ജില്ലാ ശിശുക്ഷേമ സമിതി: വര്ണോത്സവം കോഴഞ്ചേരിയില് തുടങ്ങി
1464217
Sunday, October 27, 2024 3:36 AM IST
പത്തനംതിട്ട: ജില്ലാ ശിശുക്ഷേമ സമിതിയുടെ നേതൃത്വത്തില് ശിശുദിനാഘോഷങ്ങള്ക്ക് മുന്നോടിയായുള്ള ശിശുദിന കലോത്സവം "വര്ണോത്സവം' കോഴഞ്ചേരി ഗവ. ഹൈസ്കൂള്, സെന്റ് തോമസ് ഹയര് സെക്കന്ഡറി സ്കൂള് എന്നിവിടങ്ങളിലായി ആരംഭിച്ചു.
ഏഴുനൂറിലധികം വിദ്യാര്ഥികള് ഒന്നാം ദിവസം നടന്ന മല്സരങ്ങളില് വിവിധ സ്കൂളുകളില് നിന്നായി പങ്കെടുത്തു. വര്ണാഭമായ ചടങ്ങില് കുട്ടികള് വിവിധ കളറുകളിലുള്ള ബലൂണുകള് പറത്തി "വര്ണോത്സവം ' ഉദ്ഘാടനം ചെയ്തു.
ജില്ലാ ശിശുക്ഷേമ സമിതി വൈസ് പ്രസിഡന്റ് ആര്. അജിത്കുമാര് അധ്യക്ഷത വഹിച്ചു. സെക്രട്ടറി ജി. പൊന്നമ്മ, ജോയിന്റ് സെക്രട്ടറി സലിം പി. ചാക്കോ, ട്രഷറാര് ദീപു എ.ജി., പ്രോഗ്രാം കണ്വീനര് സി.ആര്. കൃഷ്ണക്കുറുപ്പ്,
വിദ്യാഭ്യാസ ഡെപ്യൂട്ടി ഡയറക്ടര് ബി.ആര്. അനില, കോഴഞ്ചേരി ഗവ. ഹൈസ്കൂള് പ്രധാനാധ്യാപിക ഇഷാര ആനന്ദ് , കോഴഞ്ചേരി സെന്റ് തോമസ് ഹൈസ്കൂള് പ്രധാനാധ്യാപിക വി. ആഷ തുടങ്ങിയവര് സംസാരിച്ചു. മത്സരങ്ങള് ഇന്നും തുടരും. രാവിലെ ഒമ്പതിനാണ് രജിസ്ട്രേഷന്.