ഡിജിറ്റല് സര്വേ: സ്ഥലം ഉള്പ്പെട്ടുവെന്ന് ഉറപ്പാക്കാന് അവസരം
1464024
Saturday, October 26, 2024 4:37 AM IST
പത്തനംതിട്ട: ഡിജിറ്റല് റീസർവേ പദ്ധതിയിലൂടെ റാന്നി താലൂക്കിലെ ചേത്തയ്ക്കല്, അത്തിക്കയം, പഴവങ്ങാടി, കോഴഞ്ചേരി താലൂക്കിലെ ചെന്നീര്ക്കര, ഇലന്തൂര്, കോഴഞ്ചേരി, മൈലപ്ര, കോന്നി താലൂക്കിലെ തണ്ണിത്തോട്, പ്രമാടം, കോന്നിത്താഴം വില്ലേജുകളുടെ ഡിജിറ്റല് സർവേ ജോലികള് പൂര്ത്തിയായി.
ഈ വില്ലേജുകളില് ഭൂ ഉടമകള് 30നു മുമ്പ് എന്റെ ഭൂമി പോര്ട്ടലില് പരിശോധിച്ച് സ്ഥലം ഡിജിറ്റല് സർവേ രേഖകളില് ഉള്പ്പെട്ടിട്ടുണ്ടോ എന്ന് ഉറപ്പുവരുത്താനാകും.
കോന്നിതാഴം, തണ്ണിത്തോട്, മൈലപ്ര, പ്രമാടം വില്ലേജുകളിലെ ഭൂ ഉടമകള് അടൂര് റീസർവേ സൂപ്രണ്ട് ഓഫീസിലും ചേത്തയ്ക്കല്, അത്തിക്കയം, പഴവങ്ങാടി വില്ലേജുകളിലെ ഭൂ ഉടമകള് പത്തനംതിട്ട റിസർവേ നന്പർ ഒന്ന് സൂപ്രണ്ട് ഓഫീസിലും കോഴഞ്ചേരി, ചെന്നീര്ക്കര, ഇലന്തൂര് വില്ലേജുകളിലെ ഭൂ ഉടമകള് പത്തനംതിട്ട റീ സർവേ നന്പർ രണ്ട് സൂപ്രണ്ട് ഓഫീസിലും ബന്ധപ്പെടണം.