കുടുംബത്തിന്റെ പോരാട്ടത്തിനു പിന്തുണ നൽകും: സുധീരൻ
1464210
Sunday, October 27, 2024 3:36 AM IST
പത്തനംതിട്ട: എഡിഎം നവീന് ബാബുവിന്റെ മരണത്തിന് ഉത്തരവാദികളായവരെ നിയമത്തിനു മുമ്പില് കൊണ്ടുവന്ന് മാതൃകാപരമായി ശിക്ഷ നല്കണമെന്ന് കെപിസിസി മുൻ പ്രസിഡന്റ് വി.എം. സുധീരൻ. നവീൻ ബാബുവിന്റെ കുടംബം നടത്തുന്ന നിയമപരവും അല്ലാത്തതുമായ എല്ലാ പോരാട്ടങ്ങള്ക്കും എല്ലാവിധ പിന്തുണയും നല്കുമെന്നും അദ്ദേഹം പറഞ്ഞു.
ഇന്നലെ രാവിലെ നവീൻ ബാബുവിന്റെ വീട്ടിലെത്തിയ സുധീരൻ നവീന്റെ ഭാര്യ മഞ്ജുഷ, മക്കൾ, കുടുംബാംഗങ്ങൾ എന്നിവരോടു സംസാരിച്ചു. ഡിസിസി പ്രസിഡന്റ് പ്രഫ. സതീഷ് കൊച്ചുപറമ്പില്, കെപിസിസി അംഗം മാത്യു കുളത്തുങ്കല്, ഡിസിസി ഭാരവാഹികഎന്നിവര് ഒപ്പമുണ്ടായിരുന്നു.