തി​രു​വ​മ്പാ​ടി: യാ​ത്രാ​ക്കൂ​ലി ചോ​ദി​ച്ച​തി​ന് ഓ​ട്ടോ ഡ്രൈ​വ​റെ യാ​ത്ര​ക്കാ​ര​ൻ മ​ർ​ദി​ച്ച സം​ഭ​വ​ത്തി​ൽ തി​രു​വ​മ്പാ​ടി പോ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി. പാ​മ്പി​ഴ​ഞ്ഞ​പാ​റ സ്വ​ദേ​ശി ഷാ​ഹു​ൽ ഹ​മീ​ദി​നാ​ണ് പ​രി​ക്കേ​റ്റ​ത്. തി​ങ്കാ​ളാ​ഴ്ച രാ​ത്രി പ​ത്തോ​ടെ​യാ​ണ് സം​ഭ​വം. തി​രു​വ​മ്പാ​ടി ഓ​ട്ടോ സ്റ്റാ​ൻ​ഡി​ൽ വ​ച്ച് ഒ​രാ​ൾ ഷാ​ഹു​ൽ ഹ​മീ​ദി​ന്‍റെ ഓ​ട്ടോ​യി​ൽ ക​യ​റി. കൂ​ട​ര​ഞ്ഞി​യി​ലേ​ക്കാ​യി​രു​ന്നു യാ​ത്ര.

കൂ​ട​ര​ഞ്ഞി​യി​ലെ​ത്തി​യ​പ്പോ​ൾ യാ​ത്ര​ക്കാ​ര​ൻ ഓ​ട്ടോ​റി​ക്ഷ​യി​ൽ​നി​ന്നും ഇ​റ​ങ്ങാ​തെ ഉ​റ​ങ്ങു​ക​യാ​യി​രു​ന്നു. ഇ​തോ​ടെ ത​ട്ടി​വി​ളി​ച്ചു. കൂ​ട​ര​ഞ്ഞി​യെ​ത്തി​യെ​ന്നും അ​റി​യി​ച്ചു. ഇ​തോ​ടെ വ​ണ്ടി തി​രി​ച്ച് വി​ടാ​ൻ യാ​ത്ര​ക്കാ​ര​ൻ പ​റ​ഞ്ഞു. തി​രി​കെ വ​രു​ന്ന​തി​നി​ടെ ക​രി​ങ്കു​റ്റി​യെ​ത്തി​യ​പ്പോ​ൾ വ​ണ്ടി നി​ർ​ത്താ​ൻ പ​റ​ഞ്ഞു. വ​ണ്ടി​നി​ർ​ത്തി പൈ​സ ചോ​ദി​ച്ചു. 120 രൂ​പ​യാ​ണെ​ന്ന് പ​റ​ഞ്ഞു. അ​തോ​ടെ നി​ന​ക്കെ​ന്നെ അ​റി​യു​മോ എ​ന്ന് ചോ​ദി​ച്ചു വ​ണ്ടി​യി​ൽ നി​ന്നും പു​റ​ത്തേ​ക്കി​ട്ട് മ​ർ​ദി​ക്കു​ക​യാ​യി​രു​ന്നു.

ശ​ബ്ദം കേ​ട്ട് സ​മീ​പ​ത്തു​ള്ള​വ​ർ എ​ത്തു​മ്പോ​ഴേ​ക്കും പ്ര​തി മു​ങ്ങി​യി​രു​ന്നു. പ​രി​സ​ര​ത്തെ​ല്ലാം തെ​ര​ഞ്ഞെ​ങ്കി​ലും ആ​ളെ ക​ണ്ടെ​ത്താ​നാ​യി​ല്ല. മു​ണ്ടും നീ​ല ഷ​ർ​ട്ടു​മാ​ണ് യാ​ത്ര​ക്കാ​ൻ ധ​രി​ച്ചി​രു​ന്ന​തെ​ന്ന് ഷാ​ഹു​ൽ ഹ​മീ​ദ് പ​റ​ഞ്ഞു. പ്ര​തി​യു​ടെ മ​ർ​ദ​ന​ത്തി​ൽ ഷാ​ഹു​ൽ ഹ​മീ​ദി​ന്‍റെ കൈ​ക്ക് പൊ​ട്ട​ലു​ണ്ട്. പ്ര​ദേ​ശ​ത്ത് സി​സി​ടി​വി ഉ​ൾ​പ്പെ​ടെ കേ​ന്ദ്രീ​ക​രി​ച്ചാ​ണ് അ​ന്വേ​ഷ​ണം.