ആ​ല​പ്പു​ഴ: ക​ട​ലി​ലെ മ​ണ​ല്‍ ഖ​ന​ന​ത്തി​നെ​തി​രേ തീ​ര​വാ​സി​ക​ള്‍ ഒ​ന്നി​ച്ചു​നി​ല്‍​ക്ക​ണ​മെ​ന്ന് ക​ട​ല്‍ എ​ന്ന സം​ഘ​ട​ന​യു​ടെ ചെ​യ​ര്‍​മാ​നും ആ​ല​പ്പു​ഴ രൂ​പ​താ​ധ്യ​ക്ഷ​നു​മാ​യ ഡോ.​ ജ​യിം​സ് ആ​നാ​പ​റ​മ്പി​ല്‍ ആ​വ​ശ്യ​പ്പെ​ട്ടു.

ക​ട​ലി​ലെ മ​ണ​ല്‍ ഖ​ന​ന​ത്തി​നെ​തി​രേ തീ​ര​വാ​സി​ക​ള്‍ ഒ​റ്റ​ക്കെ​ട്ടാ​ണ് എ​ന്ന് അ​ദ്ദേ​ഹം സ്മ​രി​ച്ചു. പാ​ര​മ്പ​ര്യ മത്സ്യ​ത്തൊ​ഴി​ലാ​ളി​ക​ള്‍​ക്കും തീ​ര​വാ​സി​ക​ള്‍​ക്കും ഹാ​നി​ക​ര​മാ​കു​ന്ന ക​ട​ല്‍ മ​ണ​ല്‍ ഖ​ന​ന​ത്തി​ല്‍​നി​ന്ന് കേ​ന്ദ്ര​സ​ര്‍​ക്കാ​ര്‍ പി​ന്മാ​റ​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

കൊ​ല്ലം തീ​ര​ത്തു​നി​ന്ന് 27-33 കി​ലോ​മീ​റ്റ​ര്‍ ആ​ഴ​മു​ള്ള ജ​ല​പ്പ​ര​പ്പി​ന​ടി​യി​ല്‍ അ​റ​ബി​ക്ക​ട​ലി​ന്‍റെ അ​ടി​ത്ത​ട്ടി​ല്‍ ക​ണ്ടെ​ത്തി​യി​ട്ടു​ള്ള മ​ണ​ല്‍ നി​ക്ഷേ​പ​ത്തി​ന്‍റെ മൂ​ന്നു ബ്ലോക്കു​ക​ള്‍ ഖ​ന​നം ചെ​യ്യാ​ന്‍ കേ​ന്ദ്ര ഖ​നി മ​ന്ത്രാ​ല​യം സ്വ​കാ​ര്യ സം​രം​ഭ​ക​ര്‍​ക്കാ​യി ലേ​ല​ത്തി​നു വ​ച്ചി​രി​ക്കു​ന്നു. ഇ​ന്ത്യയു​ടെ തെ​ക്കു പ​ടി​ഞ്ഞാ​റ​ന്‍ തീ​ര​ത്തെ ഏ​റ്റ​വും ഫ​ല​സ​മൃ​ദ്ധ​മാ​യ മ​ത്സ്യ​ബ​ന്ധ​ന നി​ല​മാ​ണ് കൊ​ല്ലം പ​ര​പ്പ് എ​ന്ന​റി​യ​പ്പെ​ടു​ന്ന മേ​ഖ​ല.

ഇ​ന്ത്യൻ തീ​ര​ത്തെ പാ​രി​സ്ഥി​തി​ക​മാ​യും ജൈ​വ​ശാ​സ്ത്ര​പ​ര​മാ​യും പ്ര​ധാ​ന​പ്പെ​ട്ട കേ​ന്ദ്ര​ങ്ങ​ളി​ലൊ​ന്നാ​യാ​ണ് സെൻട്രല്‍ മ​റൈ​ന്‍ ഫി​ഷ​റീ​സ് റി​സേ​ര്‍​ച്ച് ഇ​ന്‍​സ്റ്റിറ്റ്യൂ​ട്ട് ഇ​തി​നെ അ​ടയാ​ള​പ്പെ​ടു​ത്തു​ന്ന​ത്. വ​ര്‍​ക്ക​ല​യി​ല്‍​നി​ന്നു തു​ട​ങ്ങി 84 കി​ലോ​മീ​റ്റ​ര്‍ അ​ക​ലെ അ​മ്പ​ല​പ്പു​ഴ​വ​രെ​യു​ള്ള തീ​ര​ത്തി​നു പ​ടി​ഞ്ഞാ​റാ​യി ഏ​താ​ണ്ട് 3,200 ച​തു​ര​ശ്ര​കി​ലോ​മീ​റ്റ​ര്‍ വ​രു​ന്ന പ​ര​പ്പ് മ​ത്സ്യ​വി​ഭ​വ​ങ്ങ​ളു​ടെ വ​ലി​യൊ​രു ശ്രോ​ത​സും സ​ങ്കേ​ത​ത​വു​മാ​ണ്.

ആ​യി​ര​ത്തോ​ളം ട്രോ​ള​റു​ക​ളും 500 ഫൈ​ബ​ര്‍ ബോ​ട്ടു​ക​ളും നൂ​റോ​ളം ഇ​ന്‍ ബോ​ര്‍​ഡ് എ​ന്‍​ജി​ന്‍ വ​ള്ള​ങ്ങ​ളും ഈ ​മേ​ഖ​യി​ല്‍ പ്ര​വ​ര്‍​ത്തി​ക്കു​ന്നു​ണ്ട്. തീ​ര​ക്ക​ട​ലി​ലേ​യും ആ​ഴ​ക്ക​ട​ലി​ലേ​യും ഖ​ന​ന​ങ്ങ​ള്‍ സ​മു​ദ്ര ആ​വാ​സ​വ്യ​വ​സ്ഥ​യെ​യും തീ​ര​ദേ​ശ പ​രി​സ്ഥി​തി​യെ​യും ജൈ​വ​വൈ​വി​ധ്യ​ത്തെ​യും മ​ത്സ്യ ല​ഭ്യ​ത​യെ​യും തീ​ര​ദേ​ശ​ജ​ന​ത​യു​ടെ ഉ​പ​ജീ​വ​ന​ത്തെ​യും ഗു​രു​ത​ര​മാ​യി ബാ​ധി​ക്കു​ന്ന​താ​ണ് എ​ന്ന് നി​ര​വ​ധി പ​ഠ​ന​ങ്ങ​ള്‍ തെ​ളി​യി​ച്ചി​ട്ടു​ണ്ട്.

പാ​രി​സ്ഥി​തി​ക സാ​മൂ​ഹി​ക ആ​ഘാ​ത​പ​ഠ​ന​ങ്ങ​ളൊ​ന്നും ന​ട​ത്താ​തെ ബ്ലൂ ​ഇ​ക്കോ​ണ​മി​യു​ടെ പേ​രി​ല്‍ ക​ട​ലി​ല്‍ ഖ​ന​നം തു​ട​ങ്ങി​യാ​ല്‍ ക​ട​ലി​ലെ ജീ​വ​ജാ​ല​ങ്ങ​ള്‍​ക്കും തീ​ര​ദേ​ശ​ത്തി​നും ജ​ന​ങ്ങ​ള്‍​ക്കും പ​രി​സ്ഥി​തി​ക്കും വി​നാ​ശ​ക​ര​മാ​യ ദു​ര​ന്ത​മാ​യി​ത്തീ​രു​മെ​ന്ന് ആ​ല​പ്പു​ഴ രൂ​പ​ത പി​ആ​ര്‍​ഒ ഫാ.​ സേ​വ്യ​ര്‍ കു​ടി​യാം​ശേ​രിയും കൂ​ട്ടി​ച്ചേ​ര്‍​ത്തു.