കോ​ഴി​ക്കോ​ട്: ബേ​പ്പൂ​ര്‍ സം​യോ​ജി​ത ഉ​ത്ത​ര​വാ​ദി​ത്വ ടൂ​റി​സം വി​ക​സ​ന പ​ദ്ധ​തി​യു​ടെ ഭാ​ഗ​മാ​യി കേ​ര​ള ഉ​ത്ത​ര​വാ​ദി​ത്വ ടൂ​റി​സം മി​ഷ​ന്‍ സൊ​സൈ​റ്റി​യു​ടെ ആ​ഭി​മു​ഖ്യ​ത്തി​ല്‍ വ​നി​താ വി​നോ​ദ​യാ​ത്ര സം​ഘ​ടി​പ്പി​ച്ചു.

മാ​നാ​ഞ്ചി​റ​യി​ല്‍ നി​ന്ന് ആ​രം​ഭി​ച്ച വി​നോ​ദ യാ​ത്ര കേ​ര​ള ഉ​ത്ത​ര​വാ​ദി​ത്വ ടൂ​റി​സം മി​ഷ​ന്‍ സൊ​സൈ​റ്റി സി​ഇ​ഒ കെ. ​രൂ​പേ​ഷ് കു​മാ​ര്‍ ഫ്ലാ​ഗ് ഓ​ഫ് ചെ​യ്തു. ജി​ല്ലാ കോ​ഓ​ർ​ഡി​നേ​റ്റ​ര്‍ ശ്രീ​ക​ല ല​ക്ഷ്മി, വ​നി​താ ടൂ​ര്‍ സം​ഘാം​ഗ​ങ്ങ​ള്‍, മ​റ്റ് ക്ഷ​ണി​താ​ക്ക​ളും പ​രി​പാ​ടി​യി​ല്‍ പ​ങ്കെ​ടു​ത്തു. കേ​ര​ള​ത്തി​ലെ വി​വി​ധ ജി​ല്ല​ക​ളി​ല്‍ നി​ന്നു​ള്ള മാ​ധ്യ​മ പ്ര​വ​ര്‍​ത്ത​ക​ര്‍, വ​നി​താ ടൂ​ര്‍ ഓ​പ​റേ​റ്റ​ര്‍​മാ​ര്‍, വ്ലോ​ഗ​ര്‍​മാ​ര്‍, ബ്ലോ​ഗ​ർ​മാ​ർ, എ​ഴു​ത്തു​കാ​ര്‍ എ​ന്നി​വ​ര​ട​ങ്ങു​ന്ന 15 അം​ഗ സം​ഘ​മാ​ണ് യാ​ത്ര​യു​ടെ ഭാ​ഗ​മാ​യ​ത്.

ക​ട​ലു​ണ്ടി ക​ണ്ട​ൽ കാ​ടി​നു​ള്ളി​ലൂ​ടെ​യു​ള്ള ബോ​ട്ടിം​ഗ്, ഗ്രാ​മ​ജീ​വി​ത അ​നു​ഭ​വ​ങ്ങ​ള്‍, ച​രി​ത്ര- ജ​ല ഗ​താ​ഗ​ത ടൂ​റി​സം, ചാ​ലി​യം, ബേ​പ്പൂ​ര്‍ ബീ​ച്ചു​ക​ള്‍ തു​ട​ങ്ങി വ്യ​ത്യ​സ്ത മേ​ഖ​ല​ക​ളി​ലേ​ക്കു​ള്ള സ​മ്പ​ന്ന​മാ​യ അ​നു​ഭ​വ​ങ്ങ​ള്‍ ഈ ​യാ​ത്ര ന​ല്‍​കി​യ​താ​യി സ​ഞ്ചാ​രി​ക​ൾ പ​റ​ഞ്ഞു.

സു​സ്ഥി​ര ടൂ​റി​സം പ്രോ​ത്സാ​ഹി​പ്പി​ക്കു​ന്ന​തി​ന്‍റെ ഭാ​ഗ​മാ​യി വ​നി​താ സ​ഞ്ചാ​ര സം​രം​ഭ​ങ്ങ​ള്‍ ശ​ക്തി​പ്പെ​ടു​ത്താ​നാ​ണ് കേ​ര​ള ഉ​ത്ത​ര​വാ​ദി​ത്വ ടൂ​റി​സം മി​ഷ​ന്‍ ബേ​പ്പൂ​ര്‍ സം​യോ​ജി​ത ഉ​ത്ത​ര​വാ​ദി​ത്വ ടൂ​റി​സം വി​ക​സ​ന പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്.