എടത്വ: ​വേ​ന​ല്‍ ക​ടു​ത്തുതു​ട​ങ്ങി​യ​തോ​ടെ കു​ട്ട​നാ​ട്ടി​ല്‍ കു​ടി​വെ​ള്ളക്ഷാ​മം രൂ​ക്ഷ​മാ​യ​തി​നാ​ല്‍ വ​ള്ള​ത്തി​ലും വ​ണ്ടി​ക​ളി​ലു​മാ​യി കു​ടി​വെ​ള്ള വി​ത​ര​ണം അ​ടി​യ​ന്ത​ര​മാ​യി ആ​രം​ഭി​ക്ക​ണ​മെ​ന്ന് ആ​വ​ശ്യ​പ്പെ​ട്ട് മു​ഖ്യ​മ​ന്ത്രി​ക്കും റ​വ​ന്യുമ​ന്ത്രി​ക്കും നി​വേ​ദ​നം ന​ല്‍​കി​യ​താ​യി തോ​മ​സ് കെ. ​തോ​മ​സ് എം​എ​ല്‍​എ.

കൈ​ന​ക​രി പോ​ലെ​യു​ള്ള പ്ര​ദേ​ശ​ങ്ങ​ളി​ല്‍ നെ​ല്‍​കൃ​ഷി​യു​മാ​യി ബ​ന്ധ​പ്പെ​ട്ട് പാ​ട​ശേ​ഖ​ര​ങ്ങ​ളി​ല്‍നി​ന്നു പു​റ​ന്ത​ള്ളു​ന്ന മ​ലി​നജ​ലം തോ​ടു​ക​ളെ മ​ലി​ന​മാ​ക്കി​യ​തോ​ടെ പ്രാ​ഥ​മി​ക ആ​വ​ശ്യ​ങ്ങ​ള്‍​ക്കു പോ​ലും ഗ്രാ​മീ​ണ മേ​ഖ​ല​ക​ളി​ല്‍ വെ​ള്ള​മി​ല്ലാ​ത്ത അ​വ​സ്ഥ​യാ​ണ്.

കു​ട്ട​നാ​ട്ടി​ലാ​ക​മാ​നം സ്ഥി​തി മ​റി​ച്ച​ല്ല. നി​ല​വി​ല്‍ ജ​ല അ​ഥോ​റി​റ്റി മു​ഖാ​ന്തി​രം ശു​ദ്ധ​ജ​ല വി​ത​ര​ണം ന​ട​ത്തി വ​ന്നി​രു​ന്ന ഇ​ട​ങ്ങ​ളി​ലും സ്രോ​ത​സു​ക​ളി​ലെ ജ​ല ല​ഭ്യ​ത​ക്കു​റ​വും വി​ത​ര​ണ ലൈ​നി​ലെ ത​ക​രാ​റു​ക​ളും മൂ​ലം കു​ടി​വെ​ള്ള വി​ത​ര​ണം മാ​സ​ങ്ങ​ളോ​ളം മു​ട​ങ്ങു​ന്ന സാ​ഹ​ച​ര്യ​വു​മാ​ണ് നി​ല​നി​ല്‍​ക്കു​ന്ന​ത്. ഇ​ക്കാ​ര്യം ജ​ല വി​ഭ​വമ​ന്ത്രി​യു​ടെ ശ്ര​ദ്ധ​യി​ല്‍​പ്പെ​ടു​ത്തു​ക​യും അ​റ്റ​കു​റ്റ​പ്പ​ണി​ക​ള്‍ അ​ടി​യ​ന്ത​ര​മാ​യി ന​ട​പ്പാ​ക്കി ശു​ദ്ധ​ജ​ല വി​ത​ര​ണം ഉ​റ​പ്പാ​ക്കാ​ന്‍ ബ​ന്ധ​പ്പെ​ട്ട​വ​ര്‍​ക്ക് മ​ന്ത്രി നി​ര്‍​ദേ​ശം ന​ല്‍​കി​യ​താ​യും തോമസ് കെ. തോമസ് എം​എ​ല്‍​എ പ​റ​ഞ്ഞു.