തി​രു​വ​ല്ല: വി​സ്മ​യക്കാഴ്ചയായി ഡാ​ലി​യ പൂ​ക്ക​ൾ വി​രി​ഞ്ഞു. തി​രു​വ​ല്ല ഹോ​ർ​ട്ടി ക​ൾ​ച്ച​റ​ൽ ഡെ​വ​ല​പ്മെ​ന്‍റ് സൊ​സൈ​റ്റി​യു​ടെ ആ​ഭി​മു​ഖ്യ​ത്തി​ൽ മു​നി​സി​പ്പ​ൽ മൈ​താ​ന​ത്ത് ന​ട​ക്കു​ന്ന പു​ഷ്പ​മേ​ള​യി​ലാ​ണ് വ​യ​നാ​ട്ടി​ൽനി​ന്ന് എ​ത്തി​ച്ച നൂ​റു​ക​ണ​ക്കി​ന് ഡാ​ലി​യ പു​ഷ്പ​ങ്ങ​ൾ വി​രി​ഞ്ഞ​ത്. അ​പൂ​ർ​വ​മാ​യ പൂ​ക്ക​ൾ കാ​ണാ​ൻ ക​ഴി​ഞ്ഞ ദി​വ​സ​ങ്ങ​ളി​ൽ വ​ൻ ജ​ന​ത്തി​ര​ക്കാ​യിരുന്നു.

വി​വി​ധങ്ങ​ളാ​യ പ​ച്ച​ക്ക​റി​ക​ളും വി​ദേ​ശ​ത്തുനി​ന്ന് ഇ​റ​ക്കി​യ അ​പൂ​ർ​വ ഇ​ന​ം പു​ഷ്പ​ങ്ങ​ളും മേ​ള ന​ഗ​റി​ൽ വി​രി​ഞ്ഞു നി​ൽ​ക്കു​ന്ന​ത് ക​ണ്ണി​ന് കു​ളി​ർ​മ​യാ​യി. പു​ഷ്പ​മേ​ള​യി​ൽ ജ​ന​ത്തി​ര​ക്ക് ഏ​റി​യ​തോ​ടെ മേള ഒ​രു ദി​വ​സംകൂ​ടി നീ​ട്ടി. നാ​ളെ​യാ​ണ് സ​മാ​പ​നം. മേ​ള ന​ഗ​റി​ൽ വി​വി​ധ​ത​ര​ങ്ങ​ളാ​യ രു​ചി​യേ​റും ഭ​ക്ഷ​ണ​പ​ദാ​ർ​ഥ​ങ്ങ​ൾ ലഭിക്കുമെന്നത് മ​റ്റൊ​രു പ്ര​ത്യേ​ക​തയാണ്. കു​ടും​ബ​ശ്രീ ഉ​ത്പന്ന​ങ്ങ​ൾ ത​ന​തു രു​ചി​യി​ൽ ല​ഭ്യ​മാ​ണ്. എ​ല്ലാ​ദി​വ​സ​വും വൈ​കു​ന്നേ​രം ക​ലാ​സ​ന്ധ്യ​യും ഒരുക്കിയിട്ടുണ്ട്.