ഏഴംകുളം - കൈപ്പട്ടൂർ റോഡ് പണി ഇഴയുന്നു
1464222
Sunday, October 27, 2024 3:51 AM IST
കൊടുമൺ: ഏഴംകുളം - കൈപ്പട്ടൂർ റോഡ് പണി ഇഴയുന്നു. മാസങ്ങളായി തുടരുന്ന പണികൾ കാരണം വ്യാപാരമേഖലയിലും വാഹനങ്ങൾ ഓടിച്ച് ഉപജീവനം നടത്തുന്ന തൊഴിലാളികളും ദുരിതത്തിലാണ്. ബദൽ മാർഗങ്ങൾ ഒരുക്കുന്നതിലും അധികൃതർ അനാസ്ഥ തുടരുകയാണെന്ന് പരാതി.
ശബരിമല തീർഥാടനകാലം എത്താൻ ദിവസങ്ങൾ മാത്രം ഉള്ളപ്പോഴാണ് റോഡു പണിയിലെ അനാസ്ഥ. ശബരിമല ദർശനം കഴിഞ്ഞ് എത്തുന്ന തീർഥാടകർക്കു തിരുവനന്തപുരം ഭാഗത്തേക്ക് പോകാനുള്ള പ്രധാന പാതകൂടിയാണിത്. റോഡ് പണി അടിയന്തരമായി പൂർത്തീകരിക്കാത്ത പക്ഷം സമരപരിപാടികളുമായി രംഗത്തിറങ്ങാൻ ഓട്ടോറിക്ഷ തൊഴിലാളി യൂണിയൻ ( ഐഎൻടി യുസി )കൊടുമൺ പഞ്ചായത്ത് കമ്മിറ്റി തീരുമാനിച്ചു.
ദീപു വടക്കേക്കരയുടെ അധ്യക്ഷതയിൽ അങ്ങാടിക്കൽ വിജയകുമാർ, അജികുമാർ രണ്ടാംകുറ്റി, അജേഷ് അങ്ങാടിക്കൽ,വിനയൻ ചന്ദനപ്പള്ളി, ഓമനക്കുട്ടൻ, ജിലാൻകുട്ടി, പ്രകാശ് നിലമേൽ, രഞ്ചൻ തുടങ്ങിയവർ പ്രസം ഗിച്ചു.