മു​ക്കം: കൊ​യി​ലാ​ണ്ടി-​എ​ട​വ​ണ്ണ സം​സ്ഥാ​ന പാ​ത​യി​ലെ പ്ര​ധാ​ന അ​ങ്ങാ​ടി​യാ​യ മു​ക്കം ടൗ​ണി​ൽ ഏ​റെ തി​ര​ക്കേ​റി​യ അ​ഭി​ലാ​ഷ് ജം​ഗ്ഷ​നി​ൽ ബ​സ് കാ​ത്തി​രി​പ്പ് കേ​ന്ദ്ര​മി​ല്ലാ​ത്ത​ത് യാ​ത്ര​ക്കാ​ർ​ക്ക് ദു​രി​ത​മാ​കു​ന്നു.

വ​ർ​ഷ​ങ്ങ​ൾ​ക്ക് മു​മ്പ് ത​ന്നെ ഇ​വി​ടെ ബ​സ് സ്റ്റോ​പ്പു​ണ്ടാ​യി​രു​ന്നു. അ​വി​ടെ കാ​ത്തു നി​ൽ​ക്കാ​നും ബ​സി​ൽ ക​യ​റാ​നും യാ​ത്ര​ക്കാ​രു​മു​ണ്ടാ​യി​രു​ന്നു. എ​ന്നാ​ൽ ഇ​പ്പോ​ൾ യാ​ത്ര​ക്കാ​ർ​ക്ക് കാ​ത്തി​രി​ക്കാ​നോ കാ​ത്തു നി​ൽ​ക്കാ​നോ ഇ​ട​മി​ല്ലെ​ന്നു മാ​ത്ര​മ​ല്ല ബ​സ് സ്റ്റോ​പ്പി​ന്‍റെ യാ​തൊ​ര​ട​യാ​ള​വും കാ​ണാ​നി​ല്ല. മു​ക്കം അ​ങ്ങാ​ടി​യി​ലെ അ​ഭി​ലാ​ഷ് ജം​ഗ്ഷ​നി​ൽ ക്ഷീ​രോ​ത്പാ​ദ​ക സ​ഹ​ക​ര​ണ സം​ഘ​ത്തി​ന്‍റെ മു​ന്നി​ലാ​ണ് ഈ ​ദു​രി​തം.

അ​ങ്ങാ​ടി​യി​ൽ നി​ന്നു പ​ടി​ഞ്ഞാ​റു ഭാ​ഗ​ത്തേ​ക്കു​ള്ള മൂ​ന്നു പ്ര​ധാ​ന റൂ​ട്ടു​ക​ളി​ൽ പോ​കേ​ണ്ട​വ​രാ​ണ് ഇ​വി​ടെ ബ​സ് ക​യ​റാ​നെ​ത്തു​ന്ന​വ​ർ. സ്വ​കാ​ര്യ മെ​ഡി​ക്ക​ൽ കോ​ള​ജ്, ഗ​വ. മെ​ഡി​ക്ക​ൽ കോ​ള​ജ്, എ​ൻ​ഐ​ടി കു​ന്ന​മം​ഗ​ലം, കോ​ഴി​ക്കോ​ടു ഭാ​ഗ​ത്തേ​ക്കും ഓ​മ​ശേ​രി, താ​മ​ര​ശേ​രി, കൊ​യി​ലാ​ണ്ടി ഭാ​ഗ​ത്തേ​ക്കും തി​രു​വ​മ്പാ​ടി, ആ​ന​ക്കാം​പൊ​യി​ൽ, കോ​ട​ഞ്ചേ​രി ഭാ​ഗ​ത്തേ​ക്കും പോ​കേ​ണ്ട​വ​രാ​ണ് ഇ​വി​ടെ കാ​ത്തി​രി​ക്കു​ക.

എ​വി​ടെ കാ​ത്തി​രി​ക്ക​ണം എ​ന്ന് യാ​തൊ​രു സൂ​ച​ന​യു​മി​ല്ല. ഷെ​ൽ​ട്ട​റോ, ഷെ​ഡോ, ബോ​ർ​ഡോ തു​ട​ങ്ങി ഒ​ര​ട​യാ​ള​വും ഇ​വി​ടെ​യി​ല്ല. ഇ​തു ത​ന്നെ​യാ​ണ് ഇ​വി​ടെ ബ​സു​ക​ൾ നി​ർ​ത്താ​തെ പോ​കു​ന്ന​തി​ന്‍റെ കാ​ര​ണ​വും. ഏ​ഴ​ര കോ​ടി രൂ​പ മു​ട​ക്കി ന​ഗ​രം സൗ​ന്ദ​ര്യ​വ​ത്ക​രി​ച്ച​പ്പോ​ഴാ​ണ് ഇ​വി​ടെ ഉ​ണ്ടാ​യി​രു​ന്ന ബ​സ് വെ​യ്റ്റിം​ഗ് ഷെ​ഡ് ഇ​ല്ലാ​താ​യ​ത്.

ന​ട​പ്പാ​ത​യ​ട​ക്കം പ​ല സൗ​ക​ര്യ​ങ്ങ​ളും വ​ന്ന​പ്പോ​ൾ ഷെ​ഡ് അ​പ്ര​ത്യ​ക്ഷ​മാ​യി. ന​ഗ​ര​സൗ​ന്ദ​ര്യ​വ​ത്ക​ര​ണ​ത്തി​ന്‍റെ ഒ​ന്നാം ഘ​ട്ടം പൂ​ർ​ത്തി​യാ​ക്കി ഉ​ദ്ഘാ​ട​നം ന​ട​ത്തി​യി​ട്ട് 10 മാ​സ​മാ​യി. അ​ഞ്ചു​കോ​ടി രൂ​പ​യു​ടെ ര​ണ്ടാം​ഘ​ട്ട പ്ര​വൃ​ത്തി​യി​ൽ ഇ​വി​ടെ ഷെ​ഡ് ഉ​ണ്ടാ​കു​മെ​ന്ന പ്ര​തീ​ക്ഷ​യി​ലാ​ണ് യാ​ത്ര​ക്കാ​ർ.