അന്പ​ല​പ്പു​ഴ: ഗൃ​ഹ​നാ​ഥ​നെ ഷോ​ക്ക​ടി​പ്പി​ച്ച് കൊ​ല​പ്പെ​ടു​ത്തി​യ​തി​നു പി​ന്നി​ല്‍ സാ​മ്പ​ത്തി​ക ഇ​ട​പാ​ടാ​ണെ​ന്നാ​ണ്  നാ​ട്ടു​കാ​രി​ല്‍ ചി​ല​ര്‍ പ​റ​യു​ന്ന​ത്.

കൊ​ല്ല​പ്പെ​ട്ട ദി​നേ​ശ​നി​ല്‍നി​ന്നു പെ​ണ്‍​സു​ഹൃ​ത്താ​യ അ​ശ്വ​മ്മ പ​ണം വാ​ങ്ങി​യി​രു​ന്ന​താ​യി നാ​ട്ടു​കാ​രി​ലും ബ​ന്ധു​ക്ക​ളി​ലും ആ​രോ​പ​ണ​മു​ണ്ട്. ദി​നേ​ശ​ന്‍റെ ഭാ​ര്യ വി​ദേ​ശ​ത്താ​യി​രു​ന്നു.

സ്ഥി​ര​മാ​യി മ​ദ്യ​പി​ച്ച് വീ​ട്ടി​ല്‍ ബ​ഹ​ളം വ​യ്ക്കു​ന്ന​തി​നെത്തുട​ര്‍​ന്ന് മ​ക്ക​ള്‍ ബ​ന്ധു​വീ​ട്ടി​ലാ​യി​രു​ന്നു താ​മ​സം. ഇ​തി​നി​ടെ ഭാ​ര്യ ഉ​ഷ​യ്ക്ക് വി​ദേ​ശ​ത്തു​വ​ച്ച് ര​ക്ത​സ​മ്മ​ര്‍​ദം കൂ​ടി​യ​തോ​ടെ ശ​രീ​രി​ക​മാ​യി ത​ള​ര്‍​ന്നു. നാ​ട്ടി​ലെ​ത്തി​യ​ശേ​ഷം ദി​നേ​ശ​നോ​ടൊ​പ്പ​മാ​യി​രു​ന്നു താ​മ​സം.

എ​ന്നും മ​ദ്യ​പി​ച്ചെ​ത്തി കു​ടും​ബ​ക​ല​ഹം ഉ​ണ്ടാ​ക്കി​യി​രു​ന്നു. തു​ട​ര്‍​ന്ന് താ​ന്‍ വീ​ട്ടി​ല്‍നി​ന്നു ഒ​ഴി​യാ​മെ​ന്നും ത​നി​ക്ക് ഓ​ഹ​രി ന​ല്‍​കി​യാ​ല്‍ മ​തി​യെ​ന്നും ദി​നേ​ശ​ന്‍ പ​റ​ഞ്ഞു. ദി​നേ​ശ​ന്‍റെയും ഭാ​ര്യ ഉ​ഷ​യു​ടെ​യും പേ​രി​ൽ​വാ​ങ്ങി​യ സ്ഥ​ല​ത്തുനി​ന്ന് താ​മ​സം മാ​റു​ന്ന​തി​നാ​യി ഉ​ഷ​യു​ടെ ര​ക്ഷ​ക​ർ​ത്താ​ക്ക​ൾ പ​ഞ്ചാ​യ​ത്തം​ഗം ര​ഞ്ജി​ത്തി​ന്‍റെ സാ​ന്നി​ധ്യ​ത്തി​ൽ ന​ട​ത്തി​യ മ​ധ്യസ്ഥ​ത​യി​ല്‍ ഒ​ന്ന​ര ല​ക്ഷം രൂ​പ  ന​ൽ​കാ​ൻ ധാ​ര​ണ​യാ​യി.

തു​ക​യും വീ​ട്ടു​പ​ക​ര​ണ​ങ്ങ​ളു​മാ​യി ദി​നേ​ശ​ന്‍ പി​ന്നീ​ട് വാ​ട​ക​യ്ക്കാ​യി​രു​ന്നു താ​മ​സം. ശേ​ഷം വീ​ട്ടു​കാ​രു​മാ​യി അ​ക​ന്നാ​യി​രു​ന്നു ക​ഴി​ഞ്ഞി​രു​ന്നെ​ങ്കി​ലും അ​യ​ല്‍​വാ​സി​യാ​യ അ​ശ്വ​മ്മ​യു​മാ​യി അ​ടു​ത്ത​ബ​ന്ധം പു​ല​ര്‍​ത്തി​യി​രു​ന്നു. ഇ​തി​നി​ടെ അ​യ​ൽ​വാ​സി​യാ​യ അ​ശ്വ​മ്മ​യു​മാ​യി  സാ​മ്പ​ത്തി​ക ഇ​ട​പാ​ടു​ള്ള​താ​യി ദി​നേ​ശ​ൻ സു​ഹൃ​ത്തു​ക്ക​ളോ​ട് പ​റ​ഞ്ഞി​ട്ടു​ണ്ട്.

സാ​മ്പ​ത്തി​ക ഇ​ട​പാ​ട് കൊ​ല​യ്ക്കു കാ​ര​ണ​മാ​യോ എ​ന്നു​ള്ള ത​ര​ത്തി​ലും പോ​ലീ​സ് അ​ന്വേ​ഷ​ണം ന​ട​ത്താ​നാ​ണ് സാ​ധ്യ​ത. വ്യ​ക്ത​മാ​യ തെ​ളി​വു​ക​ൾ ഇ​ല്ലാ​ത്ത​തി​ന​ലാ​ണ് പോ​ലീ​സി​ന് ഇ​ട​പെ​ടാ​നാ​കാ​ത്ത​ത്. കൊ​ല ന​ട​ന്ന ദി​വ​സം സ​മീ​പ​ത്തെ ക്ഷേ​ത്ര​ത്തി​ൽ ഉ​ത്സ​വ​ത്തോ​ട​നു​ബ​ന്ധി​ച്ച് ക​ലാ​പ​രി​പാ​ടി​ക​ൾ ന​ട​ന്ന​തി​നാ​ൽ പ്ര​ദേ​ശ​വാ​സി​ക​ൾ ഉ​ത്സ​വം കാ​ണാ​ൻ പോ​യി​രു​ന്നു.

ഈ ​സ​മ​യ​മാ​ണ് വീ​ട്ടി​ൽ എ​ത്തി​യ ദി​നേ​ശ​നെ  ഷോ​ക്ക​ടി​പ്പി​ച്ച് കൊ​ല​പ്പെ​ടു​ത്തി​യ​ത്. അ​മ്മ​യു​ടെ ആ​ണ്‍​സു​ഹൃ​ത്തി​നെ കൊ​ന്നൊ​ടു​ക്കി​യ പ്ര​തി കി​ര​ണ്‍ എ​ര്‍​ത്തി​ടു​ന്ന​ത് പ​തി​വാ​ണെ​ന്നാ​ണ് പ്ര​ദേ​ശ​വാ​സി​ക​ള്‍ പ​റ​യു​ന്ന​ത്. കി​ര​ണി​ന്‍റെ ഇ​രു​ച​ക്ര​വാ​ഹ​നം വീ​ട്ടി​ല്‍ കൊ​ണ്ടു​വ​ന്ന​ശേ​ഷം എ​ര്‍​ത്തി​ടു​ന്ന​ത് പ​തി​വാ​ണ്. വാ​ഹ​നം മോ​ഷ​ണം പോ​കാ​തി​രി​ക്കാ​നാ​ണ് എ​ര്‍​ത്തി​ടു​ന്ന​ത് എ​ന്നു പ​റ​യ​പ്പെ​ടു​ന്നു.