ആ​ല​പ്പു​ഴ: ജില്ലയി​ലെ തെ​രു​വു​നാ​യ ശ​ല്യ​ത്തി​ന് ശാ​ശ്വ​തപ​രി​ഹാ​രം കാ​ണു​ന്ന​തി​നും തെ​രു​വു​നാ​യ്ക്ക​ളു​ടെ വ​ന്ധ്യം​ക​ര​ണം ഉ​ള്‍​പ്പെ​ടെ​യു​ള്ള പ്ര​തി​രോ​ധ ന​ട​പ​ടി​ക​ള്‍​ക്കു​മാ​യി ആ​ല​പ്പു​ഴ ജി​ല്ലാ പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ല്‍ ക​ണി​ച്ചു​കു​ള​ങ്ങ​ര​യി​ല്‍ ആ​രം​ഭി​ച്ച അ​നി​മ​ല്‍ ബ​ര്‍​ത്ത് ക​ണ്‍​ട്രോ​ള്‍ (എ​ബി​സി) സെ​ന്‍റ​റി​ല്‍ ശ​സ്ത്ര​ക്രി​യ​ക​ള്‍​ക്കു തു​ട​ക്ക​മാ​യി.

ക​ട​ക്ക​ര​പ്പ​ള്ളി പ​ഞ്ചാ​യ​ത്തി​ല്‍നി​ന്ന് പി​ടി​ച്ച പത്തു നാ​യ്ക്ക​ളെ​യാ​ണ് ആ​ദ്യ​ദി​വ​സം ശ​സ്ത്ര​ക്രി​യ ചെ​യ്ത​ത്. വെ​റ്ററിന​റി സ​ര്‍​ജ​ന്‍ ഡോ. ​പി.എ​സ്. ശ്രീ​ജ​യു​ടെ നേ​തൃ​ത്വ​ത്തി​ലാ​ണ് ശ​സ്ത്ര​ക്രി​യ ന​ട​ത്തി​യ​ത്. ജി​ല്ലാ മൃ​ഗ​സം​ര​ക്ഷ​ണ ഓ​ഫീ​സ​ര്‍ ഡോ. ​പി.വി. ​അ​രു​ണോ​ദ​യ, സെ​ന്‍ററിന്‍റെ ചു​മ​ത​ല​യു​ള്ള സീ​നി​യ​ര്‍ വെ​റ്ററി​ന​റി സ​ര്‍​ജ​ന്‍ ഡോ. ​കെ. വൈ. ​സ​ണ്ണി എ​ന്നി​വ​ര്‍ ശ​സ്ത്ര​ക്രി​യാ ന​ട​പ​ടി​ക​ള്‍ വി​ല​യി​രു​ത്തി.

ശ​സ്ത്ര​ക്രി​യ പ്ര​വ​ര്‍​ത്ത​ന​ങ്ങ​ളു​ടെ സ​ഹാ​യ​ത്തി​നാ​യി ഒ​രു ലൈ​വ് സ്റ്റോ​ക്ക് ഇ​ന്‍​സ്പെ​ക്ട​ര്‍, നാ​ല് മൃ​ഗ​പ​രി​പാ​ല​ക​ര്‍, ഒ​രു തിയ​റ്റ​ര്‍ സ​ഹാ​യി, ഒ​രു ശു​ചീ​ക​ര​ണ തൊ​ഴി​ലാ​ളി, നാ​യ​പി​ടു​ത്ത സം​ഘ അം​ഗ​ങ്ങ​ള്‍ എ​ന്നി​വ​രും ഉ​ണ്ടാ​യി​രു​ന്നു. ശ​സ്ത്ര​ക്രി​യ​ക്കു​ശേ​ഷം സെ​ന്‍ററി​ലെ കൂ​ടു​ക​ളി​ലേ​ക്ക് മാ​റ്റു​ന്ന ആ​ണ്‍ നാ​യ്ക്ക​ളെ നാ​ലു ദി​വ​സ​വും പെ​ണ്‍നാ​യ്ക്ക​ളെ അ​ഞ്ചു ദി​വ​സ​വും നി​രീ​ക്ഷ​ണ​ത്തി​ല്‍ പാ​ര്‍​പ്പി​ച്ച​തി​നു ശേ​ഷം കൊ​ണ്ടു​വ​ന്ന സ്ഥ​ല​ത്തു​ത​ന്നെ തി​രി​ച്ചെ​ത്തി​ക്കും.

ഇ​വ​യെ തി​രി​ച്ച​റി​യാ​നാ​യി നാ​യ്ക്ക​ളു​ടെ ചെ​വി​യി​ല്‍ അ​ട​യാ​ള​വും പ​തി​പ്പി​ക്കും. പ​ക​ര്‍​ച്ച​വ്യാ​ധി​യു​ള്ള നാ​യ്ക്ക​ളെ ചി​കി​ത്സ ന​ട​ത്തി മാ​ത്ര​മേ തി​രി​ച്ചു​വി​ടൂ. ആ​ന്‍റിബ​യോ​ട്ടി​ക് ചി​കി​ത്സ​യും പേ​വി​ഷ​ബാ​ധ​യ്ക്ക് എ​തി​രെ​യു​ള്ള കു​ത്തി​വയ്പ്പും ന​ല്‍​കും. ഇ​വ​യ്ക്കു​ള്ള ഭ​ക്ഷ​ണ​വും സെന്‍റ​റി​ല്‍നി​ന്ന് ത​ന്നെ​യാ​ണ് ന​ല്‍​കു​ക. ശ​സ്ത്ര​ക്രി​യ ന​ട​ത്തി​യ നാ​യ​ക​ളു​ടെ പ​രി​ച​ര​ണ​ത്തി​നാ​യി രാ​ത്രി​കാ​ല​ങ്ങ​ളി​ല്‍ ഒ​രു മൃ​ഗ​പ​രി​പാ​ല​ക​ന്‍റെ സേ​വ​ന​വും സെ​ന്‍റ​റി​ല്‍ ഉ​ണ്ടാ​കും. കേ​ന്ദ്ര മൃ​ഗ​ക്ഷേ​മ ബോ​ര്‍​ഡി​ന്‍റെ ആ​ക‌്ഷ​ന്‍ പ്ലാ​ന്‍ അ​നു​സ​രി​ച്ചാ​ണ് പ്ര​വ​ര്‍​ത്ത​നം. ഓ​രോ ദി​വ​സ​വും രാ​വി​ലെ​യും വൈ​കി​ട്ടു​മാ​യി പത്തു നാ​യ്ക്ക​ളെ വീ​തം വ​ന്ധ്യം​ക​രി​ക്കു​വാ​നാ​ണ് നി​ല​വി​ല്‍ പ​ദ്ധ​തി ഉ​ള്ള​ത്.

ജി​ല്ലാ പ​ഞ്ചാ​യ​ത്തി​ന്‍റെ വാ​ര്‍​ഷി​ക പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി 38,24,000 രൂ​പ ചെ​ല​വ​ഴി​ച്ച് അ​ത്യാ​ധു​നി​ക സൗ​ക​ര്യ​ങ്ങ​ളോ​ടെ നി​ര്‍​മി​ച്ച എ​ബി​സി സെ​ന്‍റ​ര്‍ ക​ഴി​ഞ്ഞ ദിവസം മ​ന്ത്രി ജെ.​ചി​ഞ്ചു റാ​ണി​യാ​ണ് ഉ​ദ്ഘാ​ട​നം ചെ​യ്ത​ത്. 840 ച​തു​ര​ശ്ര അ​ടി വി​സ്തീ​ര്‍​ണ​മു​ള്ള പ്ര​ധാ​ന കെ​ട്ടി​ടം, അ​നു​ബ​ന്ധ സൗ​ക​ര്യ​ങ്ങ​ള്‍​ക്ക് നി​ര്‍​മി​ച്ചി​രി​ക്കു​ന്ന ഷെ​ഡു​ക​ള്‍, 50 നാ​യ്ക്ക​ളെ പാ​ര്‍​പ്പിക്കാ​നു​ള്ള കൂ​ടു​ക​ള്‍ എ​ന്നി​വ ഉ​ള്‍​പ്പെ​ടെ​യാ​ണ് സെ​ന്‍റര്‍ ഒ​രു​ക്കി​യി​ട്ടു​ള്ള​ത്.

മാ​രാ​രി​ക്കു​ളം വ​ട​ക്ക് പ​ഞ്ചാ​യ​ത്തി​ലെ ക​ണി​ച്ചു​കു​ള​ങ്ങ​ര മൃ​ഗാ​ശു​പ​ത്രി​ക്കു സ​മീ​പ​മാ​ണ് സെന്‍റ​ര്‍. ക​ഞ്ഞി​ക്കു​ഴി ബ്ലോ​ക്കി​നാ​ണ് നി​ര്‍​വ​ഹ​ണ ചു​മ​ത​ല. ക​ഞ്ഞി​ക്കു​ഴി, ആ​ര്യാ​ട് ബ്ലോ​ക്ക് പ​ഞ്ചാ​യ​ത്തു​ക​ളി​ലെ​യും ചേ​ര്‍​ത്ത​ല ന​ഗ​ര​സ​ഭ​യി​ലെ​യും തെ​രു​വുനാ​യ്ക്ക​ളെ​യാ​ണ് സെന്‍ററി​ല്‍ വ​ന്ധ്യം​ക​രി​ക്കു​ന്ന​ത്.