ലഹരിക്കെതിരേയുള്ള പോരാട്ടം ശക്തമാക്കണം: കളക്ടർ
1464037
Saturday, October 26, 2024 4:44 AM IST
തിരുവല്ല: ലഹരി വ്യക്തികളെയും കുടുംബത്തെയും മാത്രമല്ല സമൂഹത്തെയാകമാനം ഗ്രസിക്കുന്ന വിപത്താണെന്ന് പത്തനംതിട്ട ജില്ലാ കളക്ടർ എസ്. പ്രേംകൃഷ്ണൻ. ജില്ലാ ഭരണകൂടവും ഓർത്തഡോക്സ് സഭ നിരണം ഭദ്രാസന മദ്യവർജന സമിതിയും സംയുക്തമായി നടപ്പാക്കുന്ന ‘മയങ്ങരുത് ബാല്യം പദ്ധതി' തിരുവല്ല എംജിഎം സ്കുളിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
നിരണം ഭദ്രാസനാധിപൻ ഡോ. യൂഹാനോൻ മാർ ക്രിസോസ്റ്റമോസ് മെത്രാപ്പോലീത്ത അധ്യക്ഷത വഹിച്ചു. മദ്യവർജന സമിതി പ്രസിഡന്റ് യൂഹാനോൻ മാർ പോളിക്കാർപ്പോസ് മെത്രാപ്പോലീത്ത അനുഗ്രഹ പ്രഭാഷണം നടത്തി. പാലക്കാട് ഡിവിഷൻ എക്സൈസ് പ്രിവന്റീവ് ഓഫീസർ അബ്ദുൾ ബാസിൻ മുഖ്യവിഷയം അവതരിപ്പിച്ചു.
വൈസ് പ്രസിഡന്റ് റവ. ഡോ. കുര്യാക്കോസ് തണ്ണിക്കോട്ട്, ഫാ. വർഗീസ് ജോർജ് ചേപ്പാട്, കേന്ദ്ര സെക്രട്ടറി അലക്സ് മണപ്പുറത്ത്, ഭദ്രാസന വൈസ് പ്രസിഡന്റ് ലിജു പി. ചെറിയാൻ, സെക്രട്ടറി ബ്ലസൻ കുര്യൻ തോമസ്,
പ്രിൻസിപ്പൽ പി.കെ. തോമസ്, ഹെഡ്മിസ്ട്രസ് ലാലി മാത്യു, മത്തായി ടി. വർഗീസ്, ജോബി പി. തോമസ് എന്നിവർ പ്രസംഗിച്ചു. പദ്ധതിയുടെ ലോഗോ ഡോ. യൂഹാനോൻ മാർ ക്രിസോസ്റ്റമോസ് അലക്സ് മണപ്പുറത്തിന് നൽകി പ്രകാശനം ചെയ്തു.