ചേ​ര്‍​ത്ത​ല: ബാ​റി​ല്‍ വ​ടി​വാ​ളു​മാ​യി നാ​ലം​ഗസം​ഘ​ത്തി​ന്‍റെ അ​ക്ര​മം. ബാ​ര്‍​കൗ​ണ്ട​ര്‍ ത​ക​ര്‍​ത്ത സം​ഘം മ​ദ്യ​വും ക​വ​ര്‍​ന്നു. സം​ഘ​ര്‍​ഷ​ത്തി​ല്‍ ബാ​റി​ലെ ര​ണ്ടു ജീ​വ​ന​ക്കാ​ര്‍​ക്കും പ​രി​ക്കേ​റ്റു.​
അ​ര്‍​ത്തു​ങ്ക​ല്‍ അ​റ​വു​കാ​ട് സ്വ​കാ​ര്യ മ​ദ്യ​ശാ​ല​യാ​യ ച​ള്ളി​യി​ല്‍ കാ​സി​ല്‍​സ് ഞാ​യ​റാ​ഴ്ച രാ​ത്രി എ​ട്ടോ​ടെ​യാ​ണ് ബൈ​ക്കു​ക​ളി​ലെ​ത്തി​യ നാ​ലം​ഗസം​ഘം അ​ക്ര​മം ന​ട​ത്തി​യ​ത്. ന​ടു​റോ​ഡി​ല​ട​ക്കം വ​ടി​വാ​ളു​ക​ള്‍ വീ​ശി ഭീ​ക​രാ​ന്ത​രീ​ക്ഷം സൃ​ഷ്ടി​ച്ച് തു​ട​ര്‍​ന്ന് മ​ദ്യ​ശാ​ല​യി​ലെ​ത്തി​യ​വ​ര്‍​ക്കുനേ​രേ യും വ​ടി​വാ​ള്‍ പ​രാ​ക്ര​മം ന​ട​ത്തി തു​ര​ത്തി​യ ശേ​ഷ​മാ​യി​രു​ന്നു അ​ക്ര​മം.

ബാ​ര്‍ കൗ​ണ്ട​റും മ​ദ്യം വി​ള​മ്പു​ന്ന മേ​ശ​ക​ളു​മെ​ല്ലാം ഉ​ണ്ടാ​യി​രു​ന്ന ഗ്ലാ​സു​ക​ളും കു​പ്പി​ക​ളും വാ​ളു​കൊ​ണ്ടും ആ​യു​ധം കൊ​ണ്ടും ത​ക​ര്‍​ത്തു. ആ​യു​ധ​ങ്ങ​ളു​പ​യോ​ഗി​ച്ച് കാ​ഷ് കൗ​ണ്ട​ര്‍ പൊ​ളി​ക്കാ​നു​ള്ള ശ്ര​മം ന​ട​ന്നെ​ങ്കി​ലും വി​ജ​യി​ച്ചി​ല്ല. കൗ​ണ്ട​റി​ല്‍നി​ന്നു മ​ദ്യ​ക്കുപ്പി​ക​ള്‍ ശേ​ഖ​രി​ച്ചാ​ണ് സം​ഘം മ​ട​ങ്ങി​യ​ത്. അ​ക്ര​മസം​ഘ​ത്തി​ലു​ള്‍​പ്പെ​ട്ട ക​ട​ക്ക​ര​പ്പ​ള്ളി വ​ട്ട​ക്ക​ര ഒ​റാ​ഞ്ചി​പ​റ​മ്പ് വി​ഷ്ണു​ഗോ​പി​യെ (32) തൈ​ക്കി​ലു​ള്ള കൂ​ട്ടു​കാ​ര​ന്‍റെ വീ​ടി​ന്‍റെ ടെ​റ​സി​ല്‍ നി​ന്നു അ​ര്‍​ത്തു​ങ്ക​ല്‍ പോ​ലീ​സ് പി​ടി​കൂ​ടി. മ​റ്റു​ള്ള മൂ​ന്നു പേ​രും പോ​ലീ​സി​ന്‍റെ വ​ല​യി​ലാ​യ​താ​യാ​ണു സൂ​ച​ന.

അ​ക്ര​മി​ക​ളു​ടെ മ​ര്‍​ദന​ത്തി​ല്‍ മ​ദ്യ​ശാ​ല​യി​ലെ ശു​ചീ​ക​ര​ണ തൊ​ഴി​ലാ​ളി ഒ​ഡീ​ഷ സ്വ​ദേ​ശി ഗൗ​ഡ പ​ര്‍​ഷേ​ത്തി​നു (22) പ​രി​ക്കേ​റ്റി​ട്ടു​ണ്ട്. അ​ക്ര​മി​ക​ള്‍​ക്കി​ട​യി​ല്‍​പ്പെട്ട ജീ​വ​ന​ക്കാ​ര​ന്‍ ദി​നേ​ശ​നും (55) പ​രി​ക്കേ​റ്റു. മാ​നേ​ജിം​ഗ് പാ​ര്‍​ട്ണ​ര്‍ ആ​ര്യ​ന്‍ ച​ള്ളി​യി​ലി​ന്‍റെ പ​രാ​തി​യെ തു​ട​ര്‍​ന്ന് ചേ​ര്‍​ത്ത​ല എ​എ​സ്പി ഹ​രീ​ഷ് ജ​യി​ന്‍റെയും അ​ര്‍​ത്തു​ങ്ക​ല്‍ ഇ​ന്‍​സ്പ​ക്ട​ര്‍ പി.​ജി. മ​ധു​വി​ന്‍റെ​യും നേ​തൃ​ത്വ​ത്തി​ല്‍ പോ​ലീ​സ് സം​ഘ​മെ​ത്തി തെ​ളി​വെ​ടു​ത്തു. ഇ​വ​ര്‍ ന​ട​ത്തി​യ തി​ര​ച്ചി​ലി​ലാ​ണ് അ​ക്ര​മി​സം​ഘ​ത്തി​ലെ ഒ​രാ​ള്‍ പി​ടി​യി​ലാ​യ​ത്.

ഇന്നലെ ശാ​സ്ത്രീ​യ പ​രി​ശോ​ധ​നാ സം​ഘ​വും മ​ദ്യ​ശാ​ല​യി​ലെ​ത്തി വി​ര​ല​ട​യാ​ള​മ​ട​ക്ക​മു​ള്ള തെ​ളി​വു​ക​ള്‍ ശേ​ഖ​രി​ച്ചു. ഏ​താ​നും നാൾമു​മ്പ് ബാ​റി​നു സ​മീ​പം സം​ഘ​ര്‍​ഷ​മു​ണ്ടാ​യി​രു​ന്ന​താ​യും ആ ​സം​ഭ​വ​വു​മാ​യി ഇ​തി​നു ബ​ന്ധ​മു​ണ്ടോ​യെ​ന്നും പോ​ലീ​സ് പ​രി​ശോ​ധി​ക്കു​ന്നു​ണ്ട്. അ​ക്ര​മി​ക​ളു​ടെ​യും മ​ദ്യ​ക​വ​ര്‍​ച്ച​യു​ടെ​യു​മെ​ല്ലാം ദൃ​ശ്യ​ങ്ങ​ള്‍ സി​സി​ടി​വി കാ​മ​റ​ക​ളി​ല്‍ പ​തി​ഞ്ഞി​രു​ന്നു.

നി​ര​വ​ധി ക്ര​മി​ന​ല്‍​ക്കേസു​ക​ളി​ല്‍ പ്ര​തി​യാ​യ​വ​രാ​ണ് അ​ക്ര​മി​ക​ളെ​ന്നാ​ണ് വി​വ​രം. മ​ദ്യ​ശാ​ല​യു​മാ​യി യാ​തൊ​രു ബ​ന്ധ​വു​മി​ല്ലാ​ത്ത​വ​രാ​ണ് അ​ക്ര​മം ന​ട​ത്തി​യ​തെ​ന്നും ഇ​തി​നു പി​ന്നി​ലെ ല​ക്ഷ്യം ക​വ​ര്‍​ച്ച​യാ​ണെ​ന്ന് മാ​നേ​ജിം​ഗ് പാ​ര്‍​ട്ണ​ര്‍ ആ​ര്യ​ന്‍ ച​ള്ളി​യി​ല്‍ പ​റ​ഞ്ഞു. അ​ഞ്ചു​ല​ക്ഷ​ത്തി​ന്‍റെ ന​ഷ്ട​മു​ണ്ടാ​യ​താ​യാ​ണ് പ്രാ​ഥ​മി​ക വി​ല​യി​രു​ത്ത​ല്‍.