മങ്കൊ​മ്പ്: ഏ​റെ കൊ​ട്ടി​ഘോ​ഷി​ക്ക​പ്പെ​ട്ട് കൊ​യ്ത്തു​ത്സവം ന​ട​ത്തി​യ പാ​ട​ശേ​ഖ​ര​ത്തി​ലെ നെ​ല്ല് കി​ഴി​വി​നെ​ച്ചൊ​ല്ലി​യു​ള്ള ത​ർ​ക്കം​മൂ​ലം ദി​വ​സ​ങ്ങ​ളാ​യി പാ​ട​ത്തു കെ​ട്ടി​ക്കി​ട​ക്കു​ന്നു. നാ​നൂ​റേ​ക്ക​ർ വ​രു​ന്ന നീ​ലം​പേ​രൂ​ർ കൃ​ഷി​ഭ​വ​ൻ പ​രി​ധി​യി​ലെ കോ​ഴി​ച്ചാ​ൽ തെ​ക്ക് പാ​ട​ശേ​ഖ​ര​ത്തി​ലെ നെ​ല്ലാ​ണ് സം​ഭ​രി​ക്കാ​നാ​കാ​തെ കെ​ട്ടി​ക്കി​ട​ക്കു​ന്ന​ത്. ന​ല്ല വേ​ന​ലി​ൽ വി​ള​വെ​ടു​ത്ത നെ​ല്ലി​ന് ക്വി​ന്‍റലി​ന് അ​ഞ്ചു​കി​ലോ​ഗ്രാ​മാ​ണ് മി​ല്ലു​ട​മ​ക​ൾ​ക്കാ​യി ഇ​ട​നി​ല​ക്കാ​ർ കി​ഴി​വ് ആ​വ​ശ്യ​പ്പെ​ടു​ന്ന​ത്. എ​ന്നാ​ൽ, ക​ർ​ഷ​ക​ർ ഇ​തി​നു ത​യാ​റാ​കാ​തെ വ​ന്ന​തോ​ടെ സം​ഭ​ര​ണം ന​ട​ക്കാ​തെ​പോ​കു​ക​യാ​യി​രു​ന്നു.

ര​ണ്ടു മി​ല്ലു​ക​ളാ​ണ് ഇ​വി​ടെ നി​ന്നും നെ​ല്ലെ​ടു​ക്കാ​ൻ ചു​മ​ത​ല​യു​ള്ള​ത്. വി​ള​വെ​ടു​പ്പു ക​ഴി​ഞ്ഞ​പ്പോ​ൾ​ത​ന്നെ മി​ല്ലു​ട​മ​ക​ളു​ടെ പ്ര​തി​നി​ധി​ക​ൾ സ്ഥ​ല​ത്തെ​ത്തി നെ​ല്ലി​ന്‍റെ സാ​മ്പി​ൾ പ​രി​ശോ​ധ​ന​യ്ക്കാ​യി കൊ​ണ്ടു​പോ​യി​രു​ന്നു. പ​രി​ശോ​ധ​നാ​ഫ​ലം വ​രും​മു​ൻ​പേ നെ​ല്ലി​ൽ ഈ​ർ​പ്പ​ത്തി​ന്‍റെ അ​ള​വു കൂ​ടു​ത​ലാ​ണെ​ന്നും അ​ഞ്ചു കി​ലോ​ഗ്രാം കി​ഴി​വു വേ​ണ​മെ​ന്നു ആ​വ​ശ്യ​പ്പെ​ടു​ക​യു​മാ​യി​രു​ന്നു.

അ​മി​ത കി​ഴി​വ് ഒ​ഴി​വാ​ക്കി നെ​ല്ലെ​ടു​ക്കാ​ൻ സ​ഹാ​യി​ക്ക​ണ​മെ​ന്നാ​വ​ശ്യ​പ്പെ​ട്ട് എം​പി​യ​ട​ക്ക​മു​ള്ള ജ​ന​പ്ര​തി​നി​ധി​ക​ളു​മാ​യി കൂ​ടി​ക്കാ​ഴ്ച ന​ട​ത്തി​യ​താ​യി ക​ർ​ഷ​ക​ർ പ​റ​യു​ന്നു. എ​ന്നാ​ൽ, യാ​തൊ​രു ന​ട​പ​ടി​യും ആ​കാ​ത്ത​തി​നാ​ൽ നെ​ല്ലു​പാ​ട​ത്തു​ത​ന്നെ കെ​ട്ടി​ക്കി​ട​ക്കു​ക​യാ​യി​രു​ന്നു.

വി​ള​വെ​ടു​പ്പു​ത്സവ​ത്തി​നു കാ​ട്ടി​യ താ​ത്പ​ര്യം നെ​ല്ലു​സം​ഭ​ര​ണ​ക്കാ​ര്യ​ത്തി​ൽ രാ​ഷ്ട്രീ​യ​ക്കാ​ർ കാ​ട്ടി​യി​ല്ലെ​ന്നും ക​ർ​ഷ​ക​ർ​ക്കു പ​രാ​തി​യു​ണ്ട്. ഇ​പ്പോ​ൾ ആ​വ​ശ്യ​പ്പെ​ടു​ന്ന കി​ഴി​വു ന​ൽ​കാ​ത്ത​പ​ക്ഷം, നെ​ല്ലി​ന്‍റെ ഗു​ണ​നി​ല​വാ​ര പ​രി​ശോ​ധ​ന ന​ട​ത്തി​യ​ശേ​ഷം മി​ല്ലു​ട​മ​ക​ളു​മാ​യി ച​ർ​ച്ച​ന​ട​ത്തി കി​ഴി​വു​കാ​ര്യം തീ​രു​മാ​നി​ക്കാ​മെ​ന്നാ​ണ് ഇ​ട​നി​ല​ക്കാ​ർ പ​റ​യു​ന്ന​ത്.

എ​ന്നാ​ൽ, ഏ​തു സ​മ​യ​ത്തും മ​ഴ​യെ​ത്താ​മെ​ന്ന​ത് ക​ർ​ഷ​ക​രെ ആ​ശ​ങ്ക​യി​ലാ​ക്കു​ന്നു. ഈ ​സാ​ഹ​ച​ര്യ​ത്തി​ൽ എ​ന്തുന​ഷ്ടം സ​ഹി​ച്ചും നെ​ല്ലു​വി​ൽ​ക്കാ​നാ​ണ് ക​ർ​ഷ​ക​രു​ടെ പൊ​തു​വാ​യ തീ​രു​മാ​നം. അ​ഞ്ചു​കി​ലോ​ഗ്രാം വീ​തം കി​ഴി​വു​ന​ൽ​കി ഇ​ന്നു​ത​ന്നെ മി​ല്ലു​കാ​ർ​ക്കു ന​ൽ​കാ​നാ​ണ് വൈ​കു​ന്നേ​ര​ത്തോ​ടെ ക​ർ​ഷ​ക​ർ തീ​രു​മാ​നി​ച്ചി​രി​ക്കു​ന്ന​ത്.