പട്ടയഭൂമിയിലെ മരങ്ങൾ മുറിക്കാൻ അനുവാദം വേണം; ചാത്തൻതറയിൽ കർഷക യൂണിയൻ മാർച്ച്
1464211
Sunday, October 27, 2024 3:36 AM IST
ചാത്തൻതറ: പട്ടയഭൂമിയിലെ തേക്കുമരങ്ങൾ മുറിക്കുന്നതിനുള്ള അനുവാദം പുനഃസ്ഥാപിക്കണമെന്നാവശ്യപ്പെട്ടുകൊണ്ട് കേരള കർഷക യൂണിയൻ - എം റാന്നിനിയോജക മണ്ഡലം കമ്മിറ്റിയുടെ ആഭിമുഖ്യത്തിൽ ചാത്തൻതറ കൊല്ലമുള വില്ലേജ് ഓഫീസിനു മുമ്പിൽ ധർണ നടത്തി. കേരള കോൺഗ്രസ് - എം റാന്നി നിയോജക മണ്ഡലം പ്രസിഡന്റ് ജോർജ് ഏബ്രഹാം ഉദ്ഘാടനം ചെയ്തു.
കർഷക യൂണിയൻ നിയോജക മണ്ഡലം പ്രസിഡന്റ് റ്റോമി വടക്കേമുറി അധ്യക്ഷത വഹിച്ചു.
പാർട്ടി ജില്ലാ സെക്രട്ടറി ഏബ്രഹാം വാഴയിൽ മുഖ്യപ്രഭാഷണം നടത്തി. കർഷക യൂണിയൻ ജില്ലാ പ്രസിഡന്റ് ജോൺ വി.തോമസ്, കെറ്റിയുസി ജില്ലാ പ്രസിഡന്റ് ബോബി കാക്കനാപ്പള്ളി,
കെഎസ്സി സംസ്ഥാന സെക്രട്ടറി റിന്റോ തോപ്പിൽ, മണ്ഡലം പ്രസിഡന്റ് റ്റോമി പാറക്കുളങ്ങര, റോസമ്മ സ്കറിയ എന്നിവർ പ്രസംഗിച്ചു. കൊല്ലമുള ജംഗ്ഷനിൽനിന്ന് ആരംഭിച്ച മാർച്ചിന് റ്റോം ആയല്ലൂർ, മോദി തോമസ്, പഞ്ചായത്ത് മെംബർ എലിസബത്ത് തോമസ്, ജോസ് പാത്രമങ്കൽ, പൊന്നി തോമസ് തുടങ്ങിയവർ നേതൃത്വം നൽകി.