അ​ടൂ​ർ: പ്രാ​യ​പൂ​ര്‍​ത്തി​യാ​കാ​ത്ത പെ​ണ്‍​കു​ട്ടി​ക്കു​ നേ​രേ ലൈം​ഗി​കാ​തി​ക്ര​മം ന​ട​ത്തി​യ ര​ണ്ടു​പേ​രെ പ​ന്ത​ളം പോ​ലീ​സ് അ​റ​സ്റ്റ് ചെ​യ്തു. പ​ന്ത​ളം കു​ര​മ്പാ​ല വ​ട​ക്കേ​തി​ല്‍ മേ​ലെ​തു​ണ്ടി​ല്‍ സു​നി​ല്‍ കു​മാ​ര്‍ (രാ​ജേ​ഷ്, 42), കു​ര​മ്പാ​ല കൊ​ച്ചു​തു​ണ്ടി​ല്‍ വീ​ട്ടി​ല്‍ ശ​ശി (60) എ​ന്നി​വ​രാ​ണ് പി​ടി​യി​ലാ​യ​ത്.

2021ൽ കോ​വി​ഡ് കാ​ല​ത്ത് എ​ട്ടാം ക്ലാ​സി​ല്‍ പ​ഠി​ക്കു​മ്പോ​ഴാ​ണ് കു​ട്ടി​യു​ടെ വീ​ട്ടി​ല്‍ മൊ​ബൈ​ല്‍ ചാ​ര്‍​ജ​ര്‍ ചോ​ദി​ച്ചെ​ത്തി ആ​രു​മി​ല്ലാ​ത്ത സ​മ​യ​ത്ത് സു​നി​ല്‍ കു​മാ​ര്‍ പീ​ഡി​പ്പി​ക്കാ​ന്‍ ശ്ര​മി​ച്ച​തെ​ന്നാ​ണ് പ​രാ​തി. ര​ണ്ടാ​മ​ത്തെ സം​ഭ​വം ക​ഴി​ഞ്ഞ വ​ര്‍​ഷം ജൂ​ണി​ലാ​ണ്. കു​ട്ടി​യു​ടെ വി​ദ്യാ​ഭ്യാ​സ​ത്തി​ന് സാ​മ്പ​ത്തി​ക സ​ഹാ​യം ചെ​യ്തു കൊ​ടു​ത്ത​ത് മു​ത​ലെ​ടു​ത്ത ശ​ശി, സ്വ​ന്തം വീ​ട്ടി​ല്‍വ​ച്ച് കു​ട്ടി​യെ ലൈം​ഗി​കാതി​ക്ര​മ​ത്തി​ന് വി​ധേ​യ​യാ​ക്കി​യെ​ന്നു പ​റ​യു​ന്നു.

സ്‌​കൂ​ളി​ല്‍ എ​ത്താ​തി​രു​ന്ന കു​ട്ടി​ക്ക് അ​ധി​കൃ​ത​ര്‍ കൗ​ണ്‍​സലിം​ഗ് ന​ല്‍​കി​യ​പ്പോ​ഴാ​ണ് ലൈം​ഗി​ക അ​തി​ക്ര​മ​ത്തെ​പ്പ​റ്റി അ​റി​യു​ന്ന​ത്. തു​ട​ര്‍​ന്ന്, പ​ന്ത​ളം പോ​ലീ​സി​നെ അ​റി​യി​ക്കു​ക​യാ​യി​രു​ന്നു. പോ​ലീ​സ് ഉ​ട​ന​ടി കു​ട്ടി​യു​ടെ വി​ശ​ദ​മാ​യ മൊ​ഴി​യെ​ടു​ത്തു. തു​ട​ര്‍​ന്ന് അ​ന്നു​ത​ന്നെ കോ​ട​തി​യി​ല്‍ അ​പേ​ക്ഷ സ​മ​ര്‍​പ്പി​ച്ച​തി​ന്‍റെ അ​ടി​സ്ഥാ​ന​ത്തി​ല്‍ അ​വി​ടെ മൊ​ഴി​രേ​ഖ​പ്പെ​ടു​ത്തു​ക​യും ചെ​യ്തു.

ഈ​മാ​സം അ​ഞ്ചി​നാ​ണ് പോ​ലീ​സ് വി​വ​രം അ​റി​യു​ന്ന​തും കേ​സു​ക​ള്‍ ര​ജി​സ്റ്റ​ര്‍ ചെ​യ്യു​ന്ന​തും. അ​ടൂ​ര്‍ ഡി​വൈ​എ​സ്പി ജി. ​സ​ന്തോ​ഷ് കു​മാ​റി​ന്‍റെ മേ​ല്‍​നോ​ട്ട​ത്തി​ല്‍, പ​ന്ത​ളം പോ​ലീ​സ് ഇ​ന്‍​സ്പെ​ക്ട​ര്‍ ടി.​ഡി. പ്ര​ജീ​ഷി​ന്റെ നേ​തൃ​ത്വ​ത്തി​ലാ​ണ് ഇ​രു​വ​രെ​യും പി​ടി​കൂ​ടി​യ​ത്.