ചാ​രും​മൂ​ട്: ഓ​ണാ​ട്ടു​ക​ര​യു​ടെ നെ​ല്ല​റ എ​ന്ന​റി​യ​പ്പെ​ടു​ന്ന പെ​രു​വേ​ലി​ച്ചാ​ല്‍ പു​ഞ്ച​യി​ലെ നെ​ല്‍​ക്കൃ​ഷി ക​നാ​ല്‍​വെ​ള്ളം ക​യ​റിന​ശി​ച്ചു. നൂ​റ​നാ​ട്, ചു​ന​ക്ക​ര പ​ഞ്ചാ​യ​ത്തു​ക​ളു​ടെ പ​രി​ധി​യി​ല്‍ വ​രു​ന്ന പു​ലി​മേ​ല്‍ ഭാ​ഗ​ത്തും ബ​ണ്ടു​റോ​ഡി​ന്‍റെ ഇ​രു​വ​ശ​ങ്ങ​ളി​ലും വെ​ള്ളം നി​റ​ഞ്ഞുകി​ട​ക്കു​ക​യാ​ണ്. കൃ​ഷി​യി​റ​ക്കി​യ 250 ഏ​ക്ക​ര്‍ സ്ഥ​ല​വും വെ​ള്ള​ത്തി​ന​ടി​യി​ലാ​ണ്. കെഐപി, പിഐ​പി ക​നാ​ലു​ക​ള്‍ തു​റ​ന്നു​വി​ട്ട​തി​നെ​ത്തു​ട​ര്‍​ന്നാ​ണ് പാ​ട​ശേ​ഖ​രം മു​ഴു​വ​ന്‍ വെ​ള്ളം നി​റ​ഞ്ഞ​ത്.

പു​ഞ്ച​യി​ലേ​ക്കു​ള്ള വെ​ള്ള​ത്തെ നി​യ​ന്ത്രി​ച്ചു നി​ര്‍​ത്തു​ന്ന പു​റം​ബ​ണ്ട് ത​ക​ര്‍​ന്ന​താ​ണ് വെ​ള്ള​ത്തി​ന്‍റെ ഒ​ഴു​ക്ക് പാ​ട​ശേ​ഖ​ര​ങ്ങ​ളി​ലേ​ക്ക് എ​ത്താ​ന്‍ കാ​ര​ണം.

പു​റം​ബ​ണ്ട് ആ​ഴം​കൂ​ട്ടി ബ​ല​പ്പെ​ടു​ത്ത​ണ​മെ​ന്നാ​വ​ശ്യം നെ​ല്‍​ക​ര്‍​ഷ​ക​ര്‍ വ​ര്‍​ഷ​ങ്ങ​ളാ​യി ആ​വ​ശ്യ​പ്പെ​ടു​ന്ന​താ​ണ്. ക​ര്‍​ഷ​ക​ര്‍​ക്ക് കൃ​ഷി​ഭ​വ​ന്‍​വ​ഴി വി​ത​ര​ണം ചെ​യ്ത നെ​ല്‍​വി​ത്ത് ഗു​ണ​മേ​ന്മ ഇ​ല്ലാ​ത്ത​താ​യ​തി​നാ​ല്‍ വെ​ളി​യി​ല്‍ നി​ന്നു വി​ത്തുവാ​ങ്ങി ഇ​ക്കു​റി കൃ​ഷി​യി​റ​ക്കു​ക​യാ​യി​രു​ന്നു. വി​ത്ത് വാ​ങ്ങി​യ വ​ക​യി​ല്‍ മു​ട​ക്കി​യ പ​ണം ക​ര്‍​ഷ​ക​ര്‍​ക്ക് കി​ട്ടി​യി​ട്ടി​ല്ല. വെ​ള്ളം വ​റ്റി​ക്കു​ന്ന​തി​നാ​യി 30ഉം 50​ഉം കു​തി​ര​ശ​ക്തി​യു​ള്ള മോ​ട്ടോ​റു​ക​ള്‍ പു​ഞ്ച​യി​ല്‍ പ്ര​വ​ര്‍​ത്തി​ക്കു​ന്നു​ണ്ടെ​ങ്കി​ലും വേ​ണ്ട​ത്ര വെ​ള്ളം അ​ച്ച​ന്‍ കോ​വി​ലാ​റ്റി​ലേ​ക്ക് ഒ​ഴു​ക്കു​വി​ടാ​ന്‍ ക​ഴി​യു​ന്നി​ല്ല.

കൂ​ടു​ത​ല്‍ പ​മ്പു​ക​ള്‍ സ്ഥാ​പി​ച്ച് വെ​ള്ളം വ​റ്റി​ക്ക​ണ​മെ​ന്നാ​ണ് ക​ര്‍​ഷ​രു​ടെ ആ​വ​ശ്യം. വെ​ള്ളം ക​യ​റി കി​ട​ക്കു​ന്ന​തി​നാ​ല്‍ ഞാ​റ് പാ​കാ​ന്‍ പ​റ്റാ​ത്ത അ​വ​സ്ഥ​യി​ലാ​ണ് ബ​ണ്ടു​റോ​ഡി​ന്‍റെ വ​ട​ക്കു​ഭാ​ഗ​ത്തു​ള്ള പാ​ട​ശേ​ഖ​രം.

പു​ഞ്ച​യി​ലെ വ​രി​നെ​ല്ല് ന​ശി​പ്പി​ക്കാ​ന്‍ കൃ​ഷി​ഭ​വ​ന്‍റെ ഭാ​ഗ​ത്തു​നി​ന്നും ഇ​ട​പെ​ട​ല്‍ ഉ​ണ്ടാ​ക​ണ​മെ​ന്നും ക​ര്‍​ഷ​ക​ര്‍ ആ​വ​ശ്യ​പ്പെ​ട്ടു. ക​ര്‍​ഷ​ക​രി​ല്‍ പ​ല​രും ക​ട​ക്കെ​ണി​യി​ലാ​ണെ​ന്നും അ​വ​ര്‍ കൃ​ഷി ഉ​പേ​ക്ഷി​ക്കാ​നു​ള്ള ത​യാ​റെ​ടു​പ്പി​ലാ​ണെ​ന്നും നെ​ല്ലു​ത്പാ​ദ​ന സ​മി​തി, പാ​ട​ശേ​ഖ​ര​സ​മി​തി ഭാ​ര​വാ​ഹി​ക​ള്‍ പ​റ​ഞ്ഞു.