കുട്ട​നാ​ട്: കു​ട്ട​നാ​ട്ടി​ലെ വ​ട​ക്ക​ന്‍ മേ​ഖ​ല​യി​ലെ യാ​ത്രാ​ദു​രി​ത​ത്തി​നു പ​രി​ഹാ​ര​മാ​കാ​ൻ കാ​വാ​ലം-​ത​ട്ടാ​ശേ​രി പാ​ലം ഒ​രു​ങ്ങു​ന്നു. വൈ​ശ്യം​ഭാ​ഗം, മ​ങ്കൊ​മ്പ് സി​വി​ല്‍ സ്റ്റേ​ഷ​ന്‍, ച​മ്പ​ക്കു​ളം, പ​ട​ഹാ​രം പാ​ല​ങ്ങ​ള്‍​ക്ക് ഒ​പ്പം കാ​വാ​ലം പാ​ലം കൂ​ടി പൂ​ര്‍​ത്തി​യാ​കു​മ്പോ​ള്‍ ദേ​ശീ​യ​പാ​ത, എം​സി റോ​ഡ്, ആ​ല​പ്പു​ഴ കോ​ട്ട​യം മെ​ഡി​ക്ക​ല്‍ കോ​ള​ജു​ക​ള്‍ എ​ന്നി​വി​ട​ങ്ങ​ളി​ലേ​ക്കു വേ​ഗ​ത്തി​ല്‍ കു​ട്ട​നാ​ട്ടു​കാ​ര്‍​ക്ക് എ​ത്തി​ച്ചേ​രാ​ന്‍ സാ​ധി​ക്കും. പാ​ലം നി​ര്‍​മാ​ണ​ത്തി​നു കി​ഫ്ബി 60.03 കോ​ടി രൂ​പ​യു​ടെ അ​ന്തി​മ സാ​മ്പ​ത്തി​ക അ​നു​മ​തി ന​ല്‍​കി.

സാ​ങ്കേ​തി​കാ​നു​മ​തി കൂ​ടി ല​ഭി​ച്ചാ​ല്‍ നി​ര്‍​മാ​ണച്ചുമ​ത​ല​യു​ള്ള കേ​ര​ള റോ​ഡ് ഫ​ണ്ട് ബോ​ര്‍​ഡി​നു ടെ​ന്‍​ഡ​ര്‍ ന​ട​പ​ടി​യി​ലേ​ക്കു ക​ട​ക്കാം. ഒ​രുമാ​സ​ത്തി​നു​ള്ളി​ല്‍ ടെ​ന്‍​ഡ​ര്‍ ന​ട​പ​ടി പൂ​ര്‍​ത്തി​യാ​യേ​ക്കും. മ​ഴ സീ​സ​ണുശേ​ഷം നി​ര്‍​മാ​ണം ആ​രം​ഭി​ക്കാ​ന്‍ സാ​ധി​ക്കു​മെ​ന്നാ​ണ് അ​ധി​കൃ​ത​ര്‍ പ​റ​യു​ന്ന​ത്. ഒ​ന്നാം പി​ണ​റാ​യി സ​ര്‍​ക്കാ​രി​ന്‍റെ ആ​ദ്യ ഇ​ട​ക്കാ​ല ബ​ജ​റ്റി​ല്‍ 30 കോ​ടി രൂ​പ​യാ​ണു കാ​വാ​ലം പാ​ല​ത്തി​ന് അ​നു​വ​ദി​ച്ച​ത്.

110 സെ​ന്‍റ് ഭൂ​മി

പാ​ല​ത്തി​നൊ​പ്പം ബ​ജ​റ്റി​ല്‍ ഇ​ടം നേ​ടി​യ പ​ട​ഹാ​രം പാ​ലം നി​ര്‍​മാ​ണം പൂ​ര്‍​ത്തി​യാ​യി. കാ​വാ​ലം-​ത​ട്ടാ​ശേ​രി പാ​ലം നി​ര്‍​മാ​ണ​ത്തി​ന് ദേ​ശീ​യ ജ​ല​പാ​ത ച​ട്ടം അ​ട​ക്ക​മു​ള്ള ഒ​ട്ട​ന​വ​ധി ത​ട​സ​ങ്ങ​ളാ​ണു​ണ്ടാ​യ​ത്. ദേ​ശീ​യ ജ​ല​പാ​ത ച​ട്ടം നി​യ​മം മ​റി​ക​ട​ക്കാ​ന്‍ രൂ​പ​രേ​ഖ​യി​ല്‍ മാ​റ്റം വ​രു​ത്തി തു​ക 52 കോ​ടി രൂ​പ​യാ​യി വ​ര്‍​ധി​പ്പി​ച്ചു. 110 സെ​ന്‍റ് ഭൂ​മി​യാ​ണ് ഏ​റ്റെ​ടു​ക്കേ​ണ്ടി​യി​രു​ന്ന​ത്.

2023 ജ​നു​വ​രി​യി​ല്‍ ഭൂ​മി വി​ട്ടുന​ല്‍​കു​ന്ന​തി​ന് മു​ഴു​വ​ന്‍ ഭൂ​ഉ​ട​മ​ക​ളും സ​മ്മ​തി​ക്കു​ക​യും തൊ​ട്ട​ടു​ത്ത ദി​വ​സം സ​മ്മ​ത​പ​ത്രം ഒ​പ്പു​വ​യ്ക്കു​ക​യും ചെ​യ്തി​രു​ന്നു. 2023 മാ​ര്‍​ച്ചി​ന് മു​മ്പാ​യി ത​ന്നെ ഭൂ​മി​യു​ടെ വി​ല സ​ര്‍​ക്കാ​രി​ല്‍നി​ന്ന് ഉ​ട​മ​ക​ള്‍​ക്കു ല​ഭ്യ​മാ​ക്കി. എ​ന്നാ​ല്‍, ചി​ല സ​ര്‍​വേ ന​മ്പ​രു​ക​ളി​ലു​ണ്ടാ​യ പി​ശ​ക് വീ​ണ്ടും ത​ട​സ​മാ​യി. നി​ര്‍​മാ​ണം നീ​ണ്ട​തോ​ടെ കാ​വാ​ലം പാ​ലം സ​മ്പാ​ദ​ക സ​മി​തി​യു​ടെ നേ​തൃ​ത്വ​ത്തി​ല്‍ പ്ര​ക്ഷോ​ഭം തു​ട​ങ്ങി.

8.5 മീ​റ്റ​ര്‍ വീ​തി

പ​ട​ഹാ​രം പാ​ല​ത്തി​ന്‍റെ സ​മാ​ന​മാ​യ രീ​തി​യി​ല്‍ 400 മീ​റ്റ​ര്‍ നീ​ള​ത്തി​ലും 8.5 മീ​റ്റ​ര്‍ വീ​തി​യി​ലു​മാ​ണു കാ​വാ​ലം-​ത​ട്ടാ​ശേ​രി പാ​ല​വും നി​ര്‍​മി​ക്കു​ന്ന​ത്. ട​വ​ര്‍ മാ​തൃ​ക​യി​ല്‍ 45 മീ​റ്റ​റി​ന്‍റെ നാലു സ്പാ​നു​ക​ളും ഇ​രു​വ​ശ​ത്തും 35 നീ​ള​ത്തി​ല്‍ രണ്ടു വീ​തം സ്പാ​നു​ക​ളു​മാ​ണു വെ​ള്ള​ത്തി​ല്‍ നി​ര്‍​മി​ക്കു​ന്ന​ത്. ശേ​ഷി​ച്ച സ്പാ​നു​ക​ളും തൂ​ണു​ക​ളും ക​ര​യി​ലാ​കും.

ദൂ​രം കു​റ​യു​ന്ന​തോ​ടൊ​പ്പം ടൂ​റി​സം, കാ​ര്‍​ഷി​ക സ​ര്‍​ക്യൂ​ട്ടു​ക​ള്‍ യാ​ഥാ​ര്‍​ഥ്യ​മാ​കു​മെ​ന്നും ഇ​തി​നാ​യു​ള്ള പ​ദ്ധ​തി രേ​ഖ സ​ര്‍​ക്കാ​രി​നു കൈ​മാ​റി​യ​താ​യും സ​മ​യ​ബ​ന്ധി​ത​മാ​യി ടെ​ന്‍​ഡ​ര്‍ ന​ട​പ​ടി​ക​ള്‍ പൂ​ര്‍​ത്തി​യാ​ക്കി പാ​ലം​നി​ര്‍മാ​ണം ആ​രം​ഭി​ക്കു​ന്ന​തി​നു ക​ര്‍​ശ​ന നി​ര്‍​ദേ​ശം കേ​ര​ള റോ​ഡ് ഫ​ണ്ട് ബോ​ര്‍​ഡി​ന് ന​ല്‍​കി​യ​താ​യി തോ​മ​സ് കെ.​ തോ​മ​സ് എം​എ​ല്‍​എ പ​റ​ഞ്ഞു.