ചെ​ങ്ങ​ന്നൂ​ര്‍: ആ​റു പ​തി​റ്റാ​ണ്ട് ചെ​ങ്ങ​ന്നൂ​രി​ന്‍റെ തി​ല​ക​ക്കുറി​യാ​യ ചെ​ങ്ങ​ന്നൂ​ര്‍ കെ​എ​സ്ആ​ര്‍​ടി​സി​ക്ക് അ​ന്താ​രാ​ഷ്ട്ര നി​ല​വാ​ര​ത്തി​ലു​ള്ള കെ​ട്ടി​ട സ​മു​ച്ച​യ​ങ്ങ​ളും അ​നു​ബ​ന്ധ സൗ​ക​ര്യ​ങ്ങ​ളും നി​ര്‍​മി​ക്കു​ന്ന​തി​നാ​യി ബ​സ് സ്റ്റാ​ന്‍​ഡ് യാ​ര്‍​ഡി​ലെ പ​ഴ​യ കെ​ട്ടി​ട​ങ്ങ​ള്‍ പൊ​ളി​ച്ചുനീ​ക്കി. സ്വാ​ത​ന്ത്ര്യസ​മ​ര ച​രി​ത്ര​ത്തി​ല്‍ രേ​ഖ​പ്പെ​ടു​ത്തി​യ രാ​ഷ്ട്രീ​യ സ​മ​ര​ങ്ങ​ള്‍ ഉ​ള്‍​പ്പെ​ടെ ഒ​ട്ടേ​റെ ക​ലാ​പ​ങ്ങ​ള്‍​ക്കും യോ​ഗ​ങ്ങ​ള്‍ക്കും ​സാ​ക്ഷ്യം​വ​ഹി​ച്ച​സ്ഥ​ല​വും സ്ഥാ​പ​ന​വു​മാ​ണ് ചെ​ങ്ങ​ന്നൂ​ര്‍ കെ​എ​സ്ആ​ര്‍​ടി​സി ഗ്യാ​രേ​ജും പ​രി​സ​ര​വും.

സ്വാ​ത​ന്ത്ര്യസ​മ​ര​ത്തി​ല്‍ രേ​ഖ​പ്പെ​ടു​ത്തി​യ ചെ​ങ്ങ​ന്നൂ​ര്‍ ല​ഹ​ള ന​ട​ന്ന മി​ല്‍​സ് മൈ​താ​ന​ത്താ​ണ് നി​ല​വി​ലെ കെ​എ​സ്ആ​ര്‍​ടി​സി ബ​സ് സ്റ്റേ​ഷ​ന്‍. പ​ഴ​ക്ക​മു​ള്ള ഓ​ഫീ​സ് കെ​ട്ടി​ട​ങ്ങ​ളും എം​സി റോ​ഡി​ന് അ​ഭി​മു​ഖ​മാ​യ ക​ട​മു​റി​ക​ളും കാ​ല​പ്പ​ഴ​ക്ക​ത്തെത്തുട​ര്‍​ന്ന് ജീ​ര്‍​ണാ​വ​സ്ഥ​യി​ലാ​യി​രു​ന്നു. 60 വ​ര്‍​ഷ​ത്തി​ലേ​റെ പ​ഴ​ക്ക​മു​ള്ള കെ​ട്ടി​ട​ത്തി​ന്‍റെ ബ​ല​ക്ഷ​യം സം​ബ​ന്ധി​ച്ച റി​പ്പോ​ര്‍​ട്ടു​ക​ളു​ടെ അ​ടി​സ്ഥാ​ന​ത്തി​ല്‍ മ​ന്ത്രി സ​ജി ചെ​റി​യാ​ന്‍റെ നി​ര്‍​ദേശ​ത്തെത്തുട​ര്‍​ന്ന് പു​തി​യ കെ​ട്ടി​ട നി​ര്‍​മാ​ണ​ത്തി​നാ​യി സം​സ്ഥാ​ന സ​ര്‍​ക്കാ​ര്‍ 11.5 കോ​ടി രൂ​പ അ​നു​വ​ദി​ച്ചു.

പൊ​തു​മ​രാ​മ​ത്ത് കെ​ട്ടി​ട വി​ഭാ​ഗ​ത്തി​നാ​ണ് നി​ര്‍​മാ​ണ ചു​മ​ത​ല. 32,000 ച​തു​ര​ശ്ര അ​ടി വി​സ്തീ​ര്‍​ണ്ണ​ത്തി​ലു​ള്ള കെ​ട്ടി​ട സ​മു​ച്ച​യ​മാ​ണ് നി​ര്‍​മാ​ണ​ത്തി​നൊ​രു​ങ്ങു​ന്ന​ത്. കെ​ട്ടി​ട​ങ്ങ​ളെ ത​മ്മി​ല്‍ ബ​ന്ധി​പ്പി​ക്കാ​ന്‍ തു​ര​ങ്ക​പാ​ത​യും (സ​ബ് വേ ) ​ഉ​ണ്ടാ​കും. സം​സ്ഥാ​ന​ത്ത് ആ​ദ്യ​മാ​യാ​ണ് കെ​എ​സ്ആ​ര്‍​ടി​സി ബ​സ് സ്റ്റേ​ഷ​നി​ല്‍ ഇ​ത്ത​രം പാ​ത നി​ര്‍​മി​ക്കു​ന്ന​ത്.

സ്റ്റാ​ന്‍​ഡി​ന്‍റെ തെ​ക്കു ഭാ​ഗ​ത്ത് ബ​ഥേ​ല്‍ ജം​ഗ്ഷ​ന്‍-റെ​യി​ല്‍​വേ​സ്റ്റേ​ഷ​ന്‍ റോ​ഡ​രി​കി​ല്‍ നാ​ലു നി​ല​ക​ളോ​ടുകൂ​ടി​യ മെ​യി​ന്‍ ബ്ലോ​ക്കും എ​തി​ര്‍​ഭാ​ഗ​ത്താ​യി എംസി റോ​ഡ​രി​കി​ല്‍ ര​ണ്ടു നി​ല​ക​ളി​ല്‍ ഫ്ര​ണ്ട് ബ്ലോ​ക്കു മ​ട​ങ്ങു​ന്ന അ​ന്താ​രാ​ഷ്‌ട്ര നി​ല​വാ​ര​ത്തി​ലു​ള്ള കെ​ട്ടി​ട​സ​മു​ച്ച​യ​മാ​ണ് നി​ര്‍​മി​ക്കു​ന്ന​ത്. മെ​യി​ന്‍ ബ്ലോ​ക്കി​ന്‍റെ നി​ര്‍​മാ​ണ​മാ​ണ് ആ​ദ്യം ആ​രം​ഭി​ക്കു​ക. ഈ ​ബ്ലോ​ക്കി​നോ​ട് ചേ​ര്‍​ന്ന് എ​ട്ടു ബ​സു​ക​ള്‍​ക്ക് ഒ​രേ സ​മ​യം പാ​ര്‍​ക്കു ചെ​യ്യാ​ന്‍ ക​ഴി​യും. ശ​ബ​രി​മ​ല തീ​ര്‍​ഥാ​ട​ക​ര്‍​ക്കും ദീ​ര്‍​ഘ​ദൂ​ര യാ​ത്ര​ക്കാ​ര്‍​ക്കും ഉ​പ​കാ​ര​പ്പെ​ടു​ന്ന നി​ല​യി​ല്‍ ചെ​റി​യ നി​ര​ക്കു ന​ല്‍​കി ഉ​പ​യോ​ഗി​ക്കാ​വു​ന്ന ഡോ​ര്‍​മെ​റ്റ​റി​ക​ള്‍ ഈ ​ബ്ലോ​ക്കി​ല്‍ ഉ​ണ്ടാ​കും.

പ്ര​ധാ​ന ഓ​ഫീ​സ് ജീ​വ​ന​ക്കാ​രു​ടെ വി​ശ്ര​മ​മു​റി​ക​ള്‍, ശു​ചിമു​റി​ക​ള്‍ എ​ന്നി​വ​യും ഇ​തി​ല്‍ പ്ര​വ​ര്‍​ത്തി​ക്കും. ഏ​റ്റ​വും താ​ഴ​ത്തെ നി​ല ക​ട​മു​റി​ക​ള്‍​ക്കാ​യി മാ​റ്റിവ​യ്ക്കും.​ ന​ല​വി​ലെ ബ​സ് സ്റ്റാ​ന്‍​ഡി​നു സ​മാ​ന്ത​ര​മാ​യാ​വും ര​ണ്ടാം നി​ല.

ഈ ​കെ​ട്ടി​ട​ത്തി​ല്‍ ര​ണ്ടു ലി​ഫ് റ്റു​ക​ളും സ്റ്റെ​യ​റു​ക​ളും ഉ​ണ്ടാ​കും. ഫ്ര​ണ്ട് ബ്ലോ​ക്കി​ലെ ഇ​രു​വ​ശ​ങ്ങ​ളി​ലും ബ​സു ക​ള്‍​ക്ക് പാ​ര്‍​ക്ക് ചെ​യ്യാം. എം​സി റോ​ഡി​നോ​ടു ചേ​ര്‍​ന്നു​ള്ള ഭാ​ഗ​ത്തും കെ​ട്ടി​ട​ത്തി​ന്‍റെ പു​റ​കുഭാ​ഗ​ത്തും ബ​സ് പാ​ര്‍​ക്കിം​ഗ് സ​ജ്ജീ​ക​രി​ക്കും. ഈ ​കെ​ട്ടി​ട​ത്തി​ലും ലി​ഫ്റ്റ് സ​ജ്ജീ​ക​രി​ക്കും.

ഇ​രു ബ്ലോ​ക്കു​ക​ളെ​യും ത​മ്മി​ല്‍ ബ​ന്ധി​പ്പി​ക്കാ​ന്‍ നാ​ലു മീ​റ്റ​ര്‍ വീ​തി​യി​ല്‍ തു​ര​ങ്കപാ​ത​യും (സ​ബ് വേ) ​നി​ര്‍​മി​ക്കും. ഈ ​പാ​ത​യു​ടെ ഇ​രു​വ​ശ​ങ്ങ​ളി​ലും ചെി​യ ക​ട​മു​റി​ക​ള്‍ ഉ​ണ്ടാ​കും. ഫ്ര​ണ്ട് ബ്ലോ​ക്കി​ന്‍റെ മേ​ല്‍​ക്കൂ​ര നി​ര്‍​മാ​ണം സിം​ഗ​പ്പൂ​ര്‍ മാ​തൃ​ക​യി​ലാ​ണ് വി​ഭാ​വ​നം ചെ​യ്യു​ന്ന​ത്.

നി​ല​വി​ല്‍ വ​ര്‍​ക്ക്ഷോ​പ്പ് ഗാ​രേ​ജ് ഉ​ള്‍​ക്കൊ​ള്ളു​ന്ന കെ​ട്ടി​ടം നി​ല​നി​ര്‍​ത്തി ഒ​ന്നേ​കാ​ല്‍ ഏ​ക്ക​ര്‍ വ​രു​ന്ന യാ​ര്‍​ഡി​ന്‍റെ പ​ര​മാ​വ​ധി സ്ഥ​ല​വും പു​തി​യ ബ​സ് സ്റ്റാ​ന്‍​ഡ് നി​ര്‍​മാ​ണ​ത്തി​നാ​യി ഏ​റ്റെ​ടു​ക്കും.