കോ​ഴി​ക്കോ​ട്: പൊ​തു വി​ദ്യാ​ഭ്യാ​സ​ത്തി​ന്‍റെ വി​ശ്വാ​സ്യ​ത​യെ ബാ​ധി​ക്കും വി​ധ​ത്തി​ല്‍ സ്‌​കൂ​ള്‍ ക്രി​സ്മ​സ് പ​രീ​ക്ഷ​യു​ടെ ചോ​ദ്യ​പേ​പ്പ​ര്‍ ചോ​ര്‍​ന്ന സം​ഭ​വ​ത്തി​ല്‍ ക്രൈം​ബ്രാ​ഞ്ച് അ​ന്വേ​ഷ​ണം ആ​രം​ഭി​ച്ചു. കോ​ഴി​ക്കോ​ട് ക്രൈം​ബ്രാ​ഞ്ച് എ​സ്പി കെ.​കെ. മൊ​യ്തീ​ന്‍​കു​ട്ടി​യു​ടെ നേ​തൃ​ത്വ​ത്തി​ലാ​ണ് അ​ഞ്ചം​ഗ സം​ഘം അ​ന്വേ​ഷ​ണം ആ​രം​ഭി​ച്ചി​ട്ടു​ള്ള​ത്.​സൈ​ബ​ര്‍ പോ​ലീ​സി​ന്‍റെ സ​ഹാ​യം അ​ന്വേ​ഷ​ണ സം​ഘം തേ​ടി​യി​ട്ടു​ണ്ട്.

അ​ന്വേ​ഷ​ണ സം​ഘം ഇ​ന്ന​ലെ യോ​ഗം ചേ​ര്‍​ന്ന് സ്ഥി​തി​ഗ​തി​ക​ള്‍ വി​ല​യി​രു​ത്തി. ചോ​ദ്യ പേ​പ്പ​ര്‍ ചോ​ര്‍​ച്ച​യി​ല്‍ പ​ങ്കു​ണ്ടെ​ന്ന് കരു​തു​ന്ന കൊ​ടു​വ​ള്ളി​യി​ലെ എം​എ​സ് സൊ​ല്യൂ​ഷ​ന്‍​സ് സ്ഥാ​പ​ന​ത്തി​ന്‍റെ സി​ഇ​ഒ​യി​ല്‍നി​ന്ന് മൊ​ഴി രേ​ഖ​പ്പെ​ടു​ത്താ​ന്‍ അ​ന്വേ​ഷ​ണ​സം​ഘം തീ​രു​മാ​നി​ച്ചി​ട്ടു​ണ്ട്. ചോ​ദ്യ​പേ​പ്പ​ര്‍ ത​യാ​റാ​ക്കി​യ അ​ധ്യാ​പ​ക​രു​ടെ പ​ങ്കും പൊ​തു​വി​ദ്യാ​ഭ്യാ​സ വ​കു​പ്പി​ലെ ജീ​വ​ന​ക്ക​രു​ടെ പ​ങ്കും അ​ന്വേ​ഷി​ക്കു​ന്നു​ണ്ട്.

ട്യൂ​ഷ​ന്‍ സെ​ന്‍റ​റു​ക​ളി​ല്‍ ക്ലാ​സെ​ടു​ക്കു​ന്ന സ​ര്‍​ക്കാ​ര്‍ സ്‌​കൂ​ളു​ക​ളി​ലെ അ​ധ്യാ​പ​ക​ര്‍ ആ​രെ​ല്ലാ​മാ​ണെ​ന്ന​ത് സം​ബ​ന്ധി​ച്ചും വി​വ​രം ശേ​ഖ​രി​ച്ചു​വ​രി​ക​യാ​ണ്. എംഎ​സ് സൊ​ല്യൂ​ഷ​ന്‍​സി​ന്‍റെ സാ​മ്പ​ത്തി​ക സ്രോ​ത​സ് സം​ബ​ന്ധി​ച്ചും അ​ന്വേ​ഷ​ണ​ത്തി​നു സാ​ധ്യ​ത​യു​ണ്ടെ​ന്ന് ഉ​ദ്യോ​ഗ​സ്ഥ​ര്‍ സൂ​ചി​പ്പി​ച്ചു.​ ഇ​തേ​ക്കു​റി​ച്ച് ര​ഹ​സ്യാ​ന്വേ​ഷ​ണ​വി​ഭാ​ഗം പ​രി​ശോ​ധി​ച്ചു​വ​രു​ന്നു​ണ്ട്.

എം​എ​സ് സൊ​ല്യൂ​ഷ​ന്‍​സി​ന്‍റെ സാ​മ്പ​ത്തി​ക സ്രോ​ത​സ് കൂ​ടി അ​ന്വേ​ഷി​ക്ക​ണ​മെ​ന്നാ​വ​ശ്യ​പ്പെ​ട്ട് കെഎ​സ്‌യു റൂ​റ​ല്‍ എ​സ്പി​യ്ക്കും പ​രാ​തി ന​ല്‍​കി​യി​രു​ന്നു. ഈ ​പ​രാ​തി​യും ക്രൈം​ബ്രാ​ഞ്ചി​ന് കൈ​മാ​റി​യി​ട്ടു​ണ്ട്. എം​എ​സ് സൊ​ല്യൂ​ഷ​ന്‍​സ് യൂ ​ട്യൂ​ബ് ചാ​ന​ലി​ന്‍റെ ഓ​ഫീ​സ് അ​ട​ച്ചി​ട്ട നി​ല​യി​ലാ​ണ്. താ​ത്കാ​ലി​ക​മാ​യി യൂ ​ട്യൂ​ബ് ചാ​ന​ലി​ന്‍റെ പ്ര​വ​ര്‍​ത്ത​നം നി​ര്‍​ത്തി​യി​ട്ടു​ണ്ട്.​ പൊ​തു​വി​ദ്യാ​ഭ്യാ​സ വ​കു​പ്പും അന്വേഷ​ണം ആ​രം​ഭി​ച്ചി​ട്ടു​ണ്ട്.​ സ​ര്‍​വീ​സി​ല്‍​നി​ന്ന് വി​ര​മി​ച്ച അ​ധ്യാ​പ​ക​രു​ടെ പ​ങ്കും അ​ന്വേ​ഷി​ക്കും.