കോ​ഴ​ഞ്ചേ​രി: ഇ​ട​യ്ക്കു​വ​ച്ച് കൈ​മോ​ശം വ​ന്ന കോ​ഴ​ഞ്ചേ​രി ഗ്രാ​മ​പ​ഞ്ചാ​യ​ത്ത് ഭ​ര​ണം യു​ഡി​എ​ഫ് തി​രി​കെ​പ്പിടി​ച്ചു. അ​പ്ര​തീ​ക്ഷി​ത നീ​ക്ക​ത്തി​ലൂ​ടെ എ​ല്‍​ഡി​എ​ഫ ്പാ​ള​യ​ത്തി​ല്‍ വി​ള്ള​ല്‍ വീ​ഴ്ത്തി​യാ​ണ് യു​ഡി​എ​ഫ് ഭ​ര​ണം പി​ടി​ച്ച​ത്. പ്ര​സി​ഡ​ന്‍റാ​യി കേ​ര​ള കോ​ണ്‍​ഗ്ര​സ് ജോ​സ​ഫ് വി​ഭാ​ഗ​ത്തി​ലെ സാ​ലി ഫി​ലി​പ്പും വൈ​സ്പ്ര​സി​ഡ​ന്‍റാ​യി എ​ന്‍​സി​പി​യി​ലെ സി.​എം. മേ​രി​ക്കു​ട്ടി ശാ​മു​വേ​ലും തെ​ര​ഞ്ഞെ​ടു​ക്ക​പ്പെ​ട്ടു.

കോ​ണ്‍​ഗ്ര​സ് വി​മ​ത​ന്‍റെകൂ​ടി പി​ന്തു​ണ ഉ​റ​പ്പാ​യ​പ്പോ​ള്‍ വി​ജ​യം ഉ​റ​പ്പി​ച്ച് വോ​ട്ടെ​ടു​പ്പി​നെ​ത്തി​യ എ​ല്‍​ഡി​എ​ഫി​നെ ഞെ​ട്ടി​ച്ചുകൊ​ണ്ട് സ്വ​ന്തം പാ​ള​യ​ത്തി​ലെ എ​ന്‍​സി​പി​യി​ലെ മേ​രി​ക്കു​ട്ടി ശാ​മു​വേ​ല്‍ അ​പ്ര​തീ​ക്ഷി​ത നീ​ക്ക​ത്തി​ല്‍ യു​ഡി​എ​ഫി​നെ പി​ന്തു​ണ​ച്ചു.

ഇ​തി​നൊ​പ്പം സ്വ​ന്തം പ്ര​സി​ഡ​ന്‍റ് സ്ഥാ​നാ​ര്‍​ഥി​യു​ടെ വോ​ട്ട് അ​സാ​ധു​വാ​കു​കകൂ​ടി ചെ​യ്ത​തോ​ടെ സാ​ലി ഫി​ലി​പ്പ് ര​ണ്ട് വോ​ട്ടി​ന്‍റെ ഭൂ​രി​പ​ക്ഷ​ത്തി​ല്‍ തെ​ര​ഞ്ഞെ​ടു​ക്ക​പ്പെ​ട്ടു. യു​ഡി​എ​ഫി​ന് ആ​റ് വോ​ട്ടും എ​ല്‍​ഡി​എ​ഫി​ന് നാ​ലു വോ​ട്ടു​മാ​ണ് പ്ര​സി​ഡ​ന്‍റ് സ്ഥാ​ന​ത്തു ല​ഭി​ച്ച​ത്. മു​ന്‍ പ്ര​സി​ഡ​ന്‍റ് റോ​യി ഫി​ലി​പ്പ് (കേ​രള കോ​ണ്‍​ഗ്ര​സ്) യു​ഡി​എ​ഫി​നു വോ​ട്ടു ചെ​യ്തു.

ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​നെത്തു​ട​ര്‍​ന്ന് കോ​ണ്‍​ഗ്ര​സി​നാ​ണ് കോ​ഴ​ഞ്ചേ​രി​യി​ല്‍ പ്ര​സി​ഡ​ന്‍റ് സ്ഥാ​നം ല​ഭി​ച്ച​ത്. യു​ഡി​എ​ഫ് ധാ​ര​ണ പ്ര​കാ​രം ര​ണ്ടു​വ​ര്‍​ഷ​ത്തി​നു​ശേ​ഷം കേ​ര​ള കോ​ണ്‍​ഗ്ര​സ് അ​വ​കാ​ശ​വാ​ദം ഉ​ന്ന​യി​ക്കു​ക​യും ഇ​തു വൈ​കി​യ​തി​നെത്തു​ട​ര്‍​ന്ന് കേ​ര​ള കോ​ണ്‍​ഗ്ര​സ് ജോ​സ​ഫ് ഗ്രൂ​പ്പി​ലെ റോ​യി ഫി​ലി​പ്പും സാ​ലി ഫി​ലി​പ്പും എ​ല്‍​ഡി​എ​ഫ് ചേ​രി​യി​ലെ​ത്തു​ക​യു​മാ​യി​രു​ന്നു. ക​ഴി​ഞ്ഞ​യി​ടെ യു​ഡി​എ​ഫ് ന​ട​ത്തി​യ അ​വി​ശ്വാ​സ നീ​ക്ക​ത്തെ കേ​ര​ള കോ​ണ്‍ഗ്ര​സി​ലെ സാ​ലി ഫി​ലി​പ്പ് പി​ന്തു​ണ​യ്ക്കാ​ന്‍ ത​യാ​റാ​യ​തോ​ടെ​യാ​ണ് വീ​ണ്ടും ഭ​ര​ണ​മാ​റ്റ​ത്തി​നു ക​ളമൊരു​ങ്ങി​യ​ത്.

എ​ല്‍​ഡി​എ​ഫ് സ​ഹാ​യ​ത്തോ​ടെ റോ​യി ഫി​ലി​പ്പ് തു​ട​ര്‍​ന്ന്് പ്ര​സി​ഡ​ന്‍റായി. എ​ന്നാ​ല്‍ അ​വ​സാ​ന​ത്തെ ഒ​രു വ​ര്‍​ഷം ത​നി​ക്ക് പ്ര​സി​ഡ​ന്‍റ് സ്ഥാ​നം വാ​ഗ്ദാ​നം ചെ​യ്തി​രു​ന്നെ​ന്നും അ​ത് ല​ഭി​ക്കാ​ത്ത​തി​നെത്തുട​ര്‍​ന്നാ​ണ് താ​ന്‍ യു​ഡി​എ​ഫി​ന്‍റെ അ​വി​ശ്വാ​സ പ്ര​മേ​യ​ത്തി​ല്‍ ഒ​പ്പു​വ​ച്ച് യു​ഡി​എ​ഫി​ലേ​ക്ക് മ​ട​ങ്ങി​യ​തെ​ന്നും സാ​ലി ഫി​ലി​പ്പ് പ​റ​ഞ്ഞു.

13 അം​ഗ​ങ്ങ​ളി​ല്‍ സി​പി​എം ര​ണ്ട്, സി​പി​ഐ ഒ​ന്ന്, ജ​ന​താ​ദ​ള്‍ ഒ​ന്ന്, സി​പി​ഐ ഒ​ന്ന്, കോ​ണ്‍​ഗ്ര​സ് മൂ​ന്ന്, കേ​ര​ള കോ​ണ്‍​ഗ്ര​സ്-ജോ​സ​ഫ് ര​ണ്ട്, കോ​ണ്‍​ഗ്ര​സ് വി​മ​ത​ന്‍ ഒ​ന്ന്, ബി​ജെ​പി ര​ണ്ട് എ​ന്നി​ങ്ങ​നെ​യാ​ണ് ക​ക്ഷിനി​ല. കോ​ണ്‍​ഗ്ര​സ് വി​മ​ത​ന്‍ ടി. ​ടി. വാ​സു എ​ല്‍​ഡി​എ​ഫി​ന് അ​നു​കൂ​ല​മാ​യ നി​ല​പാ​ടാ​ണ് സ്വീക​രി​ച്ചി​രു​ന്ന​ത്.

മേ​രി​ക്കു​ട്ടി എ​ന്‍​സി​പി അ​ജി​ത് പ​വാ​ര്‍ വി​ഭാ​ഗ​ത്തി​നൊ​പ്പം

എ​ല്‍​ഡി​എ​ഫി​ല്‍ എ​ന്‍​സി​പി ഘ​ട​ക​ക​ക്ഷി​യം​ഗ​മാ​യി​രു​ന്ന മേ​രി​ക്കു​ട്ടി ശാ​മു​വേ​ലി​ന് സ്വ​ന്തം പാ​ര്‍​ട്ടി​യി​ല്‍ സ​മീ​പ​കാ​ല​ത്തു​ണ്ടാ​യ ഭി​ന്ന​ത ഗു​ണ​ക​ര​മാ​യി. എ​ന്‍​സി​പി​യു​ടെ ഔ​ദ്യോ​ഗി​ക ചി​ഹ്ന​മാ​യ ക്ലോ​ക്ക് അ​ട​യാ​ള​ത്തി​ലാ​ണ് താ​ന്‍ തെ​ര​ഞ്ഞെ​ടു​ക്ക​പ്പെ​ട്ട​തെ​ന്നും പാ​ര്‍​ട്ടി​യി​ലെ ഔ​ദ്യോ​ഗി​ക പ​ക്ഷ​മാ​യ അ​ജി​ത് പ​വാ​ര്‍ വി​ഭാ​ഗ​ത്തി​നൊ​പ്പ​മാ​ണ് താ​നെ​ന്നും മേ​രി​ക്കു​ട്ടി ശാ​മു​വേ​ല്‍ പ​റ​ഞ്ഞു.

ഈ ​വി​ഭാ​ഗ​ത്തി​ന്‍റെ ജി​ല്ലാ പ്ര​സി​ഡ​ന്‍റ് ജ​യ​ന്‍ അ​ടൂ​ര്‍ ന​ല്‍​കി​യ വി​പ്പും മേ​രി​ക്കു​ട്ടി കൈ​പ്പ​റ്റി​യി​രു​ന്നു. എ​ന്‍​സി​പി കേ​ര​ള ഘ​ട​കം ന​ല്‍​കി​യ വി​പ്പ് ത​നി​ക്കു സ്വീ​കാ​ര്യ​മ​ല്ലെ​ന്നു മേ​രി​ക്കു​ട്ടി ശാ​മു​വേ​ല്‍ വ്യ​ക്ത​മാ​ക്കു​ക​യും ചെ​യ്തു. നേ​ര​ത്തേഎ​ല്‍​ഡി​എ​ഫ് വൈ​സ് പ്ര​സി​ഡ​ന്‍റ് സ്ഥാ​ന​ത്തേ​ക്ക് മേ​രി​ക്കു​ട്ടി ശാ​മു​വേ​ലി​ന്‍റെ പേ​ര് തീ​രു​മാ​നി​ച്ചി​രു​ന്ന​താ​ണ്.

പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ല്‍ സാ​ലി ഫി​ലി​പ്പി​നെ​തി​രേ സി​പി​എ​മ്മി​ലെ സോ​ണി കൊ​ച്ചു​തു​ണ്ടി​യി​ലാ​ണ് മ​ത്സ​രി​ച്ച​ത്. സോ​ണി​യു​ടെ വോ​ട്ട് അ​സാ​ധു​വാ​കു​ക​യും ചെ​യ്തു. ബാ​ല​റ്റ് പേ​പ്പ​റി​ല്‍ ഒ​പ്പി​ടാ​തി​രു​ന്ന​താ​ണ് അ​സാ​ധു​വാ​കാൻ കാ​ര​ണം. ബി​ജെ​പി​യി​ലെ ര​ണ്ടം​ഗ​ങ്ങ​ളും വി​ട്ടു​നി​ന്നു. എ​ന്നാ​ല്‍ ഒ​രം​ഗ​മാ​യ ഗീ​തു മു​ര​ളി പ​ഞ്ചാ​യ​ത്ത് ഹാ​ളി​ല്‍ എ​ത്തി​യെ​ങ്കി​ലും ര​ജി​സ്റ്റ​റി​ല്‍ ഒ​പ്പു​വ​ച്ചി​ല്ല.

ഉ​ച്ച​ക​ഴി​ഞ്ഞ് വൈ​സ് പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ല്‍ യു​ഡി​എ​ഫി​ന്‍റെ ഔ​ദ്യോ​ഗി​ക സ്ഥാ​നാ​ര്‍​ഥി​യാ​യി മേ​രി​ക്കു​ട്ടി ശാ​മു​വേ​ല്‍ മ​ത്സ​രി​ക്കു​ക​യാ​യി​രു​ന്നു. ഇ​വ​ര്‍​ക്കെ​തി​രേ മു​ന്‍ വൈ​സ് പ്ര​സി​ഡ​ന്‍റും സി​പി​ഐ അം​ഗ​വു​മാ​യ മി​നി സു​രേ​ഷി​ന്‍റെ പേ​ര് സി​പി​എ​മ്മി​ലെ ബി​ജി​ലി പി. ​ഈ​ശോ നി​ര്‍​ദേശി​ക്കു​ക​യും ജ​ന​താ​ദ​ളി​ലെ ബി​ജോ പി ​മാ​ത്യു പി​ന്താ​ങ്ങു​ക​യും ചെ​യ്തെ​ങ്കി​ലും താ​ന്‍ മ​ത്സ​രരം​ഗ​ത്ത് ഇ​ല്ലാ​യെ​ന്ന് പ​റ​ഞ്ഞ് അ​വ​ര്‍ പി​ന്‍​മാ​റി.

പ്ര​സി​ഡ​ന്‍റായി തെ​ര​ഞ്ഞെ​ടു​ക്ക​പ്പെ​ട്ട സാ​ലി ഫി​ലി​പ്പ് 12-ാം വാ​ര്‍​ഡി​നെ​യും വൈ​സ് പ്ര​സി​ഡ​ന്‍റ് സി.​എം. മേ​രി​ക്കു​ട്ടി ശാ​മു​വേ​ല്‍ എ​ട്ടാം വാ​ര്‍​ഡി​നെ​യു​മാ​ണ് പ്ര​തി​നി​ധീ​ക​രി​ക്കു​ന്ന​ത്.

തു​ട​ര്‍​ച്ച​യാ​യ രാ​ഷ്‌ട്രീയ നീ​ക്കം,എ​ല്‍​ഡി​എ​ഫി​നു തി​രി​ച്ച​ടി

തോ​ട്ട​പ്പു​ഴ​ശേ​രി ഗ്രാ​മ​പ​ഞ്ചാ​യ​ത്തി​ലും കോ​യി​പ്രം ബ്ലോ​ക്കി​ലും പ​യ​റ്റി​യ രാ​ഷ്‌ട്രീ​യ​ത​ന്ത്രംത​ന്നെ​യാ​ണ് കോ​ഴ​ഞ്ചേ​രി​യി​ലും യു​ഡി​എ​ഫ് ക്യാ​മ്പ് പു​റ​ത്തെ​ടു​ത്ത​ത്. എ​ല്‍​ഡി​എ​ഫി​ന്‍റെ വൈ​സ്പ്ര​സി​ഡന്‍റ് സ്ഥാ​നാ​ര്‍​ഥി​യാ​യി ഔ​ദ്യോ​ഗി​ക​മാ​യി പ്ര​ഖ്യാ​പി​ച്ച സി.​എം. മേ​രി​ക്കു​ട്ടി ശാ​മു​വേ​ല്‍ യു​ഡി​എ​ഫ് ക്യാ​മ്പി​ലെ​ത്തി​യ​ത് സി​പി​എ​മ്മി​നെ​യും എ​ല്‍​ഡി​എ​ഫി​നെ​യും ഞെ​ട്ടി​ച്ചി​രി​ക്കു​ക​യാ​ണ്. കോ​ഴ​ഞ്ചേ​രി ഏ​രി​യാ ക​മ്മി​റ്റി​യു​ടെ കീ​ഴി​ല്‍ സി​പി​എ​മ്മി​നേ​റ്റ തി​രി​ച്ച​ടി​യാ​ണ് കോ​ഴ​ഞ്ചേ​രി പ​ഞ്ചാ​യ​ത്തി​ല്‍ സി​പി​എ​മ്മി​നു ഭ​ര​ണം ന​ഷ്ട​പ്പെ​ട്ട​ത്.

തോ​ട്ട​പ്പു​ഴ​ശേ​രി ഗ്രാ​മ​പ​ഞ്ചാ​യ​ത്തി​ലെ പ്ര​സി​ഡ​ന്‍റ്, വൈസ് പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ല്‍ വി​പ്പ്് ലം​ഘി​ച്ച് അം​ഗ​ങ്ങ​ള്‍ വോ​ട്ട് രേ​ഖ​പ്പെ​ടു​ത്തി​യ​ത് തു​ട​ര്‍​ക്ക​ഥ​യാ​യി തു​ട​രു​ക​യാ​ണ്. അ​യി​രൂ​ര്‍ ഗ്രാ​മ​പ​ഞ്ചാ​യ​ത്തി​ലെ സ്റ്റാ​ന്‍​ഡിം​ഗ് ക​മ്മി​റ്റി തെ​ര​ഞ്ഞെ​ടു​പ്പി​ല്‍ ലോ​ക്ക​ല്‍ ക​മ്മി​റ്റി​യം​ഗ​മാ​യി​രു​ന്ന പ​ഞ്ചാ​യ​ത്ത് പ്ര​സി​ഡ​ന്‍റ് വോ​ട്ട് അ​സാ​ധു​വാ​ക്കു​ക​യും ബി​ജെ​പി അം​ഗം വി​ജ​യി​ക്കു​ക​യും ചെ​യ്തി​രു​ന്നു.

കോ​യി​പ്രം ബ്ലോ​ക്ക് പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ല്‍ സി​പി​എ​മ്മി​ന്‍റെ ലോ​ക്ക​ല്‍ ക​മ്മി​റ്റി​യം​ഗം വി​പ്പ് ലം​ഘി​ച്ച് യു​ഡി​എ​ഫി​ന്‍റെ സ​ഹാ​യ​ത്തോ​ടെ പ്ര​സി​ഡ​ന്‍റായ​തി​നെത്തു​ട​ര്‍​ന്നു​ണ്ടാ​യ തി​രി​ച്ച​ടി തു​ട​രു​ന്ന​ത് സി​പി​എ​മ്മി​ന്‍റെ കേ​ഡ​ര്‍ സ്വ​ഭാ​വ​ത്തി​ന് വെ​ല്ലു​വി​ളി​യാ​യി​രി​ക്കു​ക​യാ​ണ്.

എ​ന്നാ​ല്‍ സി.​എം. മേ​രി​ക്കു​ട്ടി എ​ല്‍​ഡി​എ​ഫ് അം​ഗ​മാ​യി തു​ട​രു​മെ​ന്നും കോ​ഴ​ഞ്ചേ​രി​യി​ല്‍ ന​ട​ന്ന​തു പ്രാ​ദേ​ശി​ക​മാ​യ വി​ഷ​യ​ങ്ങ​ളാ​യി​രു​ന്നെ​ന്നും ഇ​തു​മാ​യി ബ​ന്ധ​പ്പെ​ട്ട് അ​ന്വേ​ഷ​ണം ന​ട​ത്തി ന​ട​പ​ടി​ക​ള്‍ സ്വീ​ക​രി​ക്കു​മെ​ന്നും എ​ന്‍​സി​പി സം​ഘ​ട​നാ ചു​മ​ത​ല​യു​ള്ള ജ​ന​റ​ല്‍ സെ​ക്ര​ട്ട​റി മാ​ത്യൂ​സ് ജോ​ര്‍​ജ് പ​റ​ഞ്ഞു.

സി​പി​എ​മ്മി​ന്‍റെയും എ​ല്‍​ഡി​എ​ഫി​‌ന്‍റെയും അ​ധാ​ര്‍​മി​ക​ത​യ്ക്കെ​തി​രേ​യു​ള്ള തി​രി​ച്ചടിയാണ് കോ​ഴ​ഞ്ചേ​രി​യി​ല്‍ ഉ​ണ്ടാ​യി​രി​ക്കു​ന്ന​തെ​ന്ന് കെ​പി​സി​സി ജ​ന​റ​ല്‍ സെ​ക്ര​ട്ട​റി പ​ഴ​കു​ളം മ​ധു പ​റ​ഞ്ഞു. ഡി​സി​സി വൈ​സ് പ്ര​സി​ഡ​ന്‍റ് എ. ​സു​രേ​ഷ് കു​മാ​ര്‍, കോ​ണ്‍​ഗ്ര​സ് ബ്ലോ​ക്ക് പ്ര​സി​ഡ​ന്‍റ് ജെ​റി മാ​ത്യു സാം, ​കോ​ണ്‍​ഗ്ര​സ് മ​ണ്ഡ​ലം പ്ര​സി​ഡ​ന്‍റ് ജോ​മോ​ന്‍ പു​തു​പ്പ​റ​മ്പി​ല്‍ എ​ന്നി​വ​ര്‍ പ​ഞ്ചാ​യ​ത്തി​ലെ​ത്തി സാ​ലി ഫി​ലി​പ്പി​നെ സ്വീ​ക​രി​ക്കു​ക​യും ടൗ​ണി​ല്‍ ആ​ഹ്ളാ​ദ പ്ര​ക​ട​നം ന​ട​ത്തു​ക​യും ചെ​യ്തു.

സം​ഘ പ​രി​വാ​ര്‍ - ബി​ജെ​പി മു​ന്ന​ണി​യി​ലെ ഘ​ട​കക​ക്ഷി​യു​ടെ സ​ഹാ​യ​ത്തോ​ടെ​ കേ​ര​ള കോ​ണ്‍​ഗ്ര​സ്- ജോ​സ​ഫ് അം​ഗം കോ​ഴ​ഞ്ചേ​രി​യി​ല്‍ പ​ഞ്ചാ​യ​ത്ത് പ്ര​സി​ഡ​ന്‍റാ​യ​ത് ധാ​ര്‍​മി​ക​ത​യ്ക്കു നി​ര​ക്കു​ന്ന​ത​ല്ലെ​ന്ന് സി​പി​എം ഏ​രി​യാ ക​മ്മി​റ്റി​യം​ഗ​വും പ​ഞ്ചാ​യ​ത്ത് മെം​ബ​റു​മാ​യ ബി​ജി​ലി പി. ​ഈ​ശോ ആ​രോ​പി​ച്ചു.