വി. കോട്ടയം എസ്എൻഡിപി സ്കൂൾ പ്ലാറ്റിനം ജൂബിലി ഉദ്ഘാടനം 28ന്
1463801
Friday, October 25, 2024 4:34 AM IST
പത്തനംതിട്ട: വി. കോട്ടയം എസ്എൻഡിപി യുപി സ്കൂൾ പ്ലാറ്റിനം ജൂബിലി ഉദ്ഘാടനം 28നു നടക്കും. ഒരുവർഷം നീണ്ടുനിൽക്കുന്ന ജൂബിലി ആഘോഷങ്ങളുടെ ഭാഗമായി വിവിധ പരിപാടികൾ ക്രമീകരിച്ചിട്ടുണ്ടെന്ന് ഭാരവാഹികൾ പത്രസമ്മേളനത്തിൽ പറഞ്ഞു.
28നു രാവിലെ പത്തിനു ചേരുന്ന സമ്മേളനത്തിൽ ജൂബിലി ഉദ്ഘാടനം മന്ത്രി സജി ചെറിയാൻ നിർവഹിക്കും. സംഘാടക സമിതി ചെയർമാൻ ശ്രീഭവനം ഗോപാലകൃഷ്ണൻ അധ്യക്ഷത വഹിക്കും.
കെ.യു. ജനീഷ് കുമാർ എംഎൽഎ, എസ്എൻഡിപി യൂണിയൻ പ്രസിഡന്റ് കെ. പത്മകുമാർ, സെക്രട്ടറി ഡി. അനിൽ കുമാർ, ജില്ലാ പഞ്ചായത്തംഗം റോബിൻ പീറ്റർ, ബ്ലോക്ക് പഞ്ചായത്തംഗം കെ.ആർ. പ്രമോദ്, ഗ്രാമപഞ്ചായത്ത് പ്രസിഡന്റ് എൻ. നവനിത്ത്, വൈസ് പ്രസിഡന്റ് മിനി റെജി തുടങ്ങിയവർ പ്രസംഗിക്കും.
ഉച്ചകഴിഞ്ഞ് രണ്ടു മുതൽ പാക്കനാൽ ഫോക്ക് മ്യൂസിക് ടീം അവതരിപ്പിക്കുന്ന പാട്ടോർ നാടൻ പാട്ടും കലകളും. 2025 ജൂൺ 25 വരെ നീളുന്ന ജൂബിലി ആഘോഷങ്ങളുടെ ഭാഗമായി അറിവുത്സവങ്ങൾ, ജൂബിലി സ്മരണിക, സ്കൂൾ ഗ്രന്ഥശാല, സ്കൂൾ ലാബോറട്ടറി, ഡിജിറ്റൽ ക്ലാസ് മുറി എന്നിവ സംഘടിപ്പിക്കും.
ചെയർമാൻ ശ്രീഭവന ഗോപാലകൃഷ്ണൻ, ജനറൽ കൺവീനർ കെ.ജി. സോമരാജൻ, പിടിഎ പ്രസിഡന്റ് പി.ജി. പുഷ്പരാജൻ, പ്രോഗ്രാം ചെയർമാൻ പ്രഭ ഉദയപുരം, എസ്. മനുരാജ് എന്നിവർ പത്രസമ്മേളനത്തിൽ പങ്കെടുത്തു.