പ​ത്ത​നം​തി​ട്ട: ജി​ല്ല​യു​ടെ ചി​കി​ത്സാ സം​വി​ധാ​ന​ങ്ങ​ളി​ൽ സ​ർ​ക്കാ​ർ മെ​ഡി​ക്ക​ൽ കോ​ള​ജ് പൂ​ർ​ണ​സ​ജ്ജ​മാ​കു​ന്നു. മെ​ഡി​ക്ക​ൽ കോ​ള​ജി​നെ സ​മ്പൂ​ർ​ണ സ​ജ്ജ​മാ​ക്കാ​നു​ള്ള പ്ര​വ​ർ​ത്ത​ന​ങ്ങ​ളും സൂ​പ്പ​ർ സ്പെ​ഷാ​ലി​റ്റി നി​ല​വാ​ര​ത്തി​ൽ എ​ത്തി​ക്കാ​നു​മു​ള്ള പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ന്നു.

മൂ​ന്ന് ബാ​ച്ചു​ക​ളി​ലാ​യി 300 എം​ബി​ബി​എ​സ് വി​ദ്യാ​ർ​ഥി​ക​ളാ​ണ് നി​ല​വി​ൽ പ​ഠ​നം ന​ട​ത്തു​ന്ന​ത്.
ര​ണ്ടാ​യി​ര​ത്തോ​ളം രോ​ഗി​ക​ൾ പ്ര​തി​ദി​ന ഒ​പി​യി​ൽ ചി​കി​ത്സ തേ​ടിയെത്തു​ന്നു​ണ്ട്. ഐ​പി വി​ഭാ​ഗ​വും പൂ​ർ​ണ​സ​ജ്ജ​മാ​യി വ​രു​ന്നു. 300 കി​ട​ക്ക​ക​ളാ​ണ് നി​ല​വി​ൽ ആ​ശു​പ​ത്രി​യി​ലു​ള്ള​ത്. ശ​സ്ത്ര​ക്രി​യാ വി​ഭാ​ഗ​ങ്ങ​ൾ അ​ട​ക്കം സ​ജ്ജ​മാ​യ​തോ​ടെ കൂ​ടു​ത​ൽ രോ​ഗി​ക​ളെ ഐ​പി വി​ഭാ​ഗ​ത്തി​ൽ എ​ത്തി​ക്കാ​നാ​കും.

ഫോ​റ​ൻ​സി​ക് ബ്ലോ​ക്ക് സ​ജ്ജ​മാ​യ​തോ​ടെ പോ​സ്റ്റ്മോ​ർ​ട്ടം ന​ട​പ​ടി​ക​ളും ആ​രം​ഭി​ക്കാ​നാ​കും. ഇ​തോ​ടെ പ​ത്ത​നം​തി​ട്ട​യി​ൽനി​ന്നും കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്കു മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​നാ​യി അ​യ​യ്ക്കു​ന്ന​ത് ഒ​ഴി​വാ​കും.

ഫാ​ർ​മ​സി ആ​ൻ​ഡ് സ​ർ​ജി​ക്ക​ൽ​സ് യൂ​ണി​റ്റ് 24 മ​ണി​ക്കൂ​റും

കോ​ന്നി മെ​ഡി​ക്ക​ൽ കോ​ള​ജി​ൽ എ​ൽ​എ​ൻ കെ​യ​ർ - ഫാ​ർ​മ​സി ആ​ൻ​ഡ് സ​ർ​ജി​ക്ക​ൽ​സ് അ​നു​വ​ദി​ച്ച​താ​യി കെ.​യു. ജ​നീ​ഷ് കു​മാ​ർ എം​എ​ൽഎ ​അ​റി​യി​ച്ചു. കോ​ന്നി മെ​ഡി​ക്ക​ൽ കോ​ള​ജ് ആ​ശു​പ​ത്രി​ക്കു​ള്ളി​ൽ സ്ഥാ​പി​ക്കു​ന്ന ഫാ​ർ​മ​സി ആ​ൻ​ഡ് സ​ർ​ജി​ക്ക​ൽ​സ് 500 ച​തു​ര​ശ്ര അ​ടി വി​സ്തീ​ർ​ണ​ത്തി​ലാ​ണ് നി​ർ​മി​ക്കു​ന്ന​ത്.

24 മ​ണി​ക്കൂ​റും സേ​വ​നം ല​ഭ്യ​മാ​ക്കു​ന്ന ഫാ​ർ​മ​സി​യാ​ണ്. മ​രു​ന്നു​ക​ൾ, സ​ർ​ജി​ക്ക​ൽ ഉ​പ​ക​ര​ണ​ങ്ങ​ൾ, ഇംപ്ലാന്‍റു​ക​ൾ എ​ന്നി​വ 50 ശ​ത​മാ​നംവ​രെ വി​ല​ക്കു​റ​വി​ൽ കി​ട്ടു​ന്ന​താ​യി​രി​ക്കും.മെ​ഡി​ക്ക​ൽ കോ​ള​ജ് ഐ​പി വി​ഭാ​ഗ​ത്തി​ൽ പ്ര​വേ​ശി​പ്പി​ക്ക​പ്പെ​ട്ട​വ​രി​ൽ ആ​രോ​ഗ്യ ഇ​ൻ​ഷ്വ​റ​ൻ​സ് പ​രി​ധി​യി​ൽ വ​രു​ന്ന രോ​ഗി​ക​ൾ, മെ​ഡി​സെ​പ്, സ​ർ​ക്കാ​ർ ആ​രോ​ഗ്യകി​ര​ണം സ്കീ​മു​ക​ളി​ൽപ്പെ​ടു​ന്ന​വ​ർ​ക്കും സൗ​ജ​ന്യ​മാ​യി മ​രു​ന്ന് ല​ഭി​ക്കും. ആ​ശു​പ​ത്രി​ക​ൾ​ക്ക് ആ​വ​ശ്യ​മു​ള്ള എ​ല്ലാ​വി​ധ സ​ർ​ജി​ക്ക​ൽ ഉ​പ​ക​ര​ണ​ങ്ങ​ളും ജീ​വ​ൻര​ക്ഷാ മ​രു​ന്നു​ക​ളും വി​ല​ക്കു​റ​വി​ൽ ല​ഭ്യ​മാ​കും.

352 കോ​ടി​യു​ടെ അ​തി​വേ​ഗ വി​ക​സ​നം

നി​ല​വി​ൽ 352കോ​ടി​യു​ടെ ര​ണ്ടാംഘ​ട്ട നി​ർ​മാ​ണ പ്ര​വ​ർ​ത്ത​ന​ങ്ങ​ളാ​ണ് പു​രോ​ഗ​മി​ക്കു​ന്ന​ത്. 130 കോ​ടി​യു​ടെ പ്ര​വൃ​ത്തി​ക​ളാ​ണ് ക​ഴി​ഞ്ഞ മൂ​ന്നു ​വ​ർ​ഷ​ങ്ങ​ൾ​ക്കു​ള്ളി​ൽ പൂ​ർ​ത്തീ​ക​രി​ച്ച​ത്.

മു​ന്നൂ​റ് കി​ട​ക്ക​ക​ളോ​ടു​കൂ​ടി​യ ആ​ശു​പ​ത്രിക്കെ​ട്ടി​ട​വും അ​ക്കാ​ഡ​മി​ക് ബ്ലോ​ക്കും പ്ര​വ​ർ​ത്ത​ന സ​ജ്ജ​മാ​ണ്. അ​ത്യാ​ഹി​തവി​ഭാ​ഗ​ത്തി​ലും വാ​ർ​ഡു​ക​ളി​ലും ഓ​ക്സി​ജ​ൻ സൗ​ക​ര്യ​ങ്ങ​ളോ​ടു​കൂ​ടി​യ കി​ട​ക്ക​ക​ളാ​ണു​ള്ള​ത്. മെ​ഡി​ക്ക​ൽ കോ​ള​ജി​ൽത​ന്നെ ഓ​ക്സി​ജ​ൻ പ്ലാ​ന്‍റ് സ്ഥാ​പി​ച്ചി​ട്ടു​ണ്ട്. പീ​ഡി​യാ​ട്രി​ക് ഐ​സി​യു​വും മൈ​ന​ർ ഓ​പ്പ​റേ​ഷ​ൻ ത‌ി​യ​റ്റ​റു​ക​ളും പ്ര​വ​ർ​ത്ത​ന സ​ജ്ജ​മാ​ണ്.

എ​ല്ലാ വി​ഭാ​ഗ​ങ്ങ​ളി​ലും വി​ദ​ഗ്ധ ഡോ​ക്ട​ർ​മാ​രു​ടെ സേ​വ​നം ല​ഭ്യ​മാ​ണ്. 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന ലാ​ബും ഫാ​ർ​മ​സി​യും സ​ജ്ജീ​ക​രി​ച്ചി​ട്ടു​ണ്ട്. സി​ടി സ്കാ​നും അ​ൾ​ട്രാസൗ​ണ്ട് സ്കാ​ന​റും മ​റ്റ് പ്ര​ധാ​ന അ​ടി​സ്ഥാ​ന സൗ​ക​ര്യ​ങ്ങ​ളു​മു​ണ്ട്.

നാ​ല് ബ​ഹു​നി​ല കെ​ട്ടി​ട​ങ്ങ​ൾ

മെ​ഡി​ക്ക​ല്‍ കോ​ള​ജി​ലെ നാ​ല് ബ​ഹു​നി​ല കെ​ട്ടി​ട​ങ്ങ​ളു​ടെ നി​ര്‍​മാ​ണം അ​ന്തി​മ​ഘ​ട്ട​ത്തി​ലാ​ണ്. 11 നി​ല​ക​ളി​ലാ​യി 40 അ​പ്പാ​ർ​ട്ട്മെ​ന്‍റു​ക​ള്‍ ഉ​ള്‍​പ്പെ​ടു​ത്തി​യ ര​ണ്ട് ക്വാ​ർട്ടേ​ഴ്സ് സ​മു​ച്ച​യങ്ങ​ളു​ടെ നി​ർ​മാ​ണം പു​രോ​ഗ​മി​ക്കു​ന്നു.

ഡോ​ക്ട​ര്‍​മാ​ര്‍​ക്കാ​യി 9.1 കോ​ടി രൂ​പ​യി​ല്‍ 77,000 ച​തു​ര​ശ്ര അ​ടി​യി​ലും അ​ധ്യാ​പ​ക​ര്‍​ക്കാ​യി 16.26 കോ​ടി രൂ​പ​യി​ല്‍ 37,000 ച​തു​ര​ശ്ര അ​ടി​യി​ലു​മു​ള്ള ക്വാ​ർ​ട്ടേ​ഴ്സാ​ണ് നി​ർ​മി​ക്കു​ന്ന​ത്. 22.80 കോ​ടി രൂ​പ ചെ​ല​വി​ല്‍ 57,000 ച​തു​ര​ശ്ര അ​ടി​യി​ൽ ര​ണ്ടു നി​ല​ക​ളി​ലാ​യി അ​ക്കാ​ഡ​മി​ക് ബ്ലോ​ക്കി​ന്‍റെ വി​പു​ലീ​ക​ര​ണ​വും അ​ഡ്മി​നി​സ്ട്രേ​റ്റീ​വ് ബ്ലോ​ക്കി​ന്‍റെ നി​ര്‍​മാ​ണ​വും ന​ട​ന്നു​വ​രു​ന്നു.