മല്ലപ്പള്ളി ഉപജില്ലാ കലോത്സവം ചെങ്ങരൂർ സ്കൂളിൽ
1463799
Friday, October 25, 2024 4:29 AM IST
മല്ലപ്പള്ളി: മല്ലപ്പള്ളി ഉപജില്ലാ സ്കൂൾ കലോത്സവം നവംബർ രണ്ടു മുതൽ ആറുവരെ ചെങ്ങരൂർ സെന്റ് തെരേസാസ് ഹയർ സെക്കൻഡറി സ്കൂളിൽ നടത്തും. ഇതുമായ ബന്ധപ്പെട്ട സ്വാഗതസംഘ രൂപീകരണം ചെങ്ങരൂർ സെന്റ് തെരേസാസ് ഹയർ സെക്കൻഡറി സ്കൂളിൽ നടന്നു.
കല്ലൂപ്പാറ ഗ്രാമപഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ മനു ഭായി മോഹൻ അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് എബി മേക്കരിങ്ങാട്ട് യോഗം ഉദ്ഘാടനം ചെയ്തു.
യോഗത്തിൽ മല്ലപ്പള്ളി എഇഒ ജേക്കബ് സത്യൻ വിഷയാവതരണം നടത്തി.ഗ്രാമപഞ്ചായത്ത് മെംബർ ലൈസാമ്മ സോമർ, സ്കൂൾ പ്രിൻസിപ്പൽ ആനി വർക്കി, സ്കൂൾ ഹെഡ്മിസ്ട്രസ് സിസ്റ്റർ ലീമാ റോസ് എന്നിവർ പ്രസംഗിച്ചു.