മാ​ന്നാ​ർ: നാ​ടുനീ​ളെ വേ​ണ്ടിട​ത്തും വേ​ണ്ടാ​ത്തി​ട​ത്തും ല​ക്ഷ​ങ്ങ​ൾ മു​ട​ക്കി എംപിയും ​എംഎ​ൽഎയും മ​ത്സ​രി​ച്ച് വെ​യി​റ്റിം​ഗ് ഷെ​ഡു​ക​ൾ സ്ഥാ​പി​ക്കു​മ്പോ​ൾ ത​ക​ർ​ന്നു വീ​ഴാ​റാ​യ ഒ​രു വെ​യി​റ്റിം​ഗ് ഷെ​ഡ് ചെ​ന്നി​ത്ത​ല​യി​ൽ ഉ​ണ്ട്. ചെ​ന്നി​ത്ത​ല കാ​രാ​ഴ്മ ജം​ഗ്ഷ​നി​ൽ അ​പ​ക​ടാ​വ​സ്ഥ​യി​ൽ സ്ഥി​തി ചെ​യ്യു​ന്ന ബ​സ് കാ​ത്തി​രി​പ്പ് കേ​ന്ദ്രം പൊ​ളി​ച്ചു​മാ​റ്റി പു​ന​ർ നി​ർ​മിക്ക​ണ​മെ​ന്ന ആ​വ​ശ്യം ഉ​യ​രാ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി.

മാ​വേ​ലി​ക്ക​ര- തി​രു​വ​ല്ല സം​സ്ഥാ​നപാ​ത​യി​ൽ ചെ​ന്നി​ത്ത​ല- തൃ​പ്പെ​രു​ന്തു​റ പ​ഞ്ചാ​യ​ത്ത് കാ​രാ​ഴ്മ ജം​ഗ്ഷ​നി​ൽ റോ​ഡി​ന് പ​ടി​ഞ്ഞാ​റ് ഭാ​ഗ​ത്ത് സ്ഥി​തി​ചെ​യ്യു​ന്ന ബ​സ് സ്റ്റോ​പ്പി​ലെ കാ​ത്തി​രി​പ്പ് കേ​ന്ദ്രം കാ​ല​പ്പ​ഴ​ക്ക​ത്താ​ൽ ഏ​ത് നി​മി​ഷ​വും നി​ലം​പൊ​ത്തു​ന്ന അ​വ​സ്ഥ​യി​ലാ​ണ്.

ദി​വ​സേ​ന സ്ത്രീ​ക​ളും കു​ട്ടി​ക​ളു​മ​ട​ക്കം നി​ര​വ​ധി യാ​ത്ര​ക്കാ​ർ ആ​ശ്ര​യി​ക്കു​ന്ന ബ​സ് കാ​ത്തി​രി​പ്പ് കേ​ന്ദ്ര​മാ​ണി​ത്. ഇ​തി​ന്‍റെ നാ​ല് ഇ​രു​മ്പ് തൂ​ണു​ക​ൾ അ​ട​ക്കം ദ്ര​വി​ച്ച് നി​ലം​പ​തി​ക്കാ​റാ​യ നി​ല​യി​ലാ​ണ്.

കാ​രാ​ഴ്മ ജം​ഗ്ഷ​ന് കി​ഴ​ക്കാ​യി സ്ഥി​തി ചെ​യ്യു​ന്ന തി​രു​വി​താം​കൂ​ർ ദേ​വ​സ്വം​ബോ​ർ​ഡി​ന്‍റെ അ​ധീ​ന​ത​യി​ലു​ള്ള ച​രി​ത്ര​പ്ര​സി​ദ്ധ​മാ​യ കാ​രാ​ഴ്മ ദേ​വീക്ഷേ​ത്ര​ത്തി​ലേ​ക്ക് എ​ത്തു​ന്ന ഭ​ക്ത​ജ​ന​ങ്ങ​ളും ഈ ​ബ​സ് കാ​ത്തി​രി​പ്പ് കേ​ന്ദ്ര​ത്തെ​യാ​ണ് ആ​ശ്ര​യി​ക്കു​ന്ന​ത്. ബ​സ് കാ​ത്തി​രി​പ്പ് കേ​ന്ദ്ര​ത്തി​ന്‍റെ അ​പ​ക​ടാ​വ​സ്ഥ പ​രി​ഹ​രി​ക്കാ​ൻ പു​തി​യ വെ​യി​റ്റിം​ഗ് ഷെ​ഡ് നി​ർ​മിക്കാ​ൻ എം​എ​ൽ​എ ഫ​ണ്ടി​ൽ ഉ​ൾ​പ്പെ​ടു​ത്തി​യോ, ഫി​ഷ​റീ​സ് സാം​സ്കാ​രി​ക വ​കു​പ്പി​ന്‍റെ ധ​ന​സ​ഹാ​യ​ത്താ​ലോ ബ​സ് കാ​ത്തി​രി​പ്പ് കേ​ന്ദ്രം അ​ടി​യ​ന്ത​ര​മാ​യി പു​ന​ർ നി​ർമിക്ക​ണ​മെ​ന്ന് സിപിഐ ​കാ​രാ​ഴ്മ ബ്രാ​ഞ്ച് സ​മ്മേ​ള​നം മ​ന്ത്രി സ​ജി ചെ​റി​യാ​നോ​ട് ആ​വ​ശ്യ​പ്പെ​ട്ടു.