ​ര്‍​ട്ടി കോ​ണ്‍​ഗ്ര​സി​ൽ​ത്ത​ന്നെ ഇ​ക്കാ​ര്യ​ത്തി​ൽ അ​ടി​യ​ന്ത​രമാ​യി തീ​രു​മാ​ന​മെ​ടു​ക്ക​ണം. തെ​ളി​വു​ക​ളെ അ​തി​ജീ​വി​ക്കാ​ന്‍ മു​ഖ്യ​മ​ന്ത്രി​ക്കോ മ​ക​ള്‍​ക്കോ സാ​ധി​ക്കി​ല്ലെ​ന്നി​രി​ക്കേ മു​ഖ്യ​മ​ന്ത്രി​യു​ടെ രാ​ജി ആ​വ​ശ്യ​പ്പെ​ടാ​ൻ പാ​ർ​ട്ടി കോ​ൺ​ഗ്ര​സ്‌ ത​യാ​റാ​ക​ണം.

പത്തു വ​ര്‍​ഷം വ​രെ ത​ട​വു കി​ട്ടു​ന്ന കു​റ്റ​മാ​ണി​ത്. പ​ണം വാ​ങ്ങി​യ​വ​ര്‍ അ​തി​ന്‍റെ ഭ​വി​ഷ്യ​ത്ത് അ​നു​ഭ​വി​ച്ചേ തീ​രൂ. പ​ല​നാ​ള്‍ ക​ട്ടാ​ല്‍ ഒ​രു നാ​ള്‍ പി​ടി​ക്ക​പ്പെ​ടും എ​ന്ന​താ​ണ് യാ​ഥാ​ര്‍​ഥ്യ​മെ​ന്നും അ​ദ്ദേ​ഹം പ​റ​ഞ്ഞു. ത​ദ്ദേ​ശ സ്ഥാ​പ​ന​ങ്ങ​ളു​ടെ പ​ദ്ധ​തി വി​ഹി​തം വെ​ട്ടി​ക്കുറ​ച്ച​തി​ൽ പ്ര​തി​ഷേ​ധി​ച്ച് സം​സ്ഥാ​ന വ്യാ​പ​ക​മാ​യി ത​ദ്ദേ​ശ സ്ഥാ​പ​ന​ങ്ങ​ളു​ടെ മു​ന്നി​ൽ കോ​ൺ​ഗ്ര​സ്‌ സം​ഘ​ടി​പ്പി​ക്കു​ന്ന ധ​ർ​ണ നെ​ടു​മു​ടി​യി​ൽ ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം.

കോ​ർ ക​മ്മി​റ്റി ചെ​യ​ർ​മാ​ൻ ലാ​ലി​ച്ച​ൻ പ​ള്ളി​വാ​തു​ക്ക​ൽ അ​ധ്യ​ക്ഷ​ത വ​ഹി​ച്ചു. ഡി​സി​സി എ​ക്സി​ക്യൂ​ട്ടി​വ് അം​ഗം വി.​കെ. സേ​വ്യ​ർ മു​ഖ്യ​പ്ര​ഭാ​ഷ​ണം ന​ട​ത്തി. മ​ണ്ഡ​ലം പ്ര​സി​ഡ​ന്‍റു​മാ​രാ​യ റോ​ബ​ർ​ട്ട് ജോ​ൺ​സ​ൺ, എ​ൻ.​വി. ഹ​രി​ദാ​സ്, എം.​ബി. ഉ​ണ്ണി​കൃ​ഷ്ണ​ൻ, മി​നി മ​ന്മ​ഥ​ൻ നാ​യ​ർ, സാ​ജു ക​ട​മാ​ട്, സ​ന്തോ​ഷ് താ​ഴെ​ത്തു​രു​ത്ത് തു​ട​ങ്ങി​യ​വ​ർ പ്ര​സം​ഗി​ച്ചു.