ചെ​ങ്ങ​ന്നൂ​ർ: ബാ​ങ്ക് വാ​യ്പ മ​റ്റൊ​രു ബാ​ങ്കി​ലേ​ക്കു മാ​റ്റി കു​റ​ഞ്ഞ പ​ലി​ശ നി​ര​ക്കി​ൽ പു​തി​യ വാ​യ്പ എ​ടു​ത്തുത​രാ​മെ​ന്ന് വാ​ഗ്ദാനം ​ന​ൽ​കി വീ​ട്ട​മ്മ​യി​ൽനി​ന്നും സ്വ​ർ​ണ​വും പ​ണ​വും ത​ട്ടി​യെ​ടു​ത്ത കേ​സിൽ ​വി​മു​ക്ത​ഭ​ട​നെ ചെ​ങ്ങന്നൂ​ർ പോ​ലീ​സ് അ​റ​സ്റ്റ് ചെ​യ്തു. തി​രു​വ​ന​ന്ത​പു​രം ബാ​ല​രാ​മ​പു​രം ജെ.​വി. കോ​ട്ടേ​ജി​ൽ ജ​യ​രാ​ജ് (59) ആ​ണ് അ​റ​സ്റ്റി​ലാ​യ​ത്. ഇ​യാ​ളെ ക​ഴി​ഞ്ഞദി​വ​സം കൊ​ല്ലം ഏ​ഴുകോ​ണി​ൽനി​ന്നാ​ണ് പോ​ലീ​സ് പി​ടി​കൂ​ടി​യ​ത്.

ചെ​ങ്ങ​ന്നൂ​രി​ൽ വ്യാ​പാ​ര സ്ഥാ​പ​ന​ങ്ങ​ൾ ന​ട​ത്തി​വ​രു​ന്ന ആ​റ​ൻ​മു​ള കി​ട​ങ്ങ​ന്നൂ​ർ അ​ടി​മു​റി​യി​ൽ സ​വിതാ ​മ​ണി​ക​ണ്ഠ​നി​ൽ​നി​ന്നു 1,97,500 രൂ​പ​യും അ​രപ്പ​വ​ന്‍റെ സ്വ​ർ​ണ ചെ​യി​നു​മാ​ണ് പ്ര​തി​ത​ട്ടി​യെ​ടുത്ത​തെ​ന്ന് പോ​ലീ​സ് പ​റ​ഞ്ഞു.

2024 ജൂ​ണി​ലാ​ണ് കേ​സി​നാ​സ്പ​ദ​മാ​യ സം​ഭ​വം. സ​വി​ത ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ ചെ​ങ്ങ​ന്നൂ​ർ പോ​ലീ​സ് കേ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണം ന​ട​ത്തി വ​രി​ക​യാ​യി​രു​ന്നു. അ​ന്വേ​ഷ​ണ​ത്തി​ൽ പ്ര​തി കൊ​ട്ടാ​രക്ക​ര, വെ​ഞ്ഞാ​റും​മു​ട്, തി​രു​വ​ന​ന്ത​പു​രം തു​ട​ങ്ങി​യ പോ​ലീ​സ് സ്റ്റേ​ഷനു​ക​ളി​ലും സ​മാ​ന​മാ​യരീ​തി​യി​ൽ ത​ട്ടി​പ്പു​ക​ൾ ന​ട​ത്തി​യി​ട്ടു​ള്ള​താ​യി ക​ണ്ടെ​ത്തി. ​കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ മാ​വേ​ലി​ക്ക​ര സ​ബ്ജ​യി​ലി​ലേ​ക്ക് റി​മാ​ൻ​ഡ് ചെ​യ്തു.