അ​മ്പ​ല​പ്പു​ഴ: രാ​ത്രി​കാ​ല​ങ്ങ​ളി​ൽ പാ​ല​ത്തി​ൽ ബൈ​ക്കു​ക​ളി​ൽ യു​വാ​ക്ക​ളു​ടെ അ​ഭ്യാ​സപ്ര​ക​ട​നം. പ​രി​ശോ​ധ​ന ന​ട​ത്തി മോ​ട്ടോ​ർ വാ​ഹ​നവ​കു​പ്പ്. ആ​ല​പ്പു​ഴ, കൊ​ല്ലം ജി​ല്ല​ക​ളെ ബ​ന്ധി​പ്പി​ക്കു​ന്ന വ​ലി​യ​ഴീ​ക്ക​ൽ പാ​ല​ത്തി​ലാ​ണ് ക​ഴി​ഞ്ഞ ഏ​താ​നും ദി​വ​സ​മാ​യി യു​വാ​ക്ക​ൾ കൂ​ട്ട​മാ​യി ബൈ​ക്കു​ക​ളി​ൽ അ​പ​ക​ട​ക​ര​മാ​യ രീ​തി​യി​ൽ അ​ഭ്യാ​സ​പ്ര​ക​ട​നം ന​ട​ത്തി​യ​ത്. ബൈ​ക്ക് സ്റ്റാന്‍റ് റോ​ഡി​ൽ ഉ​ര​ച്ച് തീ​പ്പൊ​രി ചി​ത​റി​ച്ചാ​ണ് യു​വാ​ക്ക​ൾ ബൈ​ക്കു​ക​ൾ ഓ​ടി​ച്ചി​രു​ന്ന​ത്.

അ​പ​ക​ട​ത്തി​നു കാ​ര​ണ​മാ​കു​ന്ന ഇ​ത്ത​രം അ​ഭ്യാ​സ​ങ്ങ​ൾ​ക്കെ​തി​രേ സ്ത്രീ​ക​ള​ട​ക്ക​മു​ള്ള യാ​ത്ര​ക്കാ​ർ മോ​ട്ടോ​ർ വാ​ഹ​നവ​കു​പ്പി​നു പ​രാ​തി ന​ൽ​കി​യി​രു​ന്നു. തു​ട​ർ​ന്ന് ക​ഴി​ഞ്ഞ രാ​ത്രി​യി​ൽ ആ​ല​പ്പു​ഴ എ​ൻ​ഫോ​ഴ്സ്മെ​ന്‍റ് ആ​ർ​ടി​ഒ ര​മ​ണ​ന്‍റെ നേ​തൃ​ത്വ​ത്തി​ൽ മോ​ട്ടോ​ർ വാ​ഹ​നവ​കു​പ്പ് ഉദ്യോ​ഗ​സ്ഥ​ർ രാ​ത്രി​യി​ൽ മ​ഫ്തി​യി​ൽ പ​രി​ശോ​ധ​ന ന​ട​ത്തി. പാ​ല​ത്തി​ന്‍റെ ഇ​രു​വ​ശ​ത്തു​മാ​യി രണ്ടു സം​ഘ​മാ​ണ് പ​രി​ശോ​ധ​ന ന​ട​ത്തി​യ​ത്.

ഇ​നി​യും ഇ​ത്ത​ര​ത്തി​ൽ അ​പ​ക​ട​ക​ര​മാ​യ രീ​തി​യി​ൽ ബൈ​ക്കു​ക​ൾ ഓ​ടി​ച്ചാ​ൽ ഇ​വ​രു​ടെ ലൈ​സ​ൻ​സ് റ​ദ്ദാ​ക്കു​ന്ന​തു​ൾ​പ്പെ​ടെ​യു​ള്ള നി​യ​മ ന​ട​പ​ടി സ്വീ​ക​രി​ക്കു​മെ​ന്ന് ആ​ർ​ടി​ഒ ര​മ​ണ​ൻ പ​റ​ഞ്ഞു. ഇ​ത്ത​രം ഡ്രൈ​വിം​ഗു​ക​ൾ ശ്ര​ദ്ധ​യി​ൽ​പ്പെ​ട്ടാ​ൽ ഇ​വ​യു​ടെ വീ​ഡി​യോ​യും ചി​ത്ര​ങ്ങ​ളും പൊ​തു​ജ​ന​ങ്ങ​ൾ​ക്ക് മോ​ട്ടോ​ർ വാ​ഹ​ന വ​കു​പ്പി​ന്‍റെ എം ​പ​രി​വാ​ഹ​നി​ൽ അ​പ് ലോ​ഡ് ചെ​യ്താ​ൽ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്നും ആ​ർ​ടി​ഒ പ​റ​ഞ്ഞു.