യുണൈറ്റഡ് ക്രിസ്ത്യൻ ഫെലോഷിപ്പ് വാർഷികം
1463794
Friday, October 25, 2024 4:29 AM IST
അടൂർ: അടൂരിലും പരിസര പ്രദേശങ്ങളിലുമുള്ള ക്രൈസ്തവ സമൂഹങ്ങളുടെ കൂട്ടായ്മയായ അടൂർ യുണൈറ്റഡ് ക്രിസ്ത്യൻ ഫെലോഷിപ്പ് വാർഷിക പൊതുയോഗം കണ്ണംകോട് സെന്റ് തോമസ് ഓർത്തഡോക്സ് കത്തീഡ്രലിൽ നടന്നു.
ചെയർമാൻ ഫാ. ഡോ. ശാന്തൻ ചരുവിൽ യോഗത്തിൽ അധ്യക്ഷത വഹിച്ചു. 33 ഇടവകകളെ പ്രതിനിധീകരിച്ച് വൈദികരും ഇടവക പ്രതിനിധികളും പങ്കെടുത്തു. യോഗത്തിൽ തോമസ് മുട്ടുവേലിൽ കോർ എപ്പിസ്കോപ്പ, ഫാ.ജോസഫ് സാമുവേൽ തറയിൽ, ഫാ.കെ. ജി. അലക്സാണ്ടർ, ഫാ. ജോസ് വെച്ചുവെട്ടിക്കൽ, ജനറൽ സെക്രട്ടറി ബേബി ജോൺ, അനിയൻ ചെപ്പള്ളിൽ, ഡെന്നിസ് സാംസൺ എന്നിവർ പ്രസംഗിച്ചു.
സംയുക്ത ക്രിസ്മസ് ആഘോഷത്തിന്റെ നടത്തിപ്പിനായി വൈദികരും ഇടവക പ്രതിനിധികളും ഉൾകൊള്ളുന്ന വിവിധ കമ്മിറ്റികൾക്ക് രൂപം നൽകി.
ഭാരവാഹികളായി ഫാ. ഫിലിപ്പോസ് ഡാനിയേൽ-ചെയർമാൻ, തോമസ് മുട്ടുവേലിൽ കോർ എപ്പിസ്കോപ്പ, റവ. ബിബിൻ ജേക്കബ്-വൈസ് ചെയർമാൻമാർ, ഫാ. ശാന്തൻ ചരുവിൽ-ജനറൽ കൺവീനർ, ബേബി ജോൺ- ജോയിന്റ് കൺവീനർ, തോമസ് മാത്യു-ജനറൽ സെക്രട്ടറി, സി. ഫിലിപ്പോസ്-ജോയിന്റ് സെക്രട്ടറി, അനിയൻ ചെപ്പള്ളിൽ-ട്രഷറാർ, ഡെന്നിസൺ-കോ ഓർഡിനേറ്റർ എന്നിവരെ തെരഞ്ഞെടുത്തു.