ആട് വസന്തയ്ക്കെതിരേ കുത്തിവയ്പ്
1463796
Friday, October 25, 2024 4:29 AM IST
പത്തനംതിട്ട: ദേശീയ ജന്തുരോഗ നിയന്ത്രണ പദ്ധതിയുടെ ഭാഗമായി ആട് വസന്ത നിര്മാര്ജനയജ്ഞം 2030 പ്രതിരോധ കുത്തിവയ്പ് കാന്പെയ്ൻ ജില്ലാതല ഉദ്ഘാടനം വെച്ചൂച്ചിറയില് ഗ്രാമപഞ്ചായത്ത് പ്രസിഡന്റ് ടി.കെ. ജയിംസ് നിര്വഹിച്ചു.
റാന്നി ബ്ലോക്ക് പഞ്ചായത്ത് സ്ഥിരംസമിതി ചെയര്മാന് സതീഷ് പണിക്കര് അധ്യക്ഷത വഹിച്ചു. ജന്തുരോഗനിയന്ത്രണ ജില്ലാ കോ-ഓര്ഡിനേറ്റര് ഡോ. മാത്യു ഫിലിപ്പ്, ജില്ലാ മൃഗസംരക്ഷണ ഓഫീസര് ഡോ. മിനി സാറാ കുര്യന്, വെച്ചൂച്ചിറ ഗ്രാമപഞ്ചായത്ത് വികസനകാര്യ സ്റ്റാന്ഡിംഗ് കമ്മിറ്റി ചെയര്മാന് ഇ. വി. വര്ക്കി,
വെച്ചൂച്ചിറ ക്ഷീര സംഘം പ്രസിഡന്റ് ജോണി കൊല്കുന്നേല്, സീനിയര് വെറ്ററിനറി സര്ജന് ഡോ. എ. പി. സുനില് കുമാര്, വെച്ചൂച്ചിറ വെറ്ററിനറി സര്ജന് ഡോ.ആനന്ദ് എസ്. കൃഷ്ണന് , ചാത്തന്തറ വെറ്ററിനറി സര്ജന് ഡോ. കെ. അഖില്, ഡിസ്ട്രിക്ട് എപ്പിഡെമിയോളജിസ്റ്റ് ഡോ. കാര്ത്തിക് എന്നിവര് പങ്കെടുത്തു.