ദുരന്ത ലഘൂകരണ ദിനാചരണം ഉദ്ഘാടനം
1463803
Friday, October 25, 2024 4:34 AM IST
പത്തനംതിട്ട: ദുരന്തലഘൂകരണപ്രവര്ത്തനങ്ങള്ക്ക് പരിശീലനം ലഭിച്ച വോളണ്ടിയര്മാരുടെ സേവനം പ്രധാനമെന്ന് ജില്ലാ കളക്ടര് എസ്. പ്രേം കൃഷ്ണന്. കളക്ടറേറ്റ് കോണ്ഫറന്സ് ഹാളില് നടന്ന അന്താരാഷ്ട്ര ദുരന്തനിവാരണ ലഘൂകരണ ദിനാചരണത്തിന്റെ ഭാഗമായ പരിപാടി ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
വയനാട്ടില് പ്രകൃതി ദുരന്ത സ്ഥലത്ത് മാതൃകാപരമായ സേവനം നടത്തിയ വോളണ്ടിയര് മാര്ക്കുള്ള ബാഡ്ജും സര്ട്ടിഫിക്കറ്റും വിതരണം ചെയ്തു.
ദുരന്തനിവാരണ വിഭാഗം ഡെപ്യൂട്ടി കളക്ടര് ആര്. രാജലക്ഷ്മി അധ്യക്ഷത വഹിച്ചു. സബ് കളക്ടര് സുമിത് കുമാര് ഠാക്കൂര്, ജില്ലാ ഫയര് ഓഫീസര് ബി. എം. പ്രതാപ് ചന്ദ്രന്, ജില്ലാ ഫയര് സ്റ്റേഷന് ഓഫീസര് ആര്. അഭിജിത്ത്, ഹസാഡ് അനലിസ്റ്റ് ചാന്ദിനി പി. സി. സേനന്, വോളന്ററിയര്മാര് തുടങ്ങിയവര് പ്രസംഗിച്ചു.