തുറ​വൂ​ർ: തീ​ര​ദേ​ശ​ത്ത് ക​ഞ്ചാ​വും മ​യ​ക്കു​മ​രു​ന്നും വ്യാ​പ​ക​മാ​കു​ന്നു. പ​ള്ളി​ത്തോ​ട് സ്കൂ​ളി​ന് പ​ടി​ഞ്ഞാ​റു ഭാ​ഗം, വാ​ല​യി​ൽ പൊ​ഴി​ച്ചാ​ൽ, മു​തു​കേ​ൽ റോ​ഡി​ന് കി​ഴ​ക്ക് ഭാ​ഗ​ത്തു​ള്ള കെ​ട്ടി​ട​ങ്ങ​ളും ,മു​ഞ്ച​ക്കാ​ടും, ചാ​പ്പ​ക്ക​ട​വ് മ​ത്സ്യ ഗ്യാ​പ് പ്ര​ദേ​ശ​വും ഇ​തി​ന് കി​ഴ​ക്കു​ള്ള ആ​ളൊ​ഴി​ഞ്ഞ പ​ഴ​യ കെ​ട്ടി​ട​വു​മാ​ണ് മ​യ​ക്കു​മ​രു​ന്ന്-​ക​ഞ്ചാ​വ് വി​ൽ​പ്പ​ന​യു​ടെയും ഉ​പ​യോ​ഗ​ത്തി​ന്‍റെ​യും കേ​ന്ദ്രം. ക​ണ്ണ​മാ​ലി മു​ത​ൽ അ​ർ​ത്തു​ങ്ക​ൽ വ​രെ​യു​ള്ള തീ​ര​ദേ​ശ മേ​ഖ​ല​യി​ൽ നി​ന്ന് നി​ര​വ​ധി യു​വാ​ക്ക​ളാ​ണ് ഇ​വി​ടെ എ​ത്തി മ​യ​ക്കു​മ​രു​ന്നു വാ​ങ്ങു​ന്ന​തും ഉ​പ​യോ​ഗി​ക്കു​ന്ന​തും.

രാ​പ​ക​ൽ വ്യ​ത്യാ​സ​മി​ല്ലാ​തെ​യാ​ണ് ക​ഞ്ചാ​വ് മ​യ​ക്കു​മ​രു​ന്നു സം​ഘം ഇ​വി​ടെ വി​ല​സു​ന്ന​ത്. പ​ള്ളി​ത്തോ​ട് സ്കൂ​ളി​ന് പ​ടി​ഞ്ഞാ​റ് ക​ട​ൽ ഭി​ത്തി​യോ​ട് ചേ​ർ​ന്ന് നി​ര​വ​ധി വി​ദ്യാ​ർ​ഥി​ക​ളും യു​വാ​ക്ക​ളു​മാ​ണ് രാ​പ​ക​ൽ വ്യത്യാ​സ​മി​ല്ലാ​തെ ദി​വ​സ​വും പ​ര​സ്യ​മാ​യി ക​ഞ്ചാ​വ്, മ​യ​ക്കു​മ​രു​ന്ന് ഉ​പ​യോ​ഗി​ക്കു​ന്ന​ത്. പ​രി​സ​ര​വാ​സി​ക​ൾ വ​ള​രെ ഭ​യ​ത്തോ​ടെ​യാ​ണ് ജീ​വി​ക്കു​ന്ന​ത്. ഇ​വ​രു​ടെ ശ​ല്യം രൂ​ക്ഷ​മാ​കു​മ്പോ​ൾ ആ​രെ​ങ്കി​ലും ചോ​ദ്യം ചെ​യ്താ​ൽ മാ​ര​കാ​യു​ധ​ങ്ങ​ളു​മാ​യി അ​വ​രെ ആ​ക്ര​മി​ക്കു​ക​യും ചെ​യ്യു​ന്നു.

കൂ​ടാ​തെ പ​രി​സ​ര​ത്തെ വീ​ടു​ക​ളു​ടെ മു​ന്നി​ൽ മാ​ലി​ന്യ​ങ്ങ​ൾ ഇ​ടു​ക​യും ചെ​യ്യു​ന്നു. സ്ത്രി​ക​ൾ​ക്കും കു​ട്ടി​ക​ൾ​ക്കും ഈ ​മേ​ഖ​ല​യു​ടെ സ​മീ​പ​ത്തു​കൂ​ടി യാ​ത്ര ചെ​യ്യാ​ൻ സാ​ധി​ക്കാ​ത്ത അ​വ​സ്ഥ​യാ​ണ്. അ​ന്ധ​കാ​ര​ന​ഴി വി​നോ​ദ സ​ഞ്ചാ​ര കേ​ന്ദ്ര​വും പ​രി​സ​ര പ്ര​ദേ​ശ​ങ്ങ​ളും മ​യ​ക്കു​മ​രു​ന്നു സം​ഘ​ത്തി​ന്‍റെ പി​ടി​യി​ലാ​ണ്.
നി​ര​വ​ധി ത​വ​ണ പ​രാ​തി ന​ൽ​കി​യി​ട്ടും യാ​തൊ​രുവി​ധ ന​ട​പ​ടി​യും സ്വീ​ക​രി​ക്കു​ന്നി​ല്ലെ​ന്നും ആ​ക്ഷേ​പ​മു​ണ്ട്. പ​ശ്ചി​മ കൊ​ച്ചി​യി​ൽനി​ന്നാ​ണ് വ്യാ​പ​ക​മാ​യി ഈ ​മേ​ഖ​ല​യി​ൽ മ​യ​ക്കു​മ​രു​ന്ന് എ​ത്തു​ന്ന​ത്. ഇ​വി​ട​ത്തെ ക​ഞ്ചാ​വ് മ​യ​ക്കു മ​രു​ന്നു സം​ഘ​ത്തെ അ​ടി​ച്ച​മ​ർ​ത്തു​വാ​നു​ള്ള അ​ടി​യ​ന്തര ന​ട​പ​ടി ഉ​ണ്ടാ​ക​ണ​മെ​ന്ന ആ​വ​ശ്യം ഉ​യ​രു​ന്നു.