മങ്കൊന്പ്: മ​ണ്ണി​ലും വെ​ള്ള​ത്തി​ലും പൊ​ന്നുവി​ള​യി​ച്ച് എ​ണ്‍​പ​ത്തി​മൂ​ന്നാം വ​യ​സി​ലും ജോ​സ​ഫ് കോ​ര കൃ​ഷി​യി​ട​ത്തി​ല്‍ തി​ര​ക്കി​ലാ​ണ്.​ ‘ഒ​രു നെ​ല്ലും ഒ​രു മീ​നും’ എ​ന്ന ആ​ശ​യം കു​ട്ട​നാ​ട്ടി​ല്‍ ആ​ദ്യം അ​വ​ത​രി​പ്പി​ച്ചു വി​ജ​യി​പ്പി​ച്ച ജോ​സ​ഫ് കോ​ര​യെ​ത്തേ​ടി ആ​ല​പ്പു​ഴ ജി​ല്ലാ അ​ഗ്രി ഫോ​ര്‍​ട്ടി​ക​ള്‍​ച്ച​റ​ല്‍ സൊ​സൈ​റ്റി​യു​ടെ ആ​ര്‍. ഹേ​ലി സ്മാ​ര​ക ക​ര്‍​ഷ​ക​ശ്രേ​ഷ്ഠ പു​ര​സ്‌​കാ​ര​മെ​ത്തു​മ്പോ​ള്‍ അ​തും കൃ​ഷി​യെ നെ​ഞ്ചോ​ട് ചേ​ര്‍​ത്ത ക​ർ​ഷ​ക​നോ​ടു​ള്ള ജി​ല്ല​യു​ടെ ആ​ദ​ര​വാ​യി മാ​റു​ക​യാ​ണ്.

ത​ല​മു​റ കൈ​മാ​റി​ക്കി​ട്ടി​യ കാ​ര്‍​ഷി​ക പാ​ര​മ്പ​ര്യ​ത്തെ ക​ഴി​ഞ്ഞ അ​ഞ്ചു പ​തി​റ്റാ​ണ്ടോ​ളം ജീ​വ​ശ്വാ​സം പോ​ലെ കൊ​ണ്ടു ന​ട​ക്കു​ക​യാ​ണ് ഈ ​രാ​മ​ങ്ക​രി മാ​മ്പു​ഴ​ക്ക​രി സ്വ​ദേ​ശി. അ​റി​യ​പ്പെ​ടു​ന്ന നെ​ല്‍​ക​ര്‍​ഷ​ക​നും പ​ഴ​യ തി​രു​വി​താം​കൂ​ര്‍ തി​രു​കൊ​ച്ചി മ​ന്ത്രി​സ​ഭ​ക​ളി​ല്‍ അം​ഗ​വു​മാ​യി​രു​ന്ന പി​താ​വ് കെ.​എം. കോ​ര​യി​ല്‍നി​ന്നാ​ണ് ജോ​സ​ഫ് കോ​ര കൃ​ഷി​യു​ടെ ആ​ദ്യ​പാ​ഠ​ങ്ങ​ള്‍ പ​ഠി​ക്കു​ന്ന​ത്. ആ​റു മ​ക്ക​ളി​ല്‍ മൂ​ന്നാ​മ​നാ​യി ജ​നി​ച്ച് ബി​കോം ബി​രു​ദം ക​ര​സ്ഥ​മാ​ക്കി​യി​ട്ടും ഇ​ദ്ദേ​ഹം മാ​ത്ര​മാ​ണ് പി​താ​വി​ന്‍റെ പാ​ര​മ്പ​ര്യം ഏ​റ്റെ​ടു​ത്ത് കു​ടും​ബ​ത്തി​ല്‍നി​ന്നു കാ​ര്‍​ഷി​ക മേ​ഖ​ല​യി​ലേ​ക്കെ​ത്തി​യ​ത്.

കു​ട്ട​നാ​ട്ടി​ല്‍ ആ​ദ്യ​മാ​യി ജൈ​വ അ​രി​യും ജൈ​വ ആ​റ്റു​കൊ​ഞ്ചും വി​ള​യി​ച്ച് ലോ​ക​ശ്ര​ദ്ധ നേ​ടി​യ​തു​ള്‍​പ്പെ​ടെ നി​ര​വ​ധി നേ​ട്ട​ങ്ങ​ള്‍ ഇ​ദ്ദേ​ഹ​ത്തി​ന്‍റെ കാ​ര്‍​ഷി​ക ജീ​വി​ത​ത്തി​ന്‍റെ ഭാ​ഗ​മാ​ണ്. ജൈ​വ ആ​റ്റു​കൊ​ഞ്ച് ഉ​ത്പാ​ദി​പ്പി​ച്ച​തി​നു​ള്ള കേ​ന്ദ്ര​സ​ര്‍​ക്കാ​ര്‍ അ​വാ​ര്‍​ഡ് കു​ട്ട​നാ​ട് വി​ക​സ​ന സ​മി​തി​യി​ല്‍​വ​ച്ചു ഡോ. ​എം.എ​സ്. സ്വാ​മി​നാ​ഥ​നാ​ണ് സ​മ്മാ​നി​ച്ച​ത്. സ​ഹോ​ദ​ര​ങ്ങ​ളു​ടേ​ത​ട​ക്കം 100 ഏ​ക്ക​റോ​ളം ഭൂ​മി​യി​ല്‍ പു​തു​മ​യും പ​ഴ​മ​യും ഒ​രു​പോ​ലെ ഉ​ള്‍​ക്കൊ​ണ്ട് ജൈ​വ കാ​ര്‍​ഷി​ക വി​പ്ല​വം തീ​ര്‍​ത്ത ജോ​സ​ഫ് കോ​ര ഇ​ന്ന് അ​ദ്ദേ​ഹ​ത്തി​ന്‍റെ ക​രി​വേ​ലി​ത്ത​റ വീ​ടി​നോ​ട് ചേ​ര്‍​ന്ന് കി​ട​ക്കു​ന്ന കൃ​ഷി​യി​ട​ത്തി​ലാ​ണ് ശ്ര​ദ്ധ കേ​ന്ദ്രീ​ക​രി​ച്ചി​രി​ക്കു​ന്ന​ത്.

നെ​ല്ല്, നാ​ളി​കേ​രം, ആ​റ്റു​കൊ​ഞ്ച്, ക​രി​മീ​ന്‍, നേ​ന്ത്ര​വാ​ഴ, പ​ട​വ​ലം, പാ​വ​ൽ, വെ​ണ്ട, വ​ഴു​ത​ന, ത​ക്കാ​ളി, പ​ച്ച​മു​ള​ക്, പൂ​കൃ​ഷി എ​ന്നി​ങ്ങ​നെ വീ​ടി​ന്‍റെ പ​രി​സ​രം മു​ഴു​വ​ന്‍ കൃ​ഷി​ഭൂ​മി​യാ​ക്കി മാ​റ്റി​യി​രി​ക്കു​ക​യാ​ണ് ഈ ​വാ​ര്‍​ധ​ക്യ​ത്തി​ലും അ​ദ്ദേ​ഹം.

സ്വ​ദേ​ശ​ത്തു​നി​ന്നും വി​ദേ​ശ​ത്തു​നി​ന്നും നൂ​റു​ക​ണ​ക്കി​ന് സ​ന്ദ​ര്‍​ശ​ക​ര്‍ കാ​ര്‍​ഷി​ക ജീ​വി​തം നേ​രി​ട്ടു കാ​ണാ​നും ആ​സ്വ​ദി​ക്കാ​നു​മാ​യി ദി​വ​സ​വും ഇ​വി​ടെ​യെ​ത്തു​ന്നു. കേ​ന്ദ്ര-​സം​സ്ഥാ​ന മ​ന്ത്രി​മാ​രും ഉ​ന്ന​ത ഉ​ദ്യോ​ഗ​സ്ഥ​രും ഗ​വേ​ഷ​ക​രു​മെ​ല്ലാം ജോ​സ​ഫ് കോ​ര​യു​ടെ സം​യോ​ജി​ത കൃ​ഷി കാ​ണാ​ന്‍ പ​ല​വ​ട്ടം എ​ത്തി​യി​ട്ടു​ണ്ട്. കാ​ര്‍​ഷി​ക ശാ​സ്ത്ര​ജ്ഞ​നാ​യ ആ​ര്‍.​ ഹേ​ലി​യും കോ​ര​യു​ടെ കൃ​ഷി​യി​ട​ത്തി​ലെ നി​ത്യ സ​ന്ദ​ര്‍​ശ​ക​നാ​യി​രു​ന്നു. മു​ക്കം നോ​ര്‍​ത്ത് പാ​ട​ശേ​ഖ​ര​ത്തെ 11 ഏ​ക്കർ വ​യ​ലാ​ണ് അ​ന്ന് ഒ​രു നെ​ല്ലും ഒ​രു മീ​നും കൃ​ഷി​ക്കാ​യി മാ​റ്റി​വ​ച്ച​ത്.

കൃ​ഷി​ക്കാ​രെ സം​ഘ​ടി​പ്പി​ച്ച് ജൈ​വ അ​രി​യും ജൈ​വ കൊ​ഞ്ചും കൃ​ഷി ചെ​യ്യാ​നു​ള്ള അ​ന്ന​ത്തെ പ​രി​ശ്ര​മം അ​ല് പം സാ​ഹ​സി​ക​മാ​യി​രു​ന്നു​വെ​ന്ന് അ​ദ്ദേ​ഹം ഓ​ര്‍​മി​ച്ചു. കൃ​ഷി​ന​ഷ്ട​ത്തി​ന്‍റെ ആ​ശ​ങ്ക​പ്പെ​ടു​ത്തു​ന്ന ക​ണ​ക്കു​ക​ളെ അ​വ​ഗ​ണി​ച്ച് ഇ​ന്നും എ​നി​ക്ക് കൃ​ഷി​യി​ലാ​ണ് താ​ത്പ​ര്യ​മെ​ന്ന് ഈ ​വ​യോ​ധി​ക​ന്‍ ഉ​റ​ച്ചു പ​റ​യു​ന്നു.

ഭാര്യ ഭരണങ്ങാനം കൂറ്റാരപ്പള്ളിൽ കുടുംബാംഗമായ പരേതയായ തരു ണി ജോസഫ്. രാ​ഷ്ട്ര​ദീ​പി​ക ലി​മി​റ്റ​ഡ് ഡി​ജി​എം (​എ​ച്ച്ആ​ര്‍) കോ​ര ജോ​സ​ഫ്, ടെ​സി ജോ​സ് പാ​ട്ടം, മി​നി അ​ല​ക്‌​സ് വ​ള്ളവ​ന്ത്ര, സോ​ണി​യ ബോ​സ് ക​ട​മ​പ്പു​ഴ​മ​റ്റം, ജേ​ക്ക​ബ് ടി. ​ജോ​സ​ഫ് (ഐ​ടി പ്ര​ഫ​ഷ​ണ​ൽ, വെ​ൽ​സ് ഫാ​ർ​ഗോ, ബം​ഗ​ളൂ​രു) എ​ന്നി​വ​രാ​ണ് മ​ക്ക​ൾ.