കോ​ന്നി: കു​മ്മ​ണ്ണൂ​ർ നെ​ടി​യ​കാ​ല ഭാ​ഗ​ത്ത് കാ​ട്ടാ​ന കൃ​ഷി​യി​ട​ങ്ങ​ളി​ൽ വ്യാ​പ​ക​നാ​ശം വ​രു​ത്തു​ന്നു. കൃ​ഷി​ക്കാ​ർ നേ​രി​ടു​ന്ന പ്ര​തി​സ​ന്ധി അ​ധി​കൃ​ത​രും ക​ണ്ടി​ല്ലെ​ന്നു ന​ടി​ക്കു​ക​യാ​ണ്. രാ​ത്രി​കാ​ല​ങ്ങ​ളി​ൽ​പു​റ​ത്തി​റ​ങ്ങാ​ൻ പ്ര​ദേ​ശ​വാ​സി​ക​ൾ​ക്കു ഭ​യ​മാ​ണ്.

നെ​ടി​യ​കാ​ല​യി​ൽ പി.എം. സ​ലി​മി​ന്‍റെ കൃ​ഷി​യി​ട​ത്തി​ൽ ക​ഴി​ഞ്ഞ​ദി​വ​സം ആ​ന​ക​ൾ ക​യ​റി കൃ​ഷി​ക​ൾ പൂ​ർ​ണ​മാ​യും ന​ശി​പ്പി​ച്ചു. വി​ള​വെ​ത്താ​റാ​യ കാ​ർ​ഷി​കവി​ള​ക​ളട​ക്കം ആ​ന ന​ശി​പ്പി​ച്ചു.
ക​ഴി​ഞ്ഞ ദി​വ​സം പു​ല​ർ​ച്ചെ ഒ​ന്നോ​ടെ കൃ​ഷി​യി​ട​ത്തി​ൽ ക​യ​റി വാ​ഴ, ക​പ്പ, റ​ബ​ർ തു​ട​ങ്ങി​യ വി​വി​ധ​യി​നം കാ​ർ​ഷി​ക​വി​ള​ക​ളാ​ണ് ന​ശി​പ്പി​ച്ച​ത്.

കൃ​ഷി ന​ശി​പ്പി​ച്ച വി​വ​രം വ​നം അ​ധി​കൃ​ത​രെ അ​റി​യി​ക്കു​ക​യും ജീ​വ​ന​ക്കാ​ർ സ്ഥ​ലം സ​ന്ദ​ർ​ശി​ച്ചു റി​പ്പോ​ർ​ട്ട് ത​യാ​റാ​ക്കു​ക​യും ചെ​യ്തു. ആ​ന​ക​ൾ സ്ഥി​ര​മാ​യി ഈ ​പ്ര​ദേ​ശ​ങ്ങ​ളി​ൽ ത​ന്നെ​യാ​ണു​ള്ള​ത്. ഈ ​പ്ര​ദേ​ശ​ങ്ങ​ളി​ൽ സ്ഥാ​പി​ച്ചി​ട്ടു​ള്ള സോ​ളാ​ർ ഫെ​ൻ​സിം​ഗ് പൂ​ർ​ണ​മാ​യും പ്ര​വ​ർ​ത്ത​നര​ഹി​ത​മാ​യി​രി​ക്കു​ക​യാ​ണ്. ആ​ന​ക​ൾ​ക്കു പു​റ​മേ മ​ല​യ​ണ്ണാ​ൻ, കു​ര​ങ്ങ്, മ്ലാ​വ്, കേ​ഴ, പ​ന്നി, മു​ള്ള​ൻ​പ​ന്നി ശ​ല്യ​വും വ​ർ​ധി​ച്ചുവ​രി​ക​യാ​ണ്. വൈ​കു​ന്നേ​രം ആ​റു ക​ഴി​ഞ്ഞാ​ൽ പ്ര​ദേ​ശ​ത്തുള്ള​വ​രു​ടെ ജീ​വി​തം ദു​രി​ത​പൂ​ർ​ണ​മാ​ണ്. വ​ന്യ​മൃ​ഗഭീ​ഷ​ണി നി​ല​നി​ൽ​ക്കു​ന്ന​തി​നാ​ൽ സ​ന്ധ്യ മ​യ​ങ്ങു​ന്ന​തോ​ടെ പു​റ​ത്തി​റ​ങ്ങാ​റി​ല്ലെ​ന്ന് സ്ഥ​ല​വാ​സി​ക​ൾ പ​റ​ഞ്ഞു.

കൃ​ഷി ന​ശി​ക്കു​ന്ന​തു കാ​ര​ണം കാ​ർ​ഷി​കാ​വ​ശ്യ​ങ്ങ​ൾ​ക്ക് എ​ടു​ത്ത വാ​യ്പ​ക​ൾ തി​രി​ച്ച​ട​യ്ക്കു​ന്ന​തും പ്ര​തി​സ​ന്ധി​യി​ലാ​ണ്. ക​ർ​ഷ​ക​രു​ടെ പ്ര​യാ​സ​ങ്ങ​ൾ ക​ണ്ട​റി​ഞ്ഞ് ഇ​വ​ർ​ക്ക് വേ​ണ്ടു​ന്ന സ​ഹാ​യ​ങ്ങ​ൾ ന​ൽ​കാ​ൻ വ​നം അ​ധി​കൃ​ത​ർ ത​യാ​റാ​കു​ന്നു​മി​ല്ല. വ​ന്യ​മൃ​ഗം ന​ശി​പ്പി​ച്ച കാ​ർ​ഷി​ക വി​ള​ക​ൾ​ക്കു ന​ഷ്ട​പ​രി​ഹാ​രം തേ​ടി ന​ൽ​കി​യ അ​പേ​ക്ഷ​ക​ളി​ൽ തീ​രു​മാ​ന​മാ​യി​ട്ടി​ല്ല. നാ​മ​മാ​ത്ര​മാ​യ തു​ക​യാ​ണ് ന​ഷ്ട​പ​രി​ഹാ​ര​മാ​യി നി​ശ്ച​യി​ച്ചി​രി​ക്കു​ന്ന​ത്.

ബാ​ങ്കു​ക​ളി​ൽനി​ന്നും വാ​യ്‌​പ എ​ടു​ത്ത് കൃ​ഷി ചെ​യ്ത​വ​രാ​ണ് ഇ​വി​ടെ​യു​ള്ള കൃ​ഷി​ക്കാ​ര​ധി​ക​വും. ക​ർ​ഷ​ക​ർ​ക്ക് ല​ക്ഷ​ങ്ങ​ളു​ടെ​നാ​ശ​ന​ഷ്ട​മാ​ണ് ഉ​ണ്ടാ​യി​രി​ക്കു​ന്ന​ത്. കൂ​ട്ട​മാ​യി എ​ത്തു​ന്ന ആ​ന​ക​ളു​ടെ ശ​ല്യം അ​ടി​യ​ന്ത​ര​മാ​യി ത​ട​യാ​നും കൃ​ഷിനാ​ശം ഉ​ണ്ടാ​യ​വ​ർ​ക്ക് ന​ഷ്ട​പ​രി​ഹാ​രം ന​ൽ​കാ​നും അ​ടി​യ​ന്ത​ര ന​ട​പ​ടി​ക​ളാ​ണ് നാ​ട്ടു​കാ​രുടെ ആ​വ​ശ്യം. ത​ക​രാ​റി​ലാ​യ സോ​ള​ാർ ഫെ​ൻ​സിം​ഗ് പു​നഃ​സ്ഥാ​പി​ച്ചു പ്ര​വ​ർ​ത്ത​ന​സ​ജ്ജ​മാ​ക്കി ന​ൽ​ക​ണ​മെ​ന്നും പ്ര​ദേ​ശ​വാ​സി​ക​ൾ ആ​വ​ശ്യ​പ്പെ​ട്ടു.