കാതോലിക്കേറ്റ് സ്കൂളിൽ ഇന്റർ സ്കൂൾ ക്വിസ് മത്സരം
1464220
Sunday, October 27, 2024 3:51 AM IST
പത്തനംതിട്ട: കാതോലിക്കേറ്റ് ഹയർ സെക്കൻഡറി സ്കൂളിൽ നടന്ന ദാനിയേൽ മാർ പീലക്സീനോസ് ഇന്റർ സ്കൂൾ ക്വിസ് മത്സരവും അനുസ്മരണവും തുമ്പമൺ ഭദ്രാസന സെക്രട്ടറി ജോൺസൺ കല്ലിട്ടതിൽ കോർ എപ്പിസ്കോപ്പ ഉദ്ഘാടനം ചെയ്തു.
പിടിഎ പ്രസിഡന്റ് അബ്ദുൾ മനാഫിന്റെ അധ്യക്ഷതയിൽ കൂടിയ യോഗത്തിൽ സ്കൂൾ കോ-ഓർഡിനേറ്റർ ഫാ. ബിജു മാത്യു, ഡോ. ജിതിൻ ശങ്കർ, ഡോ. വത്സമ്മ ജോർജ്, പ്രിൻസിപ്പൽ ജേക്കബ് ജോർജ്, ഹെഡ്മിസ്ട്രസ് ഗ്രേസൺ മാത്യു, കോ-ഓർഡിനേറ്റർമാരായ ഡോ. സൂസി മാത്യു, അന്നു ഫിലിപ്പ് എന്നിവർ പ്രസംഗിച്ചു.
ക്വിസ് മത്സര വിജയികൾ: ഒന്ന്, രണ്ട്, മൂന്ന് സ്ഥാനക്കാർ:
സീനിയർ വിഭാഗം - എൻഎസ്എസ് എച്ച്എസ്എസ് ചൂരക്കോട്, എംഡിഎച്ച് എസ്എസ് കോട്ടയം, എസ്സിഎച്ച്എസ്എസ് റാന്നി.
ജൂണിയർ വിഭാഗം - കാതോലിക്കേറ്റ് എച്ച്എസ്എസ് പത്തനംതിട്ട, നേതാജി എച്ച്എസ്എസ് പ്രമാടം, എംജിഎം എച്ച്എസ്എസ് തിരുവല്ല.
വിജയികൾക്ക് ട്രോഫികളും കാഷ് അവാർഡും വിതരണം ചെയ്തു. ചങ്ങനാശേരി എൻഎസ്എസ് ഹിന്ദു കോളജ് ഹിസ്റ്ററി വിഭാഗം അധ്യാപകൻ ഡോ. ജിതിൻ ശങ്കർ ക്വിസ് മാസ്റ്ററായി രുന്നു.